Hechos 5:12 - Northern Tepehuan Bible

¹² Dai Diuxi soikïiña go ojotoxikami saidi ïgai ibuadana naana maaxi ixtumaxi odami saagida ix makïdï ïïgi Diuxi ixtutuidikïi xi buadagi. Dai mos ïmo gïn aadunumïkana go buaboitudadami dai gïn ïmpaidiña go gïï kiupiïrï xako Salomón Portarhigadïrï tïgidu.

Tepehuan Northern: Diuusi ñiooquidʌ utuducami oodamicʌdʌ

¹² Mui istumaasi gʌgʌrducami ivuaadana ʌojootosicami ʌoodami saagida dai vʌʌscatai gʌnʌmpagi ami ʌgʌʌ quiuupiʌrʌ siaaco Salomoñi portaaligadʌ tʌʌgidu.

Hechos 5:12 Iomraidhean Croise

Markos 16:20

Dai go mamaatïrdami aipako iji dai óídakami buitapi aiturhi Diuxi ñokidï. Dai Suxi Gïr Nukadakami soikïiña aaduindadïrï bai ïgai naana maaxi ibuadana ix makïdï ïïgi odami xadïrï ixtuidana ix ibuadagi. Podukai maaxiturhi sai ix makïdï aagaiña ïgai ïr buaboi. Dai mosïkaxi.

VUAANA 10:23

Toomoko aidï dai Suxi no aimïraitadai go gïï kiupiïrï xako Solomon portarhigadï tïgidu.

VUAANA 4:48

Dai Suxi itïtïdai go dunukami, —Aapimï mai buaboitudai ix mai ïpïgioma nïijadagi maaxidaragai maaxi ix makïdï ïïgi Diuxi ibuayi. Ïbogiami podukai buaboituda antaada aapimï— itïtïdai.

Hechos 1:14

Bïïxkatai ïgai mos apia daanïiña Diuxi bïïx tasai. Suxi susukurhidï ïmadï ïmpaidiña ïgai dai Maria, Suxi dïïdï ïmadï dai jaa oki ïmadï ïpï dai gadaanïiña ïgai Diuxi. Dai mos ïmo tïgibudagai biakana ïgai.

Hechos 14:3

Kaxkïdï go Pabora ïmadï Bernabe anaaxi bii bhai tïbïpi. Dai mai duduadikuitai ñokaiña Gïr Nukadakami bïïtarï. Aagaiña ïgai soiñigadï Diuxi ix makïdï urhiñdimi ïgai odami. Dai Diuxi maa gubukadagai saidi ibuadana ïgai naana maaxi ix makïdï ïïgi Diuxi ibuayi. Podukai Diuxi tïtïgidi odami xi ïr buaboi ñokidï Pabora ïmadï Bernabe.

Hechos 16:18

Mui tasai mos pobuayi ïgai dai tïbïpikïdï ojogi Pabora mos kaïkatai dai ajako kïkiba daidi bhagaimi go diabora tïañikarudï ix makïdï arhi oki ïrana dakatadai, —Suxi Kristo gubukadadïkïdï an gï aagidi pïsai busaiña go okiañdïrï— itïtïdai. Mos potïi ïgai dai otoma busai go diabora tïañikarudï.

Hechos 19:11

Dai Diuxi maa gubukadagai Pabora saidi ibuadana ïgai mui naana maaxi ix makïdï ïïgi Diuxi bhaiga xi buadagi.

Hechos 2:46

Dai bïïx tasai gïn ïmpaidiña ïgai go gïï kiupiïrï Jerusalenïrï. Ïmapi gakuadana ïgai kiikiïrï dai bïïxi gïn bhai ïrhiarakïdï gabhibhidiña ïgai bïïxi go aadudï dai

Hechos 28:9

Daidi go óídakami ami kajioma ix Pabora duaditadai ïgai daidi go gaa kokokoñiadï ami Maltaïrï óídakïdï daibuiña dai bïïxkatai duduayi ïpï.

Hechos 3:11

Dai bhodïrï ka kiupiïrï bapakïkai go Piduru ïmadï Juan sai ayi ïgai portarhiïrï xako Solomon portarhigadï tïgidu. Dai go kïïrhi ix makïdï duayi dagï imïi Piduru baasaradïañdïrï. Maiti ipïrhiditadai xi dagitoagi. Dai go odami mos apia kia mai tïtïïgai ix dukatai gïn tïtïïgitoagi dai gamo boopoi dai nïida agai go ix makïdï ka duayi.

Hechos 4:30

Daidi ikaiti ïgai ïpï, —Gïr soiñañi xibi gï otosa Suxi Kristo gubukadadïkïdï daidi duayda aapi kokokoñiadï dai ibuada maaxidaragai maaxi ix makïdï ïïgi aapi ibuayi dai podukai gïr tïïgidañi ix xïï gubuka aapi— ikaiti buaboitudadami daanïitai Diuxi.

Hechos 9:33

Dai ami tïï ïgai ïmo kïïrhi Eneas tïgidukami. Ïgai ka parï mamaakoba umigi mos kaatïkana mai bhaigakatai ixdukatai aimïrdagi.

Hechos 9:40

Dai Piduru kidigamu otoi bïïxkatai go ix makïdï ami darajatadai dai totonakïdï kïkibakai gadaanïi ïgai Diuxi. Dai bui nïnïaba ïgai go oki mukiadï daidi itïtïdai, —Tabita bañigiñi— itïtïdai. Dai ïgai kupioka gï bupuji dai tïï go Piduru dai sïïrhi daiba.

Romanos 15:19

Suxi Kristo ïgai dai podukai aatadui saidi Diuxi Ibhïadï gubukarhigakïdï ibuadana aanï naana maaxi maaxidaragai ix makïdï ïïgi Diuxi ixtutuidikïi xi buadagi. Podukai Diuxi Ibhïadï gubukarhigakïdï kïïga aagidi aanï Diuxi ñokidï bïïxi óídakami aipakoga. Jerusalenïrï gin aaga aanï dai bïïxi aipako aiturhi aanï go bhai ïrhiaragai aatagi aagaitai go Kristo asta mïï Ilirikana ukami.

2 Korintios 12:12

Aidïxi gïn ïmadï dakatadai aanï baasïkioma kïïga gin mamaaxiditadai aanï sai ïr otosadï aanï Suxi Kristo tudu. Kïïga mai ojodatai aatabuadana aanï aidï tudu daidi ibuadana naana maaxi maaxidaragai ix makïdï odami ïïgi maiti ixtutuidikïi xi ibuadagi. Kïïga xigian buadana aanï ibuadatai gin aaduindaga tudu ibuadatai aanï naana maaxi ix makïdï ïbogiami Diuxi gubukarhigadïkïdï ixtutuidi ïmoko xi ibuadagi.