Hechos 2:32 - Northern Tepehuan Bible

³² Go Suxi tudu aba ïgai ix makïdï Diuxi duakaturhi. Aatïmï ïr nïijadami di.

Tepehuan Northern: Diuusi ñiooquidʌ utuducami oodamicʌdʌ

³² Diuusi duaacali ʌgai vaa Suusi dai vʌʌscatai aatʌmʌ ʌrnʌijadami vʌʌsi imaasi.

Hechos 2:32 Iomraidhean Croise

VUAANA 15:27

Dai aapimï gin mamaatïrdamiga gï aagai ix gamamaakada ñoki gin aagaitai ïpï. Gin ïmadï ajiopaiña aapimï aidï abhiadïrï ix tukamïrï gin aaga aanï gin aaduindaga kaxkïdï gï aagai ix gamamaakada aapimï ñoki ïpï— itïtïdai Suxi go mamaatïrdamigadï.

Hechos 1:8

—Dïï gia xïïxkadï aiyagi Diuxi Ibhïadï gïn abhana aidï bhïimu aapimï gubukarhigadï ïgai dai odami buitapi aituldamu aapimï ñoki gin bïïtarï. Jerusalenïrï aituldamu aapimï gin ñoki ïmadï xako Judeana tïgidu oidigi ïmadï maigobai xako Samariana tïgidu oidigi dai asta mïkaxi oidigi ugidïrï ukami aituldamu aapimï ñoki gin bïïtarï— itïtïdai go Suxi.

Hechos 13:30

Dïï gia Diuxi ïpamu duakaturhi.

Hechos 13:33

dai xibi aatïmï ïr piipixaradï ïgai dai gïr bïïtarï Diuxi idui ixdukatai agaitadai aidï. Duakaturhi ïgai go Suxi mukukai ïgai. Podukai buaboi busai ixdukatai ojixi Salmo gokïrï. Ami ojixi sai Diuxi ikaiti, Gin maara aapi, dai xibi baan gï kïi aanï bïïxi odami buitapi bai maatïkana ïgai ix aapi ïr gin maara, ikaiti Diuxi.

Hechos 17:31

Daiñi, Diuxi ka dáí ïmo kïïrhi xi ïgai nïijadamu oidigi daama óídakami dai ïgai aagadamu ix makïdï ïr kïïga ibuadami dai ix makïdï ïr soimaaxi ibuadami. Kïï nïijadamu ïgai dai sïïrhi aagadamu. Dai Diuxi ka dáí ix tuma tasïrï pobï gï duñagai gobai ïpï. Kïï maatï aatïmï xi ïr buaboi ka agai gobai, Diuxi duakaturhi go kïïrhi ïgai aidïxi mutadai ïgai kaxkïdï— itïtïdai Pabora.

Hechos 2:24

Dai Diuxi ïpamu duakaturhi go Suxi mukukai ïgai. Go mukigami maiti ixtui xi sobhidagi ix duaka Suxi.

Hechos 3:15

Podukai mua aapimï go ix makïdï gïr maakai gïr iibhïdaga. Mua aapimï dïï Diuxi duakaturhi ïgai dai aatïmï ïr nïijadami ix duaka ïgai— ikaiti.

Hechos 3:26

Dai kaxkïdï ïpï bhai gobai gïn saagida otoi Diuxi mos duakatuldakai Maaradï bai biakana aapimï ïmo gïdukami bhai ïrhiaragai gïn abhana dagitokai gïn soimaaxkamiga ixtukïdï soi buididi aapimï Diuxi. Mos duakatu go Suxi bai otoma bhai gobai gin otoi Diuxi tudu saidi aapimï ïpïgioma gïn aiyagi go bhai ïrhiaragai— ikaiti Piduru.

Hechos 4:10

Dai xibi aanï maaxiko aagai tami gïn buitapi dai bïïxi Israelïrï oidakami buitapi ïpï sai Suxi Kristo gubukadadïkïdï duayi idi kïïrhi ix makïdï tami kïïka gïn buitapi. Go Suxi ïr ïgai baaxi Nasaretañdïrï oidakami ix makïdï xixa aapimï kuruxiana dai mua dai ix makïdï Diuxi duakatu.

Hechos 4:33

Daidi go ojotoxikami gïïpi bhïiyi gubukarhigai dai aagidiña ïgai go odami sai Suxi ka duakatu. Dai Diuxi sïïrhikïdï kïïgakïrï tïï go buaboitudadami dai kïïga oigïdaitai urhiñdi gubukadadï.

Hechos 5:30

Daiñi, aapimï gatïjai kuruxiana xixaragai go Suxi dai podukai mua. Dai gïr Diuxi ix makïdï gïr ïïki aduñi xadutudaiña ïpamu duakaturhi ïgai.

1 Korintios 15:15

Ix ïr buaboikamudai ix mai duakatu go Suxi aidï gia mos ïr ïï yaatagikamudai gïr aatagi aagaitai aatïmï Diuxi. Kaxkïdï tudu gïn aagidi aatïmï sai duakaturhi Diuxi go Suxi.

1 Korintios 6:14

Kïï maatï aatïmï tudu sai ïïgi gubukarhigadïkïdï duduakatulda agai ïgai gïr tukuga ïpïan dukai ix duakaturhi ïgai go Suxi. Kaxkïdï maatiga maaxi sai gia buamï ïrhidi Diuxi ix dukatai gï buadagi gïr tukuga.

2 Korintios 4:14

Kïïga maatï aatïmï sai Diuxi duakaturhi go Suxi ïpamu mukukai ïgai. Dai buaboitudai aatïmï sai aatïmï gïr duduakatulda agai ïgai ïpï ïmadï aapimï ïpï. Dai maatï aatïmï ïpï sai baan gïr tutusa agai ïgai amïka xako daja ïgai, bïïxkatai aatïmï ix makïdï ïr buaboitudadami tudu.

Galatas 1:1

Gin aaduñi Diuxi amadïrï ix makïdï Galasiïrï óídaga, aanï ïr Pabora dai gïn ojidi idi ojai dai aanï ïr otosadï Suxi Kristo. Gï agai xi maatïkagi aapimï sai tomarhi ïmo odami maiti gin maa gin sïïrhikamiga dai bhaiyoma Suxi Kristo ïmadï Diuxi gïr Oga ïgai dai gin maa. Ïgai tudu ix makïdï duakaturhi go Suxi Kristo ïgai dai gin maa gin sïïrhikamiga dai mai xu xi ïmai gin maa. Bia aanï ïmo sïïrhikami tudu. Dai idi ojai ix makïdï ibuayi aanï ïr bïïxi go buaboitudadami bïïtarï ix makïdï bïïxi aipakoga gïn ïmpaidiña amïka Galasiïrï. Aanï ïmadï bïïxi gin aaduñi Diuxi amadïrï ix makïdï tami gin ïmadï daraka bïïxi bhai aa sai gïn otosdiña aanï idi ojai.

Efesios 1:20

ixtukïdï Diuxi duakaturhi Suxi Kristo koidadïañdïrï. Dai idi baaxi gubukarhigaikïdï ïïgi gï sïïrhixapadïrï dáí ïgai go Suxi tïbagiïrï ïpï. Gobai tudu ïr go gubukarhigai ixtukïdï aatabuayi Diuxi aatïmïrï.

Kolosenses 2:12

Daiñi, kïïga buaboitudai aapimï Diuxi gubukarhigadï ixtukïdï duakaturhi ïgai Suxi Kristo. Kaxkïdï aidïxi gïn bapakoi aapimï gïn yaasatudan duu aapimï Suxi Kristo ïmadï dai gïn duduakaturhi aapimï ïgai ïmadï ïpï.

Hebreos 13:20

Gin aaduñi Diuxi amadïrï, kïïga maatï aapimï sai Diuxi ïgai daidi gïr maakai ibhïxtaragai. Ïgai tudu duakaturhi go Suxi ix makïdï ïr gïr Nukadakami kïï tuigakami. Dai Diuxi ïr ïgai ix makïdï bïïxkïrï bïïtarï namïaturhi go utudui sïïrhikami ix makïdï bhai dui ïgai gïr bïïtarï mukukai Suxi Kristo dai aaxtakai ïradï.

1 Pedro 1:21

Dai kïïga maatï aapimï Suxi dai kïïga maatï aapimï ix tuma idui ïgai ïpï dai kaxkïdï buaboitudai aapimï Diuxi. Buaboitudai aapimï ïgai ix makïdï duakatu go Suxi dai maa go adaama namïakami sïïrhikami tudu. Dai xibi bia aapimï ïmo kïïgadukami nïnïraragai ka buaboitudakai aapimï Diuxi.