Hechos 27:1 - Northern Tepehuan Bible

¹ Daidi go dudunukami bhai dui ñoki xi Italiamu otosa agai Pabora. Ami Italiana tudu bipiïyi Roma. Dai gatïïgi ïgai Pabora ïmo kapitañi sai ïgai nukadakana dai sai baidakana Romïrï ukami. Julio tïgidukatadai go kapitañi ïgai dai baidakatadai jaa mui maamaixapikïdï ïpï dai aatïmï ïpï oi. Go Julio ïr tïanïdamigadï mui sandarugadï go gïï tïanïdami Romïrï oidakïdï.

Tepehuan Northern: Diuusi ñiooquidʌ utuducami oodamicʌdʌ

¹ Aidʌsi povʌnʌʌli ʌgai isgʌrootosagi Italiamu mʌtai tʌʌgi ʌPaavora ʌʌmadu ʌgaa maamaisapicʌdʌ ʌmo tʌaanʌdamigadʌ sandaaru Julio tʌʌgiducami. Ʌgai ʌrtʌaanʌdamigadʌ sandaarugadʌ ʌgʌʌ baitʌcʌaacami Augusto.

Hechos 27:1 Iomraidhean Croise

Mataibo 27:54

Daidi kabami duduadimu go kapitañi ïmadï sandadarugadï ix makïdï nukadakatadai go Suxi. Nïiditadai ïgai aidïxi gigiburhi oidigi dai bïïxi ixtumaxi daibusai ami ïpï kaxkïdï. Daidi ikaitiña ïgai, —Idi gia ïr buaboi saidi ïr Diuxi maradï— ikaitiña.

Lukas 23:47

Dai kapitañigadï go sandadaru ami darakïdï kïïga ño Diuxi bïïtarï daidi itïi, —Agia ïr buaboi sai idi kïïrhi maiti ïr soimaaxi idukami— itïi ïgai nïiditai ixdukatai pogïduitadai.

Lukas 7:2

Dai ami oidakatadai ïmo tïanïdami sandadaru romano dai biakatadai ïmo pioñi soigaxikami duu ix makïdï kïïga oigïdaitadai ïgai. Dai kabami kokokatadai go pioñi. Karhioga mukiada maaxkatadai ïgai.

Hechos 10:1

Dai Cesareïrï oidakatadai ïmo kïïrhi Kornelio tïgidukami. Ïgai tïanïitadai ïmo ciento sandaru, kapitañigadï tudu ïgai. Italiañdïrï oidakamikatadai go sandadaru ïgai.

Hechos 10:22

Daidi go kïkïïrhi itïtïdai aidï, —Ojotosadï aatïmï go kapitañi Kornelio— itïtïdai. —Go Kornelio kïï xadutudai Diuxi. Dai bïïxi go judidiu kïï tuigakami aagai ïgai— itïtïdai. —Dai ïmo Diuxi tïañikarudï aagidi go Kornelio sai gï baidana pïsai imïna kiidïrï dai maakana aapi ñoki— itïtïdai kïkïïrhi.

Hechos 16:10

Kaxkïdï otoma bhai gïr dui aatïmï dai iimia ragai Masedoniamu. Kïïga buaboidaitadai aatïmï ix gïr baiditadai Diuxi tïsai ami oidakami buitapi aitulda go bhai ïrhiaragai ñoki.

Hechos 18:2

Ami tïï ïgai ïmo kïïrhi judiu Akila tïgidukami. Ïgai ïr Pontoañdïrï oidakami dai Prisila tïgidukana aduñdï. Ïgai utudama ayitadai Korintoana ïpï. Italiañdïrï dadatadai ïgai. Baasïkioñdïrï go gïï dunukami Klaudio tïgidukami gatïjai sai iimïna bïïxi go judidiu Romañdïrï xi kaxkïdï dadatadai ïgai Korintoïrï. Dai Pabora mïï dibiji ïgai.

Hechos 19:21

Daidi gokiïrï xi kaxi pobï gï duitadai gobai, gï tïgito Pabora xi imiagi Jerusalenamu dai gï tïgito ïpï xi boiyana gadibidagi xako Masedoniana dai Akayana tïtïgidu oidigi. Daidi ikaititadai ïgai aidï, —Mos dibidamu aanï óídakami Jerusalenïrï dai bhodïrï gï agadamu xi imi aanï Ramamu ïpï— ikaiti.

Hechos 21:32

Bai ïgai otoma baidakai kakapitañigadï dai ïpï sandadarugadï ix makïdï tïanïi go kakapitañi dai bopoigitai tïapai ami xako kaburhi gukatadai odami. Daidi go odami tïïgakai go komandante ïmadï sandadarugadï ka mai bamioma gïïgï go Pabora.

Hechos 22:26

Daidi mos kaïkai go sonoïrï kïakami ix kaititadai Pabora bai otoma aagidi ïgai go komandante daidi itïtïdai, —Idi kïïrhi asïr ïmo romano— itïtïdai. Gï agai xi Kïïga gï tïgito nïida tudu pïx tuma duña agai ïgaikïdï— itïtïdai.

Hechos 23:11

Xadiko tukarï Gïr Nukadakami gï maaxitu Pabora buitapi daidi itïtïdai, —Maiti soi gï ïrhiada aapi Pabora. Daiñi, kaxi aatagidi aapi go óídakami Jerusalenïrï gin bïïtarï dai aanï aagai sai aapi podukai aatagadamu Romïrï óídakami ïpï— itïtïdai Diuxi.

Hechos 23:17

Daidi Pabora bai ïmo kapitañigadï sandaru daidi itïtïdai, —Baidakañi idi arhi gïrhi dai mïï tïïgida go komandante. Aagida as agai gobai ïmo ñoki— itïtïdai Pabora.

Hechos 24:23

Daidi bhodïrï go dunukami tïjai ïmo kapitañi sai maixakaruana nukadakana go Pabora dïï mai xu ix mos kuupikami dakagi ïgai. Dai aagidi ïpï sai maakana oigaragai xi daibiada aaduñdï xi ïgai soikïda ixtumaxi tïgitokagi ïgai.

Hechos 25:12

Daidi go Festo gaataga jaa ïmadï ix makïdï soikïiña aatagiïrï daidi bhodïrï aa noragi ïgai Pabora daidi itïtïdai, —Kaxi pokaiti aapi pïsaidi ipïrhidi xi go gïï tïanïdami Romïrï bhai duñagi idi aatagi. Kaxkïdï xibi aanï aagai sai go gïï tïanïdami buitapi kïkibamu aapi— itïtïdai.

Hechos 25:25

Aidïpïrï aanï itïtïdaitadai go judidiu sai mai tipukatadai ixtumaxikïdï gataanïdagi muaragai. Dïï go Pabora ïïgi ipïrhi xi baan gï kïïsagi go gïï tïanïdami Romïrï. Kaxkïdï podukai tïgito aanï ix gamo otosagi.

Hechos 27:11

Dïï go kapitañi Julio mai ïïgidi Pabora ñokidï dai bhaiyoma ïïgidi ïgai go barko imibudadami ïmadï soigakami.

Hechos 27:43

Dïï go kapitañi Julio ipïrhiditadai xi kïïgakïrï busiagi go Pabora dai mai dagito mïx kodagi. Dai tïjai ïpï bïïxkatai ix makïdï gïgïxikoi saidi sudaïrï surhigïna ïpïgioma xi go gaa dai aïna dïbïrai.

Hechos 27:6

Ami go kapitañigadï sandaru tïï ïmai barko Alejandreañdïrï imïdami dai Italia amako imïitadai. Italiana tudu bipiïyi go gïï kiiki Roma tïgidukïdï. Dai gïr tïjai ïgai tïtïidaragai ami barkoïrï tïsai Ramamu iimiagi.

Hechos 28:1

Dai kïïgakïrï bubuakïkai aatïmï, go óídakami gïr aagidi xi Malta tïgidu ami. Xikorhimadikami sudagi ami oidigi.

Hechos 28:16

Dai bhodïrï ka aïkai aatïmï Romïrï go Pabora ïkobai gï maixatu ïmo kiiyïrï ïkobai dai mai xu go gaa maamaixapikïdï ïmadï. Dai ïmo sandaru nukadakatadai ami.

Hebreos 13:24

Diuxkïdï abïr biatulda bïïxi gïn bhaitï gukakamiga Diuxi amadïrï ïmadï bïïxi go gaa buaboitudadami ami ïpï. Go buaboitudadami Italiañdïrï gïn otoxdi ïmo biatuldaragai aapimï ïpï.