Hechos 21:3 - Northern Tepehuan Bible

³ Mos iji aatïmï asta xudu tïï aatïmï ïmo arhi oidigi xikorhimadikami sudagi xako Chipre tïgidu dai bhodïrï xikorhi dïgabusai aatïmï mïkaxdïrï sïïrhixapadïrï. Dai abhiadïrï sïïrhi iji aatïmï Siriamajakoga dai ayi go gïï kiiki Tiro tïgidukami. Ami Tiroana gï tïbanïda agaitadai kusubidï go barko.

Tepehuan Northern: Diuusi ñiooquidʌ utuducami oodamicʌdʌ

³ Dai dʌgavusai aatʌmʌ ʌmapʌcʌrʌ siaadʌrʌ maasi Sipiliamu, Sipili ʌrʌmapʌcʌrʌ siaaco sicolimadi suudagi. Dai dʌgavusai aatʌmʌ tai Sipili oogisa padʌrʌ vii. Dai apiaiimʌi aatʌmʌ Siiliʌrʌ uucami. Tiiroana viaa agaitadai istumaasi cusuvuti ʌvaarcu cascʌdʌ ami aayi ʌgai.

Hechos 21:3 Iomraidhean Croise

Mataibo 11:21

—Sogigi aapimï Korasinïrï óídakami dai aapimï Betsaidïrï óídakami ïpï. Naana maaxi maaxidaragai idui aanï gïn saagida tudu saidi nïijada aapimï xïï gubuka Diuxi. Dïï modukai maiti ipïrhi aapimï xi ïma dukai gïn tïtïgitoagi— ikaiti ïgai. —Daiñi— ikaiti. —Xi iduñimudai aanï pokaxi maaxidaragai ïïki Tiroïrï ïmadï Sidonïrï ami óídakami gia otomioma ïma dukai gïn tïtïgitomudai xi aapimï. Poduñimudai ïgai tomaxi kabami ïr soimaaxi ibuadamikatadai ïgai. Asta gïn aadamudai ïgai sïïxidakami yukuxi dai gïn komaibadamudai mataikïdï ïpï soi gïn ïrhiditai. Podukai maaxitudamudai ïgai ix ka ïmadukai gïn tïtïgito ïgai— itïtïdai. —Dïï gia aapimï Korasinïrï dai Betsaidïrï óídakami mai pobuayi. Maiti ipïrhidi aapimï xi ïmadukai gïn tïtïgitoagi tudu— itïtïdai.

Mataibo 4:24

Dai bïïxi aipadïrï óídakami kajioma ix tuma buadana Suxi dai gamoko ajiopaiña xako daja ïgai. Asta go Siriañdïrï óídakami bïïxi kajioma ïpï. Dai go óídakami aipadïrï naana maaxi kokokoñiadï buapaiña ami. Buapaiña ix makïdï biakana diabora tïtïañikarudï dai ïmadï ix makïdï susuikiturhiga dai ïmadï ix makïdï mai oiñïiña tukugadï ïpï. Dai Suxi duduadaiña bïïxkatai ïgai.

Lukas 10:13

Dai bhodïrï aagai Suxi ïmo ñoki aagaitai go kiiki xako gaatadui ïgai daidi potïtïdai, —Sogigi aapimï Korasinïrï óídakami dai aapimï Betsaidïrï óídakami ïpï. Naana maaxi maaxidaragai idui aanï gïn saagida sai nïijada aapimï xïï gubuka Diuxi. Dïï modukai maiti ipïrhi aapimï xi ïma dukai gïn tïtïgitoagi— itïtïdai. —Aapimï Korasinïrï dai Betsaidïrï óídakami aanï aagai sai soimaaxi taata agai aapimï. Daiñi, go Tiroïrï dai Sidonïrï óídakami ix makïdï óídakatadai ïïki mai ïmadukai gïn tïgito ïpï soimaaxi ibuadatai ïpï. Dïï gia xi nïijadamudai ïgai go naana maaxi maaxidaragai ix makïdï aapimï nïidi aidï gia ka ïïki abhiadïrï ka ïmadukai gïn tïgitokamudai. Ïgai gïn aadamudai yukuxi sïïxidakami dai gïn komaibadamudai mataikïdï soi gïn ïrhiditai. Dai podukai maaxidamudai ïgai sai ka ïmadukai gïn tïgito. Dïï gia aapimï Korasinïrï dai Betsaidïrï óídakami mai pobuayi. Maiti ipïrhidi aapimï xi ïmadukai gïn tïtïgitoagi tudu.

Lukas 2:2

Aidï ïr tukamïrï xi ïkarhi ïgai bïïxi go óídakami dai aidï Sireno ïr kaigikatadai amïka xako Siria tïgidu oidigi.

