Hechos 6:3 - Northern Tepehuan Bible

³ Kaïkabïrai tudu gïr aaduñi daidi gaaga kubarakami kïkïïrhi gïn saagidañdïrï ix makïdï kïï tutiakami duu nïidi odami dai ix makïdï Diuxi Ibhïadï tïanïi dai ix makïdï xioma kïï maatï aatabuadagi. Ïgai tïïgidamu aatïmï go soiñi xi ïgai takoidana bhaiyoma.

Tepehuan Northern: Diuusi ñiooquidʌ utuducami oodamicʌdʌ

³ Cascʌdʌ gʌraaduñi, gaagavurai aapimʌ cuvaracami cʌcʌʌli gʌnsaagidaiñdʌrʌ ismaacʌdʌ sastuduga dai ʌʌgiadagi Diuusi Ibʌadʌ dai vʌʌscatai siaa duutuadagi dai nuucatulda idi aa duiñdagai.

Hechos 6:3 Iomraidhean Croise

Mataibo 23:8

—Dïï aapimï gia maiti gï agai xi dagitoagi xi ïmo gïï namïakami mamaatïtuldiadami gïn aagadagi óídakami— itïtïdai. —Ïmo xixïgïmï aapimï tudu dai mosïkaxi aanï ïr gïn maatïtuldiadamiga, aanï ix makïdï ïr go Kristo tudu.

VUAANA 21:23

Dai kaxkïdï odami pokaitiña gokiïrï sai gobai ix makïdï oigïdai Suxi mai muki agaitadai. Dïï mos gobai maiti ïr buaboi. Go Suxi mai potïtïdai sai mai muki agai ïgai. Bhaiyoma Suxi mos potïtïdaitadai, —Xi ipïrhiada aanï ix kia oidakagi gobai asta xïïxkadï ïpamu dibia aanï, gokïdï maiti gï agai ix buamï ïrhiada aapi— itïtïdaitadai Suxi.

Hechos 1:15

Daidi ïmo imidagai gïn ïmpaidakai ïmo ciento dan ïmo kobhai buaboitudadami bai go Piduru gasaagida kïkiba. Daidi go Piduru potïtïdai,

Hechos 1:21

Dai kia aatagaitadai ïgai go buaboitudadami ix makïdï gïn ïmpagi ami daidi itïtïdai ïpï, —Ka mai tipu go Udaxi xibi kaxkïdï gï agadamu xi gaagagi aatïmï ïmai xorai gïr soiña aatagiadagi odami ix ka duakatu go Suxi— itïtïdai Piduru. —Gï agadamu xi ïr ïmadutaikagi go ix makïdï gïr ïmadï ajiopaitadai aidï abhiadïrï xi go Juankaru bakoi go Suxi dai asta xuduku Diuxi baidaja gïr Nukadakami tïbagiamu— itïtïdai.

Hechos 10:22

Daidi go kïkïïrhi itïtïdai aidï, —Ojotosadï aatïmï go kapitañi Kornelio— itïtïdai. —Go Kornelio kïï xadutudai Diuxi. Dai bïïxi go judidiu kïï tuigakami aagai ïgai— itïtïdai. —Dai ïmo Diuxi tïañikarudï aagidi go Kornelio sai gï baidana pïsai imïna kiidïrï dai maakana aapi ñoki— itïtïdai kïkïïrhi.

Hechos 15:23

Go Jerusalenïrï buaboitudadami otoi ïmo ojai ïgaikïdï go Antiokiïrï buaboitudadami bïïtarï. Dai go ojai ikaiti, —Aatïmï ojotoxikami ïmadï bhaitï gukakami gïn biaturhi aapimï gïr aaduñi ix makïdï maiti ïr judidiu dai Antiokiana óídaga. Otosai aatïmï ïmo biatuldaragai bïïtarï Siriana oidigïrï dai Ciliciana oidigïrï óídakami ïpï.

Hechos 16:2

Go Listrana dai Ikoniana óídakïdï buaboitudadami kïï tuigakami agaiña go Timoteo.

Hechos 2:4

Tai ïmo tïgibudagai bipiatu go buaboitudadami ïmadï Diuxi Ibhïadï. Dai Diuxi Ibhïadï ñokiturhimi bai bïïxkatai ñiño ïïmo ñoki ix makïdï mai maatïkatadai ïgai.

Hechos 22:12

Dai ami oidakatadai ïmo kïïrhi Ananias tïgidukami. Ïgai kïïga ïïgidi kaïkana Diuxi ñokidï dai go judidiu Damaskïrï óídakïdï sïïrhikïdï kïïga ñokaiña ïgai bïïtarï.

Hechos 28:14

Ami tïï aatïmï chïki buaboitudadami dai ïgai gïr báí tïsai ïmadï darakana ïmo ïkaldi. Dai gokiïrï abhiadïrï iji aatïmï Ramamu.

Hechos 6:2

Daidi go bhaibuxtama dan goka ojotoxikami aagidi go buaboitudadami sai gïn ïmpaidana dai bhodïrï potïtïdai, —Arhiïxi gï agai ix apia aagiada aatïmï Diuxi ñokidï bïïx tasai. Maiti ipïrhidi aatïmï ix dagitoagi gobai mos bïïx tasai gatakoiditai soiñi.

Hechos 6:5

Dai bïïxkatai go buaboitudadami bhai aa podukai dai ïko busaitu ïgai go Tibañi. Ïgai kïïga buaboida aimïraiña Diuxi dai Diuxi Ibhïadï tïanïiña ïgai. Dai ïko bubaitu ïgai go Pirhi ïpï, dai Prokoro, dai Nikanor, dai Timoñi, dai Parmenas, dai Nikolas. Antiokiañdïrï oidakami go Nikolas dai maiti ïr judiukatadai ïgai dai bhïiyi buaboidaragadï go judidiu.

Hechos 6:6

Mïtai bïïxkatai baidakai amïka xako darajatadai go ojotoxikami tai ïgai gadáí Diuxi go kïkïirhi bïïtarï dai daama darai gïn noonobi.

Hechos 9:30

Dai go buaboitudadami máí dai otoma baidakai go Saulo Cesareamu dai abhiadïrï maigobai otoi ïgai Tarsoamu.

1 Korintios 12:8

Daiñi, Diuxi Ibhïadï mamaakai gubukarhigai ïïmoko sai gatïtïïgiada ñoki aagaitai tïgibudagai ix makïdï kïïga ïr soiñi. Dai jaa mamaakai ïgai gubukarhigai ix kïïga maatïkana dai aagaiña ixtumaxi Diuxi gïn tïtïgiadagi.

1 Korintios 16:3

Dai gï agai ïpï ix darasagi aapimï kïkïïrhi ix makïdï kïï tutiakami dukai ïrhiadagi aapimï. Dai aanï iduiñdamu ïmo ojai dai maakimu sai biakana ïgai sïïrhikami ix bhïidakagi go soiñi go buaboitudadami Jerusalenana.

Efesios 5:18

Maiti abïr nabaakorïda. Gobai mos xia buayi odami. Bhaiyoma abïr gïn dagito xi gïn tïanïdagi Diuxi Ibhïadï.

1 Tomoteo 5:10

Gï agai xi jaa kïïgakïrï nïijadagi ïpï nïiditai ixtumaxi ibuayi ixtumaxi ïr kïïga. Gï agai xi tïgito nïida aapi ix bhai kïïga gïïrhidi maamaradï dai ix bhai kïïga miadïgidiña ïgai go buaboitudadami xibhïadïrï óídakami. Gï agai ïpï ix mai tiodiantuigakagi soikïitai go buaboitudadami tomax tuma aaduindagïrï. Gï tïgito nïida ïpï sa bhai gamaakaiña ïgai soiñi xorai soimaaxi taatamaiña. Ix makïdï gïn ojagi ami gï agai xi ïr bipiudukagi ix makïdï kaxi ibuadana naana maaxi aaduindagai kïïgadukami tudu. Ix pomaaxkagi ïgai aidï gia bhaiga ïgai xi gïn ojagi ami paperhiïrï xako ojixi budami soiñi.

Santiago 1:17

Mosïkaxi Diuxi gïr Oga ix makïdï idui go xixabugai dai go tasai dai go masadai ïgai dai tïbagiañdïrï gïr oidi bïïxi ixtumaxi ix makïdï buaboikïdï ïr kïkïïgadukami tudu. Dai kïïga gï maatï sai Diuxi tomarhi ïmo imidagai gïr maakimu soimaaxkami ixtumaxi. Daiñi, tomaxi go xixabugai ïmadï go tasai dai masadai gia ïmapïbuadana dai tutukuiña ïïmo imidagai dïï gia Diuxi apia mo maaxkana dai mai ïmapïbuayi toma lïïchi. Kaxkïdï bhaiga aatïmï xi kïïga buaboitudada ïgai.

3 Juan 1:12

Xibi aagamu aanï ïmai kïïrhi Demetrio tïgidukami. Daiñi, bïïxi go odami ix makïdï maatï go Demetrio pokaitiña sai kïï tuiga. Kïïga maatiga maaxi sai kïï tuiga ïgai tudu kïïga oiditai ïgai ixtumaxi ïr buaboi. Dai aatïmï ïpï ix makïdï ïr ojotosadï Suxi pokaiti aatïmï ïpï sai kïï tuiga ïgai. Dai kïï maatï aapi sai mai yaatagïi aatïmï.