Hechos 13:2 - Northern Tepehuan Bible

² Dai ïmo imidagai bïïxkatai ïgai gaxadutudaitadai Diuxi mai dïïkakai kuadagai taidi Diuxi Ibhïadï po tïtïdai aidï, —Aanï ka darai Bernabe ïmadï Saulo ïmo aaduindagai bïïtarï kaxkïdï xibi abïr ïkobai gin bubaitulda gobai go aaduindagai bïïtarï— ikaiti Diuxi Ibhïadï.

Tepehuan Northern: Diuusi ñiooquidʌ utuducami oodamicʌdʌ

² Dai ʌmo imidagai siaa duutudaitadai ʌgai Diuusi maitaugacai taidʌ Diuusi Ibʌadʌ itʌtʌdai: ―Ʌcovai avʌr giñvuusaitulda Bernabé ʌʌmadu Saulo vaidʌ iduuna goovai ʌaa duiñdagai ismaacʌdʌ viaa aanʌ goovai vʌʌtarʌ ―ascaiti ʌDiuusi Ibʌadʌ.

Hechos 13:2 Iomraidhean Croise

Mataibo 17:21

Dïï gia pomaaxkami tïañikarudï go diabora ix makïdï biakatadai go gïïrhi, gobai xijaiga busaidaragai. Gï agai ïpïgioma xi mai kuadatai daanïdagi Diuxi xïïxkadï busaida agadagi gobai. Ïbogiami podukai busakïi gobai— itïtïdai.

Mataibo 6:16

Dai oi Suxi go aatagi daidi potïtïdai, —Daiñi— itïtïdai. —Ïïmo odami xïïxkadï maiti gakuadagi ïgai ïmo xadutudaragai dukai gadaanïitai Diuxi aidï mai gaxiubaiña kuupadï dai mai bakuanaiña buibasodï. Soi gïn ïrhiadan maaxkana ïgai tudu ipïrhiditai sai nïijadagi jaa dai podukai kïï tutiakami gïn dadasai ïgai. Dai kïïga ïr