Hechos 11:19

Aidï abhiadïrï xi go judidiu muatadai go Tibañi, gïn aaga soi buimi ïgai go gaa buaboitudadami ïpï. Dai ïïmoko go gaa buaboitudadami dïgabuna bopoi aidï. Ïïmoko iji Fenisiamu dai jaa Chipreamu dai jaa Antiokiamu. Ga aagada iimïitadai ïgai Diuxi ñokidï dïï mosïka judidiu aagidimi ïgai dai jaa odami gia cho.

Hechos 12:20

Aidïpïrï go Rey Erodïxi bui bhamukatadai go Tiroana dai Sidonïrï óídakami. Go Erodïxi gïïpi tïanïitadai oidigi dai abhiadïrï kuadagaigadïañdïrï kuadana go Tiroana dai Sidonïrï óídakami, kaxkïdï bhai duña ïrhiditadai ïgai ïmadï go Rey. Dai aagidi ïgai ïmo kïïrhi Blasto tïgidukami ix makïdï ïr sonoïrï kïakamigadïkatadai go Rey bai ïgai buaboitu gïn ñoki dai gïn soi. Maa ïgai oigaragai xi go Tiroana dai Sidonïrï óídakami baan gukibagi buidïrï go Rey dai bhai duñagi ñoki sai ka mai bhaamukana ïgai.

Hechos 13:4

Bhodïrï Diuxi Ibhïadï maigo koida otoi go Bernabe ïmadï Saulo dai ayi ïgai xako Seleuciana tïgidu ïmo bhaabhaki. Dai ami tïtïsai ïgai ïmo barkoïrï dai iji Chipreamu. Go Chipre ïr ïmo oidigi xikorhimadikami gïï sudagi.

Hechos 15:23

Go Jerusalenïrï buaboitudadami otoi ïmo ojai ïgaikïdï go Antiokiïrï buaboitudadami bïïtarï. Dai go ojai ikaiti, —Aatïmï ojotoxikami ïmadï bhaitï gukakami gïn biaturhi aapimï gïr aaduñi ix makïdï maiti ïr judidiu dai Antiokiana óídaga. Otosai aatïmï ïmo biatuldaragai bïïtarï Siriana oidigïrï dai Ciliciana oidigïrï óídakami ïpï.

Hechos 15:39

Daidi kabami ñiño ïgai dai modukai mai bhai dui dai ïjïkobai iji. Go Bernabe baidakai Markos dai tïtïsai ïmo barkoïrï dai iji Chipreamu.

Hechos 15:41

Siriana dai Ciliciana dïgabusai dai gupukaturhi ïgai go buaboitudadami ami óídakami.

Hechos 18:18

Bhodïrï Pabora anaaxi bii Korintoana bhai mui tasai. Dai gokiïrï diosagi ïgai go buaboitudadami dai bhïiyi boi Siriamajakoga. Dai Prisila ïmadï Akila oitadai ïpï. Ayi ïgai Cenkreïrï xako bhïiya agaitadai ïgai ïmo barko. Mai kia tïtïsakai barkoana Pabora guikoma bïïxi ïïgi gï kuupa sai podukai nïidiña odami xi ïïgidimi ïgai ïmo ñoki ix makïdï baasïkioma ka agaitadai ïgai saidi iduñi agai Diuxi bïïtarï. Dai bhodïrï ka tïtïsakai barkoïrï iji gïï sudagiana sïïrhi.

Hechos 21:16

Dai chïki buaboitudadami Cesareïrï óídakami gïr oitadai ïpï. Gïr baidaja ïgai kiidïrï ïmo kïïrhi Mnasón tïgidukami xi ami biiyagi aatïmï. Chipreañdïrï oidakamikatadai go Mnasón dai ïki abhiadïrï ïr buaboitudadamikatadai ïgai.

Hechos 21:2

Patarïrï tïï aatïmï ïmai barko Fenisiamako imïdami dai ïgiïrï tïtïsai aatïmï dai oi gïr imidagai.

Hechos 21:7

Dai Tiroañdïrï apia iimïi aatïmï barkoïrï dai ayi Tolemaidana ukami. Ami tïapai aatïmï dai biaturhi gïr aaduñi, go buaboitudadami tudu, dai amaxi daraja ïmo tasai ïgai ïmadï.

Hechos 27:4

Dai bhodïrï barkoïrï iji aatïmï abhiadïrï dai xibi gïr buidïrï imïitadai ïbïrhi xi ïmo padïrï dïgabusai aatïmï go Chipre xako mai xii kabami ajïitadai ïbïrhi. Go Chipre xako dïgabusai aatïmï ïr lachi oidigi xikorhimadikami sudagi.

Hechos 4:36

Dai ïmo buaboitudadami Jose tïgidukatadai. Ïgai ïr pipiixaradï Lebikaru dai Chipreañdïrï oidakami ïgai. Dai go ojotoxikami Bernabe agaiña ïgai. Go Bernabe tïtiaradï itïiya ïrhidi ïmo abïnakiadami.