Hechos 20:4 - Northern Tepehuan Bible

^4-5 Jaa chïki kïkïïrhi oiditadai go Pabora ïpï dai ïgai gïr bhaitï iji dai ïpïgioma ayi xako Troasïrï tïgidu kiiki. Ami gïr nïnïrakatadai ïgai. Ïmoko ïgai ix makïdï bhaitï jii ïr maradïkatadai Pirhi dai Sopater tïgidu. Bereïrï oidakamikatadai ïgai . Dai iimïitadai go Aristarko ïpï ïmadï Segundo. Ïgai ïr Tesalonikïrï óídakami. Dai Gayo ïpï, Derbiïrï oidakami dai Timoteo. Dai imïitadai Tikiko ïpï ïmadï Trofimo. Ïgai ïr Asiïrï óídakami. Bïïxkatai ïgai gïr nïnïrakatadai Troasïrï.

Tepehuan Northern: Diuusi ñiooquidʌ utuducami oodamicʌdʌ

^4-5 Dʌmos ʌʌmoco ismaacʌdʌ oiditadai Paavora baitʌqui iji dai Trooasiʌrʌ gʌrnʌnʌracatadai. Ʌgai ʌrSópatera Bereeʌrʌ oidacami, ʌʌmadu Aristarco, dai Segundo, Tesalonicʌrʌ oidacami, ʌʌmadu Gaayo Deliviʌrʌ oidacami, ʌʌmadu Timoteo, ʌʌmadu Tíquico, dai Trófimo ʌʌpʌ ʌgai ʌrAasia dʌvʌʌriʌrʌ oidacami.

Hechos 20:4 Iomraidhean Croise

Hechos 14:20

Dai gokiïrï go buaboitudadami ami gukatadai xako kaatïtadai Pabora bai ïgai bañi dai baa ïpamu kayamu. Ami bii ïgai ïmo tukagi dai xadiko jii ïgai Derbiamu ïmadï Bernabe.

Hechos 14:6

Dïï máí Pabora ïmadï Bernabe dai dïgabuna boopoi dai ayi ïmo oidigïrï xako Likoniana tïgidu dai ami ayi ïgai kiiki xako Listrana dai Derbiana tïtïgidu. Dai ayi ïgai jaa kiikiïrï ïpï nobai Likoniana ïpï.

Hechos 16:1

Daidi go Pabora ayi xako Derbiïrï dai Listrana tïtïïgidu kiiki. Ami tïï ïgai ïmo buaboitudadami Timoteo tïgidukami. Ïgai ïr maradïkatadai ïmo oki judiu buaboitudadami ïpï dai ogadï ïr griego ñokadami dai maiti ïr judiu.

Hechos 16:6

Go Pabora ïmadï go gaa imia ïrhiditadai xako Asia tïgidu oidigi dai ami aagadagi Diuxi ñokidï ïpï dïï Diuxi Ibhïadï mai dagito xi kaxkïdï bhaiyoma sïïrhi dïgabusai ïgai xako Frijia dai Galasia tïtïïgidu oidigi.

Hechos 17:1

Daidi ka iimïkai go Pabora ïmadï Silas abhiadïrï sïïrhi dïgabusai ïgai Anfipoliana dai Apoloniana dai bhodïrï ayi ïgai Tesalonikïrï. Ami Tesalonikïrï kïakatadai ïmo kiupaigadï judidiu dai ami baa go Pabora ibhïxtaragai tasïrï.

Hechos 17:13

Dai aidïxi máí go judidiu Tesalonikïrï óídakami xi Pabora aagidi Diuxi ñokidï Bereïrï ïpï bai gamo iji dai xixorhitu go oidakami ami ïpï.

Hechos 19:29

Daidi bïïxi Efesoïrï óídakami gin ïmpagi dai naana kaitimi iñakaitai ïpï. Dai muidutai ïgai iji dai mïï bui goka kïkïïrhi Gayo dai Aristarko tïtïgidukami dai gubudakïdï tïbaimuka ïgai salonamu xako ibuadana ïmpaiñdaragai ami óídakami. Go Gayo ïmadï Aristarko xibhïadïrï oitadai go Pabora. Masedoniañdïrï óídakami ïgai.

Hechos 2:9

Bïïxi aipadïrï óídakami aatïmï di. Ïïmadutai aatïmï ïr Partiañdïrï oidakami, dai jaa Medañdïrï, dai jaa Elamañdïrï, dai Mesapotamiañdïrï, dai Judeañdïrï, dai Kapidosiañdïrï, dai Pontoañdïrï, dai Asiañdïrï,

Hechos 20:16

Go Pabora mai tïbïpi daka ïrhiditadai go Asia oidigïrï. Otoma aiya ïrhiditadai Jerusalenïrï. Daka ïrhiditadai ïgai go tïrhigi bagimigadï tasïrï bïïtarï. Kaxkïdï ijitadai aatïmï Miletamu sïïrhi dai mai dïgabusai Efesoana.

Hechos 20:18

Daidi ka dadakai ïgai bai Pabora itïtïdai aidï, —Kïïga maatï aapimï ixtumaxi ibuadana aanï aidï abhiadïrï xi tukamïrï ayi aanï Asiïrï— itïtïdai.

Hechos 21:29

Baasïkioñdïrï tïïtadai ïgai ïmo kïïrhi Efesoañdïrï oidakami Trofimo tïgidukami xi no maigobai aimïraitadai Pabora ïmadï dai pobïnïrhidi xi go Pabora baitadai go gïï kiupiana Jerusalenïrï. Kaxkïdï pokaititadai ïgai, dïï maiti ïr buaboi.

Hechos 27:2

Dai tïtïsai aatïmï ïmo barkoïrï Adramitiañdïrï oidakami daidi ïr Asiamako imïdami. Dai ïmo kïïrhi Aristarko tïgidukami gïr oiditadai ïpï. Ïgai ïr Tesalonikïrï oidakami. Go Tesalonika Masedonia oidigïrï bipiïyi.

Romanos 16:21

Diuxkïdï gïn biaturhi go Timoteo gin soikïdamiga. Dai gin susukurhi Jason dai Lucio dai Sosipatro gïn biaturhi ïpï. Ïgai bïï baikatai ïr aanï gin aaduñi ïpï.

Romanos 16:23

Diuxkïdï gïn biaturhi Gayo. Ïgai kiidïrï tudu gin urhiñdaka aanï. Dai ïgai gïr maa oigaragai bïïxkatai buaboitudami xi gïr ïmpaidagi aatïmï kiidïrï ïpï. Diuxkïdï gïn biaturhi Erasto ïpï. Ïgai ïr nukadakami go tuminxi ixtukïdï aatabuayi dudunukami tanai Korintoana. Gïr sukurhi Kuartoxi tïgidukami gïn biaturhi ïpï.

2 Korintios 1:1

Aanï ïr Pabora dai gïn otoxdi aanï idi ojai otosadïkatai aanï Suxi Kristo. Aanï ïr ïmo sïïrhikami biakami otosadïkatai Suxi Kristo tudu. Diuxi podukai ipïrhi kaxkïdï. Dai tami gin ïmadï daja Timoteo ix makïdï ïr gïr sukurhi Diuxi amadïrï ïpï dai gin soikïi gobai ibuadatai aanï idi ojai. Idi ojai ïr bïïtarï bïïxkatai aapimï buaboitudadami ix makïdï gïn ïmpaidiña ami Korintoïrï dai bïïxkatai go gaa buaboitudadami bïïtarï ix makïdï bïïxi aipako óídaga amïka Gresiïrï ïpï. Idi ojai ïr bïïxkatai aapimï gïn bïitarï ix makïdï ïr ïko bubaidadï Diuxi tudu. Ïmo biatuldaragai bïïxkatai aapimï gïn bïïtarï.

2 Korintios 1:19

Daiñi, aanï ïmadï go Silbano dai go Timoteo ïr oijadami Suxi Kristo. Dai Suxi Kristo mai ïma dukai gï tïtïitoi xïïxkadï pokaitadagi saidi iduña agai ixtumaxi. Bïïxkïrï ibuayi ïgai ixtumaxi aagadagi tudu. Mai yaatagïi ïgai. Kaxkïdï gï maatï sai aatïmï mai yaatagïi ïpï gïn tïtïgiditai aatïmï ñoki aagaitai Suxi Kristo. Oijadami aatïmï Suxi Kristo kaxkïdï. Ïpïan buayi aatïmï ïgai tudu dai ïgai mai yaatagïi.

Efesios 6:21

Gïn otosdamu aanï ïmoko gïr sukurhi Diuxiïrï ix makïdï Tikiko tïgidu. Ïgai kïïga gin soikïiña Suxi Kristo aaduindadïrï. Ïgai gïn aagidamu ix maaxi daraja aatïmï dai podukai bhai gïn ïrhiatudamu ïgai mïï dibiakai.

Filipenses 2:19

Gin aaduñi Diuxi amadïrï, kïïga buaboitudai aanï sai gin soiñamu Suxi Gïr Nukadakami. Gin soiñamu ïgai sai otoma otosana aanï go Timoteo gamoko sai gïn dibidana tudu. Dai buaboitudai aanï ïpï sai bhai gïn ïrhiadamu aapimï gïn dibidakai ïgai. Dai po in ïrhidi aanï sai aanï ïpï bhai gin ïrhiadamu gokiïrï dibiakai ïgai ïpamu dai gin aagidakai ïgai ix dukatai daraka aapimï amïka.

Kolosenses 4:10

Diuxkïdï gïn biaturhi go Aristarko. Ïgai tanai maixapi ïpï gin ïmadï. Dai go Markos gïn otoxdi ïmo biatuldaragai ïpï. Ïgai ïr sukurhidï go Bernabé. Kaxi gïn otoxdi aanï ñoki baasïki sai kïïga miadïgidagi aapimï go Markos tudu xïïxkadï gïn dibidagi ïgai.

Kolosenses 4:7

Gin aaduñi, go Tikiko ïgai dai gïn bhïidakamu idi ojai. Ïgai kïï mai dagitokai aatabuayi Suxi Kristo aaduindadïrï pioñigadïkatai ïgai dai kïïga oigïdai aatïmï. Ïmo pioñigadï ïgai Suxi tudu ïpïan dukai aatïmï. Ïgai kïïga gïn aagidamu ix dukatai daja aanï tami.

1 Tomoteo 1:1

Bhaiga Timoteo. Aanï ïr Pabora dai gï otoxdi idi ojai. Kïï maatï aapi sai aanï ïr otosadï Diuxi ïmadï Suxi Kristo. Otosadï aanï Diuxi ix makïdï kïïgakïrï gïr bubaitu dai otosadï aanï Suxi Kristo ïpï ix makïdï nïnïraka aatïmï sai ïpamu dibiana. Ïgai bïï gokatai gin tïjai ansaidi ïr otosadïkana.

2 Timoteo 4:12

Baasïkioma gin soikïiña go Tikiko dïï ka otoi aanï Efesoamu.

2 Timoteo 4:20

Xibi ka maiti gin ïmadï daraka go Erasto dai Trofimo. Go Erasto mïï Korintoana bii dai go Trofimo oidi kokodagai aidïxi mïï Miletoana darakatadai aatïmï xi kaxkïdï tudu amaxi bia aanï.

Tito 3:12

Ipïrhidi aanï xi Nikopolixiana daibuñagi go toomoko dai ipïrhidi aanï xi gin ïmadï dakagi aapi ïpï. Kaxkïdï otosamu aanï go Artemas xiïpï go Tikiko amïka xako daja aapi Kretana. Dai mos aïkai ïgai pai otoma imïda Nikopolixiamu sai ami daibuña aatïmï go toomoko.

Filemon 1:24

Diuxkïdï gï biaturhi go Markos dai go Aristarko dai go Demas dai go Lukas ïpï. Gobai bïïxkatai gin soikïiña gin aaduindagïrï.

3 Juan 1:1

Bhaiga aapi Gaiyo. Aanï ïr Juan dai gï otoxdi aanï idi ojai ïmo bhaitï kïakamigadïkatai aanï go buaboitudadami. Kïïga gï oigïdai aanï aapi Gaiyo