Hechos 5:24 - Northern Tepehuan Bible

²⁴ Daidi kapitañigadï go gïï kiupiïrï sandadaru ïmadï go gaa bhaitï gukakamigadï judidiu aipako gïn tïkakai daidi ikaiti, —¿Xi gï duñimu xibi?— ikaiti.

Tepehuan Northern: Diuusi ñiooquidʌ utuducami oodamicʌdʌ

²⁴ Amaasi caʌcai imaasi ʌbaitʌcʌaacamigadʌ ʌgʌʌ quiuupiʌrʌ sandaaru ʌʌmadu ʌbaitʌcʌaacamigadʌ papaali judidíu ʌʌmadu aa papaali tʌtʌaanʌdami aipaco gʌntʌcacai daidʌ icaiti: ―¿Istumaasi daivuñia agai vʌʌsi gomaasicʌdʌ? ―ascaiti.

Hechos 5:24 Iomraidhean Croise

Isa 9:7

Bhïimu ïgai gubukadadï ix makïdï biakana go Rey Dabid ïïki. Tomax tuigako mos bïïx tasai bamioma gubukan kïïkiadamu ïgai gubukadadï ixtukïdï tïanïi ïgai dai mos kïïgioma oidaka agai ibhïxtaragai tipukatai kokodi ami xako tïanïda agai ïgai. Kïï sïïrhi aataduñimu ïgai dai aagadamu ixtumaxi ïr sïïrhikami. Kïï kaban kïkibamu gubukadadï ix dukatai tïanïda agai ïgai tomax tuigako. Gïr Nukadakami kïïgakïrï oigïdai aaduñdï kaxkïdï bïïxi gubukadadïkïdï gï aagamu ïgai dai kabakami kïïsamu gubukadadï gobai ix makïdï gïr otoxi ïgai.

Lukas 22:4

Dai baakïkai go Diabora ïgiïrï sai jii go Udaxi mïï nïidi go bhaitï gukakamigadï go dadaxdadami ïmadï go sandadaru ix makïdï nukadai go gïï kiupai. Mïï aataga ïgai ïmadï dai bhai dui ñoki ixdukatai tïïgida agai go Suxi xako mai nïijadagi odami.

Lukas 22:52

Dai ami gukatadai dadaxdadami bhaitï gukakamigadï dai sandadaru ix makïdï nukadai go gïï kiupai. Dai ami gukatadai bhaitï gukakamigadï go judidiu ïpï. Bïïxkatai ïgai ami dadatadai bui surhiga agaitai go Suxi. Dai Suxi potïtïdai, —¿Їmo omarhigami mïx gin ïrhidi dai bukatai mamaaxtai dai uxi ixtukïdï gin bui surhigiagi gin bhïiyi agaitai?

VUAANA 12:19

Saidi go fariseos ikaititadai aidï, —Xotuiduna— ikaitiña. —Ka bïïxi odami uraba go Suxi xibi. Ka mai tipu xibi ix dukatai sobhida aatïmï aaduindadï— ikaitiña.

Hechos 2:12

Dai mai tïtïgaitadai ïgai ixdukatai gïn tïtïgitoagi daidi ikaitiña, —¿Dukatai gïr ïpïamaaxi ñokai gobai?— ikaitiña. —Mai ajïi gïr tïgibudaga xi maatiagi ixdukatai pomaaxi ñokai gobai— ikaitiña.

Hechos 4:1

Kia atagaitadai go Piduru dai Juan odami ïmadï dai ami dada chïki dadaxdadami judidiu ïmadï kapitañigadï go gïï kiupiïrï sandadaru ïmadï saduseos.

Hechos 4:21

Daidi go dudunukami ka mai tïtïgaitadai ixtukïdï gïpiïrï surhigiagi go Piduru ïmadï Juan dai mos aagidi sai soimaaxi taatatulda agai ix apia aagada ïgai go Suxi. Dïï aidïpïrï ïbhïiditadai ïgai ix soimaaxi duiñdagi. Pobïnïrhidi ïgai sai ñokada antaada go odami aidï. Bhaitoma bïïxi go odami kïïga ñokaitadai Diuxi bïïtarï nïiditai ix ka duayi go kokoadï ka biakatai ïgai bhaibitukami gokobhai umigi. Kaxkïdï go dudunukami mos ïbhïki go Piduru ïmadï Juan dai dagito sai iimïna.

Hechos 5:23

dai ïpamu aa surhi dai mïï aagidi go bhaitï gukakami daidi itïtïdai, —Kïïga kuukupiñi kuukuparagadï go maixakarui dai buidïrï guka go sandadaru dai nukada. Dïï mos aidïxi kupioka aatïmï kuuparadï mai tïï aatïmï tomarhi ïmoko go ix makïdï gïr tïjai aapimï buaparagai— itïtïdai go sandadaru.

Hechos 5:25

Tai amaxi dibia ïmo kïïrhi daidi itïtïdai, —Mïï gïï kiupiïrï guka go kïkïïrhi ix makïdï maamaixa aapimï dai gamamaakai ñoki— ikaiti go kïïrhi.

Hechos 5:26

Daidi kapitañigadï go gïï kiupiïrï sandadaru jii ïmadï sandadarugadï dai bua. Dïï go sandadaru arhiï ïbhïiditadai go óídakami xi maikarsagi ïgai xi mos kïï bhaidukai bai ïgai go ojotoxikami dai mai soi buimi.