Hechos 9:22 - Northern Tepehuan Bible

²² Dïï go Saulo mos bamioma bhïjimitadai gubukadagai dai tïgibudagai ixtukïdï aagidagi odami sai Suxi ïr Diuxi Otosadï Gïr Bhaitï kïakamiga. Baidi go judidiu Damaskïrï óídakïdï mai tïï ixdukatai gïn tïtïgitoagi kaïkai ïgai aatagidï.

Tepehuan Northern: Diuusi ñiooquidʌ utuducami oodamicʌdʌ

²² Dʌmos ʌSaulo vaamioma maiduaadicuitai gaaagidi Diuusi ñiooquidʌ dai gaaagidiña ʌʌpʌ saidʌ ʌSuusi ʌrʌCristo, taidʌ ʌjudidíu Damascʌrʌ oidacʌdʌ camaitʌʌ isducatai gʌntʌtʌgituagi.

Hechos 9:22 Iomraidhean Croise

Lukas 21:15

Aanï gïn maakimu tïgibudagai ixtukïdï ñokadagi aapimï aidï. Dai ix makïdï gïpiïrï gïn bupadagi ka mai tïigimu ixdukatai gïn aa noraidagi ñoki gïn soikïitai aanï— itïtïdai.

Hechos 17:3

Diuxi ñokidïañdïrï gatïtïïgiditadai ïgai sai Suxi gï agaitadai xi soimaaxi taatagi dai mukiagi dai ïpamu duakagi. Daidi potïtïdaiña ïgai, —Idi Suxi ix makïdï aagai aanï ïr Diuxi Otosadï Gïr Bhaitï kïakamiga— itïtïdaiña Pabora.

Hechos 18:5

Daidi gokiïrï go Silas ïmadï Timoteo ayi Masedoniañdïrï. Dai Pabora dagito somaragai ikuxi bhaabhaki dai mos aagidiña óídakami ix kaiti Diuxi ñokidï. Sïïrhi aagidiña ïgai go judidiu sai Suxi ïr Diuxi Otosadï Gïr Bhaitï Kïakamiga.

Hechos 28:23

Dai bhai dui ïgai ixtuigako gïn ïmpaida agai ïpamu. Dai aidï bhai kïïga mui odami gïn ïmpagi ami xako gï urhiñakatadai Pabora. Dai Pabora ïmo tasai gamaakaitadai ñoki kiamoko abhiadïrï tukarï ukami. Aagidimi ïgai ix dukatai tïanïi Diuxi dai aagidimi ïpï ix kaiti Moiseskaru ïki ïmadï go gaa aagadami Diuxi ñokidï. Pabora ipïrhiditadai xi go odami buaboitudagi Suxi Kristo kaxkïdï pomaaxi atagidi.

Hechos 9:20

Otoma jii ïgai judidiu kikiupaigadïrï dai mïï aagidimi odami sai Suxi ïr Diuxi maradï.

Hechos 9:21

Dai bïïxkatai ix makïdï kaï mai tïtïgaitadai ixdukatai gïn tïtïgitoagi daidi ikaiti, —¿Maiti ix ïr gobai ïgai dai aimïraiña Jerusalenïrï dai gaagaiña go buaboitudadami dai soi buadana? Xibi ka tami dibia gobai dai bukia agai buaboitudadami maamaixapikami ïrhi aanï dai mïïka tïïgida agai go bhaitï gukakamigadï dadaxdadami judidiu mïï Jerusalenïrï— ikaitiña odami.

Hechos 9:23

Bhai mui tasai aatagaitadai go Saulo podukai dai bhodïrï gïn ïmpagi go judidiu dai bhai dui ñoki dai mua agai.

Hechos 9:27

Dïï ami dajatadai ïmo kïïrhi Bernabé tïgidukami dai ïgai soi. Baidakai ïgai go Saulo dai baan kïi go ojotoxikamiïrï dai aagidi ïgai go ojotoxikami ixdukatai tïï Suxi Kristo boiyañdïrï kïïkigitai. Aagidi ïpï ix kaiti go Suxi boiyañdïrï kïïkigitai go Saulo dai sai go Saulo mai duadimudakïdï aagaiña Diuxi ñokidï Damaskïrï Suxi bïïtarï.

1 Korintios 1:27

Ïkobai gïn bubaitu ïgai tomaxi mai sastudakami dukai gïn nïidi odami sai podukai gï maaxkana xïï mai namïga go gaa ix makïdï sastudakami gïn ïrhidi ïïgi ïgai. Dai Diuxi ïkobai gïn bubaitu mai gupukatai aapimï sai podukai gï maaxkana xïï mai namïga ïgai ix makïdï gia gupukami gïn ïrhidi ïïgi ïgai ïpï.

Galatas 1:18

Dai asta baika umigi abhiadïrï xi bhïiyi aanï go aatagi jii aanï Jerusalenamu. Aidï utudami máí aanï go Piduru dai ami kiidïrï bii goka ïkarhi.

Filipenses 4:13

Tomax dukai Suxi Kristo ïgai dai gin mamaakai go gubukarhigai. Dai ïgaikïdï ixtutuidikïi aanï tomax tuma daibuñagi.

1 Tomoteo 1:12

Daiñi, Diuxi ïgai dai gin maa gubukarhigai sai ibuadana aanï gin aaduindaga. Dai maakai aanï ïmo Diuxi aatanamïidaragai maatïkatai sai tomaxi ïkioma parunaiña aanï Suxi Kristo ïgai bïïxkïrï kïïgakïrï gin tïï dai gin maa oigaragai saidi ïr aatabuadamikana aanï ïgai bïïtarï. Ïkioma soi buididiña aanï go buaboitudadami dai omarhigakana aanï ïgai bui. Kïïga ïr ajïakamikatadai aanï xi taatagi gïgïbidaragai tudu. Dïï gia tomaxi soimaaxi ibuadana aanï bïïxkïrï soi gïïrhi Diuxi aanïkïdï dai bhaiyoma gin maa ïmo bhai ïrhiaragai. Mai buaboidaitadai aanï kia dai mai maatïkana ix tuma buadana. Kaxkïdï soi gïrhi ïgai aanïkïdï.