Hechos 19:21 - Northern Tepehuan Bible

²¹ Daidi gokiïrï xi kaxi pobï gï duitadai gobai, gï tïgito Pabora xi imiagi Jerusalenamu dai gï tïgito ïpï xi boiyana gadibidagi xako Masedoniana dai Akayana tïtïgidu oidigi. Daidi ikaititadai ïgai aidï, —Mos dibidamu aanï óídakami Jerusalenïrï dai bhodïrï gï agadamu xi imi aanï Ramamu ïpï— ikaiti.

Tepehuan Northern: Diuusi ñiooquidʌ utuducami oodamicʌdʌ

²¹ Cadaivunucai vʌʌsi gomaasi taidʌ ʌPaavora ʌpʌʌli isimiagi Masedoniamu dai Acaayamu dai abiaadʌrʌ Jerusaleenamu. Daidʌ icaiti: ―Cadaivunucai amui gʌaagai isimia aanʌ Roomamu ʌʌpʌ ―ascaiti.

Hechos 19:21 Iomraidhean Croise

Hechos 16:12

Dai abhiadïrï iji aatïmï Filipoamu. Go Filipo ïr ïmo gïdukamioma kiiki ami Masedonia oidigïrï. Dai ami Filipoïrï tïanïitadai go Romanos. Ami tudu gïr urhi aatïmï chïki tasai.

Hechos 18:12

Dai bhodïrï ïmo imidagai aidïxi go kïïrhi Galión ïr gïï dunukamikatadai Akayïrï bai go judidiu bïïxkatai bui bhaakoi Pabora dai bhïiyi dai mïï dunukamiïrï kïi.

Hechos 18:21

Bhaiyoma diosagi ïgai dïï gia itïtïdai, —Ix ipïldagi Diuxi otoma dibiamu aanï ïpamu dai gïn nïijadamu— itïtïdai. Dai bhodïrï tïsai ïgai ïmo barkoïrï dai jii Efesoañdïrï.

Hechos 19:22

Dai bhodïrï Masedoniamu otoi ïgai goka gï aaduñi. Timoteo dai Erasto tïtïgidukana ïgai daidi ïr soikïdakamikana aaduindadïrï. Dai Pabora anaaxi bii bhai tïbïpi xako Asiana tïgidu oidigi.

Hechos 19:29

Daidi bïïxi Efesoïrï óídakami gin ïmpagi dai naana kaitimi iñakaitai ïpï. Dai muidutai ïgai iji dai mïï bui goka kïkïïrhi Gayo dai Aristarko tïtïgidukami dai gubudakïdï tïbaimuka ïgai salonamu xako ibuadana ïmpaiñdaragai ami óídakami. Go Gayo ïmadï Aristarko xibhïadïrï oitadai go Pabora. Masedoniañdïrï óídakami ïgai.

Hechos 20:16

Go Pabora mai tïbïpi daka ïrhiditadai go Asia oidigïrï. Otoma aiya ïrhiditadai Jerusalenïrï. Daka ïrhiditadai ïgai go tïrhigi bagimigadï tasïrï bïïtarï. Kaxkïdï ijitadai aatïmï Miletamu sïïrhi dai mai dïgabusai Efesoana.

Hechos 20:22

Xibi gin tañimi Diuxi Ibhïadï ansai imïdana Jerusalenamu dai aanï ïïgidamu tomaxi mai maatï aanï xi gin duñagi mïïka.

Hechos 21:17

Aidïxi ayi aatïmï Jerusalenïrï bhai ïrhiarakïdï gïr biaturhi gïr aaduñi, go buaboitudadami tudu.

Hechos 21:4

Ami tïï aatïmï buaboitudadami dai ami gïr urhi ïgai ïmadï ïmo ïkarhi. Dai Diuxi Ibhïadï gatïañimi ïgai bai gadaañimi ïgai Pabora sai mai imïna Jerusalenamu.

Hechos 23:11

Xadiko tukarï Gïr Nukadakami gï maaxitu Pabora buitapi daidi itïtïdai, —Maiti soi gï ïrhiada aapi Pabora. Daiñi, kaxi aatagidi aapi go óídakami Jerusalenïrï gin bïïtarï dai aanï aagai sai aapi podukai aatagadamu Romïrï óídakami ïpï— itïtïdai Diuxi.

Hechos 27:1

Daidi go dudunukami bhai dui ñoki xi Italiamu otosa agai Pabora. Ami Italiana tudu bipiïyi Roma. Dai gatïïgi ïgai Pabora ïmo kapitañi sai ïgai nukadakana dai sai baidakana Romïrï ukami. Julio tïgidukatadai go kapitañi ïgai dai baidakatadai jaa mui maamaixapikïdï ïpï dai aatïmï ïpï oi. Go Julio ïr tïanïdamigadï mui sandarugadï go gïï tïanïdami Romïrï oidakïdï.

Hechos 27:24

bai ïgai gin tïtïdai, —Maiti duadikuda aapi Pabora— gin tïtïdai. —Gï agadamu kia xi baan kïkibagi aapi go César, go gïï tïanïdami Romïrï tudu. Diuxi gï oigïdai xi kaxkïdï kïïgakïrï bubuakimu bïïxkatai go ix makïdï gï ïmadï iimïi barkoïrï— gin tïtïdai go Diuxi tïañikarudï.

Hechos 28:16

Dai bhodïrï ka aïkai aatïmï Romïrï go Pabora ïkobai gï maixatu ïmo kiiyïrï ïkobai dai mai xu go gaa maamaixapikïdï ïmadï. Dai ïmo sandaru nukadakatadai ami.

Romanos 1:11

Gïn dibida in ïrhidi dai gïn maaki in ïrhidi gubukadagai Diuxi Ibhïadïkïdï bai kïïgioma buiyagi aapimï gubukarhigai gïn ïrabiadïrï.

Romanos 1:13

Gin aaduñi, ipïrhidi aanï xi maatïkagi aapimï sai mui imidagai gïn dibida in ïrhidiña aanï dïï mos mai kia ixtui. Gïn soiña in ïrhidi aanï xi kïïgioma buaboitudada aapimï gïn dibidakai. Pomaaxi ibuadana aanï tudu go gaa ïmadï ïpï ix makïdï maiti ïr judidiu.

1 Korintios 16:5

Gïn dibida in ïrhidi dïï mos bia aanï ix imiagi ïpïgioma Masedoniamu. Dai gokiïrï amïï Korintoïrï gïn dibidamu aanï.

1 Korintios 4:19

Dïï gia ix Diuxi ipïldagi otoma imimu aanï dai aidï gia nïidamu aanï ix dukatai aatabuayi ix makïdï gïgïrdukïdï gïn ïrhidi dai podukai maatïmu aanï sa bhai ïr buaboi sai bia ïgai Diuxi gubukarhigadï xi ïpï ix mos gïgïrdukïdï dukai ñokai ïgai.

2 Korintios 10:16

Podukai gia bhaigakamu aatïmï xi maigobioma aituldagi go bhai ïrhiaragai aatagi mïkaxioma xi xako óídaga aapimï. Aituldamu aatïmï xako mai kia tipu jaa xorai ami aituldagi go ñoki tudu. Podukai mai aataduñimu aatïmï xako kaxi gaatadui jaa. Dai podukai xïïxkadï gaatagada aatïmï dai aagadagi xïï kïi gï idui gïr aaduindaga mosïkaxi aagadamu aatïmï ixtumaxi aatïmï idui dai mai xu xi ixtumaxi idui jaa.

Galatas 2:1

Dai bhodïrï tïbïpikïdï, ka daibunukai bhaibuxtama dan maakoba umigi abhiadïrï xi jiitadai aanï Jerusalenañdïrï, Diuxi gin tïtïgidi sai gï agaitadai xi imiagi aanï ïpamu gamo Jerusalenamu. Xi kaxkïdï jii aanï Jerusalenamu ïmadï Bernabe dai gïr oi go Tito ïpï. Dai aïkai aatïmï amïka antai ïkobai aataga ïmadï go bhaitï gukakamigadï go buaboitudadami ix makïdï bamioma xadutudaiña go buaboitudadami tudu. Dai aagidi aanï ix kaiti go aatagi ix makïdï tïtïgidiña aanï go odami ix makïdï maiti ïr judidiu. Aagidiña aanï go bhai ïrhiaragai aatagi go ix makïdï maiti ïr judidiu tudu. Aagidiña aanï go aatagi ix makïdï ikaiti sai go odami kïï bipiïyi Diuxi ïmadï buaboitudakai ïgai Suxi Kristo. Mai xu xi aagidiña aanï go odami sai gï agaitadai xi ïïgiadagi ïgai go Moiseskaru sïïrhikamigadï xiïpï xi gïn circuncidandoagi ïpï. Kïï maatïkatadai aanï sai mai namïakami dukai bii agaitadai gin aaduindagai ix go bhaitï gukakami mai bhai aagamudai sai kïïgadu ix duu aagai aanï go bhai ïrhiaragai aatagi. Kaxkïdï ïkobai aataga aanï ïgai ïmadï ïpïgioma. Dai kïï bhai aa ïgai sai kïïgadu gin aatagi.

1Tesalonicenses 1:7

Dai xibi bïïxi go buaboitudadami Masedoniïrï dai Akayïrï óídakami kïïga tïgito nïidiña ix dukatai óídaga aapimï. Dai podukai mamaatïrïi ïgai ix dukatai óídakagi ïgai ïpï nïiditai xïï bhai gïn ïrhidi aapimï buaboidaitai aapimï Diuxi.