Hechos 8:22 - Northern Tepehuan Bible

²² Dagitoñi tudu go soimaaxi tïgibudagai ix makïdï adaimïi aapi dai daañïda Diuxi sa bhai gï oigïldana.

Tepehuan Northern: Diuusi ñiooquidʌ utuducami oodamicʌdʌ

²² Dagitoñi vʌʌsi gʌsoimaascamiga dai daañi Diuusi sabai gʌoigʌldana ʌgai gʌsoimaascamiga ismaacʌdʌ viaa aapi gʌibʌdagʌrʌ.

Hechos 8:22 Iomraidhean Croise

Jonas 1:6

Dai kapitañigadï go barko mïï kïkiba xako kaatïkatadai Jonas dai potïtïdai, —Nïñiñi aapi parïgami— itïtïdai. —Daañiñi go Diuxi ix makïdï buaboitudai aapi. Maatï xi ipïlda ïgai xi gïr soiñagi sai mai koiyagi aatïmï— itïtïdai.

Jonas 3:9

Maatï xi podukai ïma dukai gï tïgitoagi Diuxi dai ka mai kabami bhamukagi gïr buidïrï sai poduka ka maiti gïr kodana ïgai- itïtïdai go dunukami go oidakami.

Hechos 17:30

Ïïkioma óídakami mai maatïkatai buaboidaiña pomaaxi. Kaxkïdï aidïpïrï Diuxi maiti ipïrhiditadai xi bui bhamukagi. Dïï xibi gia Diuxi kaxi gatïjai sai ïmadukai gïn tïtïgitoagi bïïxi odami aipako óídakami.

Hechos 2:38

Dai go Piduru potïtïdai aidï, —Gï agai sai ïma dukai gïn tïtïgitoda aapimï bïïxkatai dai gï agai xi gïn bapakonada sïïrhikamigadïkïdï Suxi Kristo sai oigïlda gïn nïijadana Diuxi— itïtïdai. —Aidï gia Diuxi otosamu Ibhïadï sai gïn ïmadï daakana— itïtïdai.

Hechos 3:19

Kaxkïdï abïr ïma dukai gïn tïtïïgito aapimï dai ïmai boi bhïiyi, Diuxi amajako tudu. Buaboitudabïrai Diuxi bai ïgai buanadagi bïïxi gïn soimaaxkamiga ix makïdï ibuayi aapimï Diuxi bui. Aidï gia Diuxi Gïr Nukadakami gïn bhai gïn ïrhiatudamu.

Hechos 8:20

Daidi go Piduru kabami ñokidi daidi itïtïdai aidï, —Mos ugitimu aapi kïïrhi ïmadï gï tuminxiga ïpï— itïtïdai. —Daiñi, Diuxi gïr urhiñdi Ibhïadï ïmo oidaragai dukai dai xibi aapi mos tuminxikïdï gasabïdadan kaiti. Gia mai kïïgadu gï tïgibudaga— itïtïdai.

Hechos 9:11

Daidi Gïr Nukadakami itïtïdai aidï, —Imiñi otoma amïï Udaxi kiidïrï, mïï kaye Sïïrhiñikïrï tudu, dai ami nïida ïmo kïïrhi Tarsoañdïrï oidakami. Saulo tïgidu ïgai dai gin daanïi ïgai mïïka dakatai.

Romanos 2:4

Diuxi gia kïï tuiga. Mai otoma bhamukui ïgai gïn bui tudu dai tomarhi mai otoma daitudai gïgïbidaragai gïn abhana tomaxi gïn ajïakatadai xi taatagi gïgïbidaragai. Dïï aapimï tomarhi mai buamï gïn ïrhidi. Bhaiyoma soi dukai nïidi aapimï Diuxi poïrhiditai sai ïgai mai oton gïgïbitulda agai. Buabi tudu sai kïï tuiga ïgai gïn bïïtarï. Ipïrhidi ïgai sai ïma dukai gïn tïtïgitokagi aapimï kaxkïdï mai oton gïgïbituldai ïgai.

Hebreos 4:12

Daiñi, bïïxi ñoki ix makïdï aagadagi Diuxi kïïga bia gubukarhigai sai bapakiagi gïr ïrana dai kïïga iduñagi aaduindagai. Bamioma kïïga bapakïi gobai gïr ïrana xi bhai ïmo kuxirui tomaxi bïï goka padïrï biakagi go kuxirui mumukahigadï. Ïmo kuxirui kïïga mukakami bhaiga xi bakiagi odïrï ukami dai maigobai dasagi asta obagadï. Dïï gia Diuxi ñokidï gia bapakïi gïr ïrana dai ajïi gïr ibhïdagïrï ukami dai gobai gïr aagidi ix bhai kïïgadu gïr tïgibudaga. Diuxi ñokidï gïr aagidi ïpï ix bhai kïïgadu ixtumaxi ibuada ïrhidiña aatïmï.

Apokalipsis 2:21

Dai bia aanï ïmo ñoki go oki soimaaxi ibuadami bïïtarï. Daiñi, ka tïbïpi nïnïra aanï xi ïmadukai gï tïgitoagi ïgai dïï maiti ipïrhi xi dagitoagi soimaaxkamigadï.