Hechos 26:11 - Northern Tepehuan Bible

¹¹ Dudatai no aïjïiña aanï kikiupaigadïrï dai kabami soi buididiña go buaboitudadami. Gubudakïdï potïtïdaiña aanï sai ïgai itïïna xi ka mai buaboitudai Suxi Kristo. Sïïrhikïdï kïdaiña aanï go buaboitudadamigadï Suxi Kristo tudu dai asta adaimïiña aanï maigobai mïkaxi xako óídaga jaa ïma maaxi ñokadami, dai ami soi buididiña aanï ïpï— ikaiti.

Tepehuan Northern: Diuusi ñiooquidʌ utuducami oodamicʌdʌ

¹¹ Dai muiyoco imidagai aanʌ soi vuaadana ʌvaavoitudadami sai potʌʌna sai camaivaavoitudai. Gomaasi ivuaadana aanʌ judidíu quiquiuupaigadʌrʌ. Dai aliʌ oomaliacana aanʌ ʌgai vui dai asta aimʌraiña aanʌ aa dʌdʌʌvʌriamu dai soi vuaadana.

Hechos 26:11 Iomraidhean Croise

Mataibo 10:17

—Kïïga abïr gïn nukadaka tudu. Go óídakami baan gïn tutusamu dudunukamigadïrï go judidiu bai ïgai kikiupaigadïrï gïn bapasamu dai gïn gïgïbitudamu ikixanaikïdï.

Markos 13:9

Gï agadamu xi kïïga gïn nukadakagi aapimï. Daiñi, mui odami gïn kïïdadamu gin aaduñikatai aapimï. Dudunukamiïrï gïn tutusadamu ïgai. Dai kikiupiïrï gïn bapasadamu ïpï dai ami gïn gïbadamu ïgai. Gï agadamu xi baan gukada aapimï gobibierno buidïrï dai reyes buidïrï xi ami aagada aapimï ix tuixidï gin buaboitudai aapimï.

Markos 3:28

—Kïïga abïr gïn tïgito kaïka idi gin aatagi— itïtïdai. —Kïï bhaiga ix oigïrhidagi odami tomax tuma soimaaxkami ix makïdï ibuayi ïgai, tomaxi naana dukai parunadan kaitiada ïgai Diuxi bui.

Lukas 15:17

Daidi bhïiyi ïgai kïïga tïgibudagai daidi pobïrhi, —Tami karhioga muu aanï bhiugigaikïdï dai amïka kiidïrï gin oga gia asta pipionigadï bhaibitukami bia ixtuma ugiagi— gï ïrhidi.

Lukas 21:12

—Podukai daibuñimu tudu dïï gia ïpïgioma muidutai aapimï ix makïdï ïr gin mamaatïrdamiga gïn buitudamu dai soimaaxi gïn taatatuldamu jaa. Baan gïn tutusamu ïgai kiupaigadïrï judidiu dai gïpiïrï gïn bupadamu dai gïn maixatudamu gin buaboidaitai aapimï. Baan gïn tutusamu ïgai reyes buidïrï dai jaa dudunukamiïrï ïpï.

Lukas 6:11

Daidi gokïdï kabami bhakoi go buidïrï bïïtïkamigadï Suxi dai aipako gïn tïkakaimi ix duñagi ïgai go Suxi.

Hechos 13:45

Dïï mos aidïxi go judidiu tïï ix gïn ïmpagi mosïïki odami arhiï ïgakoi dai bui ñokimi ïgai go Pabora dai xigalnaxi ñoki surhigidimi.

Hechos 18:6

Daidi go judidiu mos parunai dai xigalnaxi ñoki aagidi. Daidi Pabora upai baasaradï dai gigigi dai podukai maaxitudai sai ïgai maiti ïr duñidï xi go judidiu mai buaboitu ñokidï. —Ïïgi aapimï ïr gïn duñi xi gïn gïïgïdagi Diuxi— itïtïdai. —Aanï gia ka maiti ïr gin duñi ka agai gobai— itïtïdai Pabora. —Xibi abhiadïrï bhaitiakoga aituldamu aanï ñoki go ix makïdï maiti ïr judidiu bhaiyoma— itïtïdai.

Hechos 22:19

Antai itïtïdai aanï aidï, —Gin Nukadakami kïïga maatï tami óídakami xi aanï bapakïiña aipakoga kikiupiïrï dai buyiña ix makïdï gï buaboitudai dai gatïjai aanï gïikarsaragai ïpï gï buaboitudaitai ïgai— antïtïdai.

Hechos 22:5

Go kïïrhi bhaitï kïakami dadaxdadami judidiu ïmadï bïïxi go gaa bhaitï gukakami kiupiïrï kïïga maatï dai gïn aagida antaada gobai sai kïïga buaboi aagai aanï. Ïgai tudu gin maa baasïkioma ïmo ojixikami xi tïïgidana aanï gïr aaduñi judidiu Damaskoïrï óídakami. Ïgai ojixikamiïrï gin maatadai ïgai oigaragai ansai imïna Damaskoana dai ansai gaagana buaboitudadami ami. Dai aanï poduña in agaitadai tudu. Buapa in agaitadai aanï go buaboitudadami tanai Jerusalenïrï dai dudunukami buidïrï tutusa in agaitadai sai ïgai maakana gïgïbidaragai.

Hechos 9:1

Dai aidïpïrï go Saulo bui ñokaitadai go buaboitudadami kïïdaitai ïgai dai asta kodadan kaititadai. Gaagaimi ïgai ixdukatai naato ugititudagi go buaboitudadami dai mïï dibiji go bhaitï kïakamigadï dadaxdadami judidiu.

Santiago 2:7

¿Dai mai ix ïr go gïn bipidakami ix makïdï galnaaxi ñoki surhigiña buidïrï Suxi Kristo ix makïdï urabaka aapimï ïpï? ¿Ix tuixidï bamioma xadutudai aapimï go gïn bipidakami tudu?

2 Pedro 2:16

Dïï gia go soigadï axñitu ño ïmo odami dukai dai bhagaidi xi kaxkïdï go Balaam ïmadukai gï tïgito dai dagito go buirudagai ix makïdï iduña agaitadai.