Hechos 9:2 - Northern Tepehuan Bible

² Mïkadïrï gatáí ïgai ïmo ojixikami dai mïï gatïïgida agaitadai Damaskïrï kiupiïrï bhaitï gukakami. Go ojixikamikïdï biaka agaitadai ïgai gubukadagai ix mïï buiyagi go buaboitudadami Damaskïrï dai maamaixapikami buapagi Jerusalenamu modukai kïkïïrhi dai oki.

Tepehuan Northern: Diuusi ñiooquidʌ utuducami oodamicʌdʌ

² dai taí oojai ismaacʌdʌrʌ maa ʌgai oigaragai sai imʌna ʌgai judidíu quiquiuupaigadʌamu Damascʌrʌ dai gaagana ismaacʌdʌ apiavaavoitudai Suusi Cristo mamaatʌtuldaragadʌ dai sai maamaisapicamu vuaapana Jerusaleenʌrʌ vʌʌsi ʌmaduga mʌʌsi ooqui dai cʌcʌʌli.

Hechos 9:2 Iomraidhean Croise

Mataibo 10:17

—Kïïga abïr gïn nukadaka tudu. Go óídakami baan gïn tutusamu dudunukamigadïrï go judidiu bai ïgai kikiupaigadïrï gïn bapasamu dai gïn gïgïbitudamu ikixanaikïdï.

VUAANA 14:6

Daidi Suxi itïtïdai, —Aanï tudu ïr go boi ixtukïdï ajïi odami xako daja Diuxi. Mosïkaxi aanïkïdï mamaatïrïi odami ixtumaxi ïr buaboi. Dai mosïkaxi aanïkïdï kïïgakïrï óídaga odami ïpï. Mai tipu xorai aiyagi mïïka xako daja Diuxi ix maiti gin buaboitudadagi ïgai.

Hechos 18:25

Sïïrhikïdï kïïga maatïtuldikatadai ïgai Diuxi ñokidï. Dai bhai ïrhiarakïdï ñokaiña ïgai dai sïïrhi aagaiña ixtumaxi iduitadai Suxi. Dïï mosïkaxi go Juan bakuanaragadï maatïkatadai ïgai.

Hechos 19:23

Aidïpïrï mui óídakami Efesoana bhakoi Suxi Kristo buaboitudadamigadï bui.

Hechos 19:9

Dïï ïïmoko modukai maiti ipïrhi. Bhaiyoma mos galnaaxi ñokaiña ïgai buidïrï go buaboidaragai ix makïdï gïr biturhi Suxi Kristo. Dai bïïxi go gaa odami kaï aidï ix bui ñokaitadai ïgai. Baidi Pabora dagito go judidiu ami kiupiana dai jii dai baidakai go ix makïdï gia ïr buaboitudadami. Gïn ïmpagi ïgai ïmo eskuelïrï bhaiyoma xako gatïtïïgidiña ïmo kïïrhi Tirano tïgidukami. Ami go Pabora gamaa aatagi bïïx tasai.

Hechos 24:14

Gia ïr buaboi xi aanï xadutudai Diuxi buaboitudaitai aanï Suxi Kristo buaboidaradï. Go judidiu pokaiti sai maiti ïr buaboi idi buaboidaragai, go buaboidaragai ix makïdï odami Boi aagaiña. Dïï aanï gia buaboitudai dai podukai xadutudai aanï Diuxi ix makïdï gïr aaduñi buaboitudaiña ïïki abhiadïrï. Buaboitudai aanï bïïxi go sïïrhikami makïdï oja Moiseskaru dai ix makïdï oja bïïxi go aagadami Diuxi ñokidï ïïki ïpï.

Hechos 24:22

Daidi go gïï dunukami Felix kïïga maatïkana go buaboidaragai ix makïdï Boi agaiña odami, go Suxi Kristo buaboidaradï tudu. Kaxkïdï mos kaïkai ix kaititadai go Pabora ka mai bamioma gatïkakai daidi bhaiyoma potïtïdai aidï, —Nïnïrakamu aanï kia asta dibiakai go komandante Lisias. Aidï gia aagadamu aanï ix dukatai bimu idi aatagi— itïtïdai.

Hechos 26:10

Dai podukai idui aanï Jerusalenïrï. Go bhaitï gukakami dadaxdadami judidiu gin maatadai sïïrhikami dai aanï podukai biakatadai oigaragai dai podukai maixatu aanï mui buaboitudadamigadï Suxi Kristo. Dai ïkobïrako xuduku gïn koditudagi ïgai aanï bhai aagaiña xi podukai gïn buadagi ïgai.

Hechos 26:12

—Ïmo imidagai pomaaxi bïïtarï imïitadai aanï Damasko amakoga. Otosadïkatadai aanï go bhaitï kïakamigadï dadaxdadami. Gin maatadai ïgai sïïrhikami ïmo ojixikamiïrï xi pobuadagi aanï.

Hechos 6:9

Dïï bïïxkïrï mui odami bui ñokaitadai go Tibañi. Ïïmoko go kïkïïrhi ix makïdï bui ñokaitadai dada ïmo judidiu kiupaigadïañdïrï ix makïdï Libertados tïgidu kiupai. Cireniañdïrï dai Alejandreañdïrï oidakamikatadai ïgai. Dai jaa bui ñokadami Ciliciañdïrï dai Asiañdïrï oidakamikana. Bïïxkatai ïgai bui surhi go Tibañi.

Hechos 7:19

Dai idi Faraon naana dukai bupuirumada ïrhiditadai gïr aduñi dai sïïrhikïdï soimaaxi buididitadai. Gatïjai ïgai gïr aaduñi xi ïgai kiidana dagitona gïn maamara sai ïgai kona, ix makïdï ïr kïkïïrhi utudama bubuakiadï— ikaiti Tibañi.

Hechos 9:14

Dai xibi ka dibia gobai tami dai go bhaitï kïakamigadï dadaxdadami judidiu as maa gubukadagai bïïxi xi maamaixapikami gïr bukia agai bïïxkatai ix makïdï gï buaboitudai— ikaiti Ananias.

Hechos 9:21

Dai bïïxkatai ix makïdï kaï mai tïtïgaitadai ixdukatai gïn tïtïgitoagi daidi ikaiti, —¿Maiti ix ïr gobai ïgai dai aimïraiña Jerusalenïrï dai gaagaiña go buaboitudadami dai soi buadana? Xibi ka tami dibia gobai dai bukia agai buaboitudadami maamaixapikami ïrhi aanï dai mïïka tïïgida agai go bhaitï gukakamigadï dadaxdadami judidiu mïï Jerusalenïrï— ikaitiña odami.

2 Korintios 11:32

Ïmo imidagai amïka dakatadai aanï xako Damasko tïgidu ïmo gïï kiiki. Dai ami go gïï kiiki kïïga kuupidi ïmo gïï tïkabakami bhidabiki kurarai. Daidi go kaigi ami gin bhïiya ïrhiditadai dai gatïjai ïgai sandadarugadï saidi nukadakana ami baakigïrï go gïï kiikiana saidi gin bhïna ïgai xuduku busiagi aanï. Aidïpïrï go kïïrhi Areta tïgidukïdï ïr gïï reykatadai ami.

Galatas 1:17

Dai gï agai xi maatïkagi aapimï ïpï sai mai xu xi go gaa ojotosadï Suxi Kristoañdïrï bhïiyi aanï go bhai ïrhiaragai aatagi. Dai bhaiyoma aidïxi bhïiyi aanï go aatagi aidï tomarhi mai jii aanï Jerusalenamu xako daraka go gaa ojotosadï Suxi. Mai dibiji aanï go ix makïdï kaxi ïr ojotosadïkana Suxi tudu. Kaxkïdï gï maatï sai mai xu xi ïgaiñdïrï bhïiyi aanï go aatagi tomaxi ïgai ïr Suxi ojotosadïkana ïpïgioma xi aanï. Bhaiyoma gï maaxitudakai Suxi Kristo gin buidïrï otoma jii aanï xako Arabia tïgidu oidigi dai gokiïrï abhiadïrï jii aanï Damaskamu. Mai otoma dibiji aanï go gaa ojotosadï Suxi Kristo tudu. Kaxkïdï gï maatï sai mai ïgaiñdïrï bhïiyi aanï go aatagi.