Hechos 16:22 - Northern Tepehuan Bible

²² Dai ami óídakami bïïxkatai kaburhi gukiba dai bui surhi go Pabora ïmadï Silas. Daidi dudunukami gatïjai sai upasdana yukuxidï dai sai gïikarsana.

Tepehuan Northern: Diuusi ñiooquidʌ utuducami oodamicʌdʌ

²² Tai vʌʌsi ʌoodami vui baacoi, taidʌ ʌdudunucami gatʌjai sai uupasdana yuucusidʌ dai gʌviaarsana uusicʌdʌ.

Hechos 16:22 Iomraidhean Croise

Mataibo 10:17

—Kïïga abïr gïn nukadaka tudu. Go óídakami baan gïn tutusamu dudunukamigadïrï go judidiu bai ïgai kikiupaigadïrï gïn bapasamu dai gïn gïgïbitudamu ikixanaikïdï.

Mataibo 27:26

Dai go Pilato ïïgidi go odami dai dagito go Barabás. Bhodïrï tïjai ïgai go sandadaru mïsai gïikarsana go Suxi ikixanaikïdï dai bhodïrï sai baidakana dai kuruxiana xixana.

Lukas 12:11

—Gin aaduñi— itïtïdai. —Diuxi Ibhïadï ïgai dai gïn soiñamu xïxkadï dudunukamiïrï gïn baan tutusatudagi jaa. Mai xudu xi baan gïn tutusatudagi ïgai gubukadagai bipiakami buidïrï ami go judidiu kiupaigadïrï xiïpï xi jaa dudunukamiïrï no xibhïkai ïpï. Maiti abïr buamï gïn ïrhiada ix tïiyagi aapimï tomarhi ix dukatai gïn soikïdagi ami dudunukamiïrï.

Hechos 16:37

Dïï mos Pabora itïtïdai go sandaru ix makïdï ami dibiatadai aidï, —Cho daiñi— itïtïdai. —Kaxi gïr tïañitu ïgai gïikarsagi bïïxi odami buitapi maiti gïr dagitokai tïx ñokia aatïmï, dai gïr maamaixa bïïxi. Dai aatïmï ïr romano di. Ïgai mai bia sïïrhikami xi pobai gïr buidadagi aatïmï ix makïdï ïr romanos tudu. Dai xibi mos ïxto gïr dagitoda ïrhidi ïgai. Podukai gia cho— itïtïdai. —Aagidabïrai bhaiyoma sai ïïgi dadana ïgai dai gïr bubaidana tabhiadïrï— itïtïdai Pabora go sandaru.

Hechos 17:5

Dai gokïdï bhaakoi go judidiu ix makïdï mai buaboitu ïgamukatai ïgai. Dai mui ïmpagi ïgai kïkïïrhi paparugami dai soimaaxi ibuadami ix makïdï no kayana ajiopaitadai. Abïnaki ïgai bai bui surhigïna go buaboitudadami kaburhi gukakatai. Mos gïgïr ijiñakimi ïgai aidï dai mos xixokai ïgai bui ñokaitai go gaa. Daidi go judidiu ïgai ïmadï go soimaaxi ibuadami mïï ayi kiidïrï ïmo kïïrhi Jason tïgidukami dai daitu kitaagiña. Gaagaimitadai ïgai go Pabora ïmadï Silas dai bukia ïrhiditadai dai tïïgida agaitadai go odami.

Hechos 18:12

Dai bhodïrï ïmo imidagai aidïxi go kïïrhi Galión ïr gïï dunukamikatadai Akayïrï bai go judidiu bïïxkatai bui bhaakoi Pabora dai bhïiyi dai mïï dunukamiïrï kïi.

Hechos 5:40

Dai go bhaitï gukakami bhai aa ixdukatai agaitadai go Gamaliel. Dai báí ïgai go ojotoxikami dai gatïjai gïikarsaragai dai daidi ïgai ix ka mai ñokaiña go Suxi bïïtarï. Dai bhodïrï dagito sai iimïna.

2 Korintios 6:5

Ïïmo imidagai gïr gïikarsaiña jaa dai ïïmo imidagai gïr maamaixapaiña ïpï. Ïïmapïkïrï gïr bupui surhigïiña mui óídakami dai gïr iñakidiña gïr kïïdaitai. Sïïrhikïdï biakana aatïmï xi kabami aatabuadagi dai mui tukagi mai kokosïiña aatïmï dai taatamaiña bhiugigai ïpï.

1Tesalonicenses 2:2

Daiñi, kïï maatï aapimï sai mai kia aïkai aatïmï ami xako daraka aapimï sai kabami soi gïr buididi jaa Filipoana aagaitai aatïmï go bhai ïrhiaragai aatagi. Podukai daibusai Filipoana tudu. Dai ami xako daraka aapimï muidukana gïr buidïrï bïïtïkami ïpï. Dïï bïïxkïrï mai duadimudakïdï aagaiña aatïmï go bhai ïrhiaragai aatagi ami gïr soikïitai Diuxi. Kaxkïdï kïï jii gïr aaduindaga.

Hebreos 11:36

Go óídakami parunaiña jaa dai asta gïbaiña ikixanaikïdï dai bupuraiña kadenakïdï dai maamaixapaiña. Dïï bïïxkïrï apia buaboitudaiña ïgai.

1 Pedro 2:24

Aatïmï gïr ajïakatadai gïgïbidaragai soimaaxi ibuadamikatai aatïmï tudu dïï gia Suxi taata go gïgïbidaragai gïr bïïtarï mukukai kuruxiana. Po dui ïgai saidi ka maiti gïr tïanïdagi go soimaaxkami. Ïpïan dukami gïr bia ïgai ïmo mukiadï ix makïdï ka mai bhaiga xi ïïgiadagi go soimaaxkami tudu. Ka mai bia aatïmï xi ïïgiadagi go soimaaxkami tudu ka koidadï dukai biïkai aatïmï go soimaaxkami bïïtarï. Po dui ïgai sai ka ïma dukai óídakagi aatïmï ibuadatai ixtumaxi ipïrhidi Diuxi. Gï muragitu ïgai saidi kïïgakïrï bubuakïna aatïmï tudu.