Jonas 4:9 - Northern Tepehuan Bible

⁹ Dai Diuxi potïtïdai, -Kïïga pïx ibuayi bhamukatai aapi mos gakixakai go uxi?/ Bhai ix ïr sïïrhi sai bhamu aapi gakixakai go uxi?****** Dai go Jonas potïtïdai, -ïjï bia aanï aba ix tuixi bhamuka aanï. Karhioga mukiada antaada aanï bhamukatai tudu- itïtïdai.

Jonas 4:9 Iomraidhean Croise

Jonas 4:1

Dïï gia kabami bhamutu go Jonas maatïkatai sai ka ïma dukai gï tïgito Diuxi dai ka mai xadodai go gïï ki.

Jonas 4:10

Dai Gïr Nukadakami potïtïdai, -Buamï ïrhidi aapi go uxikïdï ix makïdï gïï ami tomaxi aapi maiti idui ixtumaxi dai mai gïrhitu. Otoma gïï gobai mos arhi ïmo tukagikïdï tudu dai otoma gakixa ïmo tukagikïdï ïpï.

Jonas 4:8

Dai laachkïdï ka buasaikai tasai sai xiarhi amajadïrï otoi Diuxi ïbïrhi kaban toñikami dai go tasai kabami toñikatadai ïpï dai kabami soi taadatu go Jonas gokïdï. Sïïrhikïdï ugitu antaadatu Jonas gubukarhigadï tudu asta xako ka mukia ïrhiditadai. Daidi ikaiti ïgai, -Xioma ipïrhidi aani ix mukiagi. Ka mai oidaka iñïrhidi podukai- ikaiti go Jonas.

Mataibo 26:38

Dai potïtïdai ïgai go baika kïkïïrhi ix makïdï ïkobai ijitadai ïgai ïmadï, —Karhioga mukiadan taadaga aanï soi ïrhiarakïdï— itïtïdai. —Tami abïr gin nïnïraka kia dai maiti abïr kokosïda— itïtïdai.

2 Korintios 7:10

Daiñi, xïïxkadï gïr aiyagi go soi ïrhiaragai ix makïdï Diuxi ipïrhidi xi taatagi aatïmï, xïïxkadï soi gïr ïrhiadagi aatïmï tïtïitoitai go soimaaxkami ix makïdï idui aatïmï tudu, gobai gïr soikïi sai ïma dukai gïr tïtïïgitoagi aatïmï. Gïr soikïi gobai tudu sai kïïgakïrï bubuakïna aatïmï go soimaaxkamiañdïrï dai xadïrï soi gïr ïrhidiña aatïmï ka kïïgakïrï bubuakïkai. Dïï gia xorai soi gï ïrhiadagi ix dukai soi gïn ïrhidiña go óídakami ix makïdï mai buaboitudai mai ïma dukai gïn tïtïïgitokatai tudu, aidï gia go soi ïrhiaragai maiti ibuayi soiñi dai bhaiyoma ïr mukigami dukai ibhïadï bïïtarï.

Apokalipsis 9:6

Daidi go odami koiyagi ïrhiadamu dai asta gaagamu ixdukatai gïn kodagi ïïgi mos ïï soi taadakatai dïï maiti ixtutuidimu.