Hechos 8:1 - Northern Tepehuan Bible

^1-2 Daidi go Saulo ami dajatadai ïpï aidïxi gï muatu go Tibañi dai bhai aa mïx muagi. Dai gokiïrï dada kïkïïrhi kïïga xadutuadadami Diuxi dai yaasa tukugadï Tibañi. Kabami susuanïitadai ïgai soi gïn ïrhiditai. Dai aidï tasïrï aidïxi gï muatu go Tibañi go Jerusalenïrï óídakami bui surhi go gaa buaboitudadami ïpï dai soimaaxi taataturhimitadai. Dai go buaboitudadami aipako iji abhiadïrï. Jaa iji Judeamu dai jaa Samariamu. Mosïkaxi Suxi ojotosadï anaaxi bii Jerusalenïrï.

Tepehuan Northern: Diuusi ñiooquidʌ utuducami oodamicʌdʌ

¹ Daidʌ ʌSaulo baiaa ʌʌpʌ mʌsmuaagi ʌTiivañi. Dai aidʌ ʌcʌrʌ sigʌmuaatu ʌTiivañi ʌJerusaleenʌrʌ oidacʌdʌ vui suuli ʌvaavoitudadami dai soimaa taatatuli. Tai vʌʌsi ʌvaavoitudadami aipaco iji Judeeamu dai Samaaliamu mosʌcaasi ʌojootosicami maiiji abiaadʌrʌ.

Hechos 8:1 Iomraidhean Croise

Mataibo 22:6

Dai jaa bui go ojotosadï go Rey dai soi dodai dai koi.

Mataibo 23:34

—Daiñi, gïn otosdamu aanï ñiñokituldiadamigadï Diuxi dai gïn otosdamu aanï odami ix makïdï kïïga bia tïgibudagai dai jaa ix makïdï gïn tïtïïgiadamu Diuxi ñokidï ïpï. Dai kodamu aapimï ïïmoko kukuruxiana xixakai. Sïïrhikïdï oomarhiga aapimï kaxkïdï. Dai jaa baan tutusamu aapimï judidiu kikiupaigadïana dai gïgïbimu aapimï ikixanaikïdï. Aadaimu aapimï ïgai aipakoga go gïgïr kiikiamu dai soimaaxi taatamitulda agai aapimï. Podukai buidadamu aapimï ix makïdï gïn otosdamu aanï mos ïï oomarhigakatai aapimï— itïtïdai.

Mataibo 5:13

Daidi apia gatïtïïgidi ñoki Suxi go mamaatïrdamigadï daidi potïtïdai, —Daiñi— itïtïdai. —Kïïga ïr ïmo soiñi aapimï go oidigi daama óídakami bïïtarï ïpïan dukai go onai ïr soiñi kuadagai bïïtarï. Dïï gia ix ka mai yoobikagi go onai ¿Aidï gia dukatai gï duna sai gï yoobitudagi gobai ïpamu? Ka maiti ïr soiñikana gobai tudu. Gobai mos gï dadaitudai kaiyana dai mos kïitapaiña go dïgabuskïdami ka maiti ïr soiñikatai gobai. Dai aapimï ix maiti ïr soiñikagi jaa bïïtarï aidï gia ïpïan dukami aapimï go onai ix makïdï ka mai yoobi ïpï dai ka maiti ïr soiñi— itïtïdai.

VUAANA 15:20

Dai gïn tïgitobïrai ïpï go ñoki ix makïdï gïn aagidi aanï ïkioma. Gïn aagidi aanï sai —Ïmo gapioñi xadïrï bamioma namïakana ix bhai tïanïdamigadï— gïn tïtïdai aanï. Daiñi, aanï ïr gïn tïanïdamiga tudu dai odami kabami soi gin buididiña ¿Kaxkïdï dukatai mai soi buididiña ïgai aapimï ïpï gin mamaatïrdamikatai aapimï? Go bamioma muidukïdï soi gïn buidadamu tudu dïï gia go odami ix makïdï ïïgidi gin ñoki kïïga ïïgiada agai aapimï gïn ñoki ïpï.

VUAANA 16:2

Daiñi, gokiïrï go gaa judidiu ix makïdï mai buaboitudai gïn daidamu ix bapakïda aapimï kikiupaigadïrï. Dai asta gïn kodada agai pobïn ïrhiditai sai ibuayi Diuxi aaduindadï gïn kodatai.

Hechos 1:8

—Dïï gia xïïxkadï aiyagi Diuxi Ibhïadï gïn abhana aidï bhïimu aapimï gubukarhigadï ïgai dai odami buitapi aituldamu aapimï ñoki gin bïïtarï. Jerusalenïrï aituldamu aapimï gin ñoki ïmadï xako Judeana tïgidu oidigi ïmadï maigobai xako Samariana tïgidu oidigi dai asta mïkaxi oidigi ugidïrï ukami aituldamu aapimï ñoki gin bïïtarï— itïtïdai go Suxi.

Hechos 13:1

Ami Antiokiïrï muidukatadai buaboitudadami dai ïïmoko ïgai ïr aagadami Diuxi ñokidï dai maatïtuldiadami ïpï. Ïmoko Bernabe tïgidu, dai ïmai Ximuñi ix makïdï tuku agaiña odami, dai ïmai Lucio. Go Lucio ïr Sireniïrï oidakami. Dai ïmai Manaen tïgidu, dai ïmai Saulo. Idi Manaen ïmadï gïrakami go dunukami Erodïxi.

Hechos 13:36

Go ojai gobai mai aagadankaiti go Dabidkaru. Ïmai aagadankaiti gobai bhaiyoma. Daiñi, go Dabid muu ka naato dunakai go aaduindagai ix makïdï Diuxi gatïjai dai bhodïrï aaduñdï yaasa ïgai. Ami tudu duba tukugadï ïgai. Kaxkïdï maatiga maaxi xi ïmai aagadankaiti go ojai.

Hechos 2:47

aatagaiña xïïxi kïï tuiga Diuxi. Bïïxi odami kïïgakïrï nïidiña go buaboitudadami aidï. Dai Diuxi maa tïgibudagai odami sai bïïx tasai jaa odami buaboitudaimi dai bhodïrï urabaiña ïgai go gaa ix makïdï ïr buaboitudadami ïpï.

Hechos 22:20

—Dai aidïxi gï muatu go Tibañi aanï ami dajatadai ïpï. Ïgai ïr ñokadamikatadai aapi bïïtarï dai aanï bhai aa sai gï muatudagi dai asta nukada aanï bapasaradï ix makïdï gamua— antïtïdai.

Hechos 26:10

Dai podukai idui aanï Jerusalenïrï. Go bhaitï gukakami dadaxdadami judidiu gin maatadai sïïrhikami dai aanï podukai biakatadai oigaragai dai podukai maixatu aanï mui buaboitudadamigadï Suxi Kristo. Dai ïkobïrako xuduku gïn koditudagi ïgai aanï bhai aagaiña xi podukai gïn buadagi ïgai.

Hechos 5:18

Dai bui ïgai go ojotoxikami dai maamaixa.

Hechos 5:20

—Imiburai go gïï kiupiïrï dai aagida odami ix dukatai kaatï idi tïgibudagai utudukïdï ixtukïdï kïïgakïrï óídakagi odami— itïtïdai.

Hechos 5:33

Daidi go bhaitï gukakami kabami bhakoi kaïkai aatagidï go Piduru dai koda ïrhiditadai ïgai ïmadï bïïxi go gaa ojotoxikami.

Hechos 5:40

Dai go bhaitï gukakami bhai aa ixdukatai agaitadai go Gamaliel. Dai báí ïgai go ojotoxikami dai gatïjai gïikarsaragai dai daidi ïgai ix ka mai ñokaiña go Suxi bïïtarï. Dai bhodïrï dagito sai iimïna.

Hechos 7:38

Go Moises tudu ïgai dai oidigana aimïraitadai gïr aaduñi ïmadï. Dai go Moises ïmadï dajatadai go Diuxi tïañikarudï dai kaï ñokidï amïka Sinaí tubidakïrï. Diuxi maa ñoki go Moises ixtukïdï kïïgakïrï oidakagi ïmoko dai Moises gïr biturhi go ñoki gobai.

Hechos 7:54

Daidi sïïrhikïdï bhakoi go bhaitï gukakami aidï kaïkai ñokidï Tibañi. Mos kïkïrïndimi taatamudï bhakoikai.

Hechos 7:58

Dai bhïiyi ïgai dai busaitu ami Jerusalenañdïrï maigobai dai maikakarai. Dai go ix makïdï gamaixai nukaturhi gïn bapasaraga ïmo gïrhi Saulo tïgidukami.

Hechos 8:14

Daidi go ojotoxikami Jerusalenïrï darakïdï kajioma sai go Samariana óídakami ka buaboida kaïtadai Diuxi ñokidï ïpï dai gamoko otoi ïgai go Piduru ïmadï Juan.

Hechos 8:4

Daidi go buaboitudadami ix makïdï ka ijitadai Jerusalenañdïrï aipakoga ajiopaitadai dai aagidimitadai óídakami go bhai ïrhiaraga ñoki. Aagaiña ïgai go Suxi aipakoga ajiopaitai tudu.

Hechos 8:5

Ïmoko go buaboitudadami Pirhi tïgidukatadai. Ïgai jii xako Samaria tïgidu oidigi dai ami aagidi ïgai óídakami sai Suxi ïr Diuxi Otosadï Gïr Bhaitï Kïakamiga.

Hechos 9:31

Dai aidï chïki tasai xioma óídakatadai go buaboitudadami Judeïrï dai Galileïrï dai Samarhiïrï mai tipukatai buidïrï bïïtïkami. Kïïga xadutudaiña ïgai Diuxi dai Diuxi Ibhïadï gamaakaiña gubukadagai xi ïgai bamioma kïïga muidaimi.

Romanos 1:32

Kïï maatï go soimaaxi buadami sai ka aagai Diuxi sai gïgïbidaragaikïdï gï agai xi koiyagi ix makïdï pomaaxi buadagi tudu. Dïï gia tomaxi kïï maatï ïgai ix kaiti Diuxi bïïxkïrï apia adaimïiña ïgai go soimaaxi dai bhai gïn ïrhidiña ïgai nïiditai jaa ix makïdï soimaaxi buadagi ïpï.

Filipenses 1:12

Gin aaduñi Diuxi amadïrï, naana maaxi daibuskïi gin ïmadï maixapikatai aanï tami. Dïï gia gï agai xi maatïkagi aapimï sai gobai maiti gin sobhikïi xi apia aagada aanï go bhai ïrhiaragai aatagi. Gin soikïi gobai bhaiyoma sai muiyoma óídakami buitapi aitulda aanï.

Hebreos 11:27

Go Moises dagito go Ejipto tudu oiditai buaboidaradï dai mai buamï ïrhidi tomaxi go rey Faraon bhamukatadai ïgai bïïtarï. Kïïga oiditadai ïgai Diuxi tudu. Kïïga ïïgiditadai ïgai dukami xi nïijadagi ïgai tomaxi Diuxi mai maaxi odami bïïtarï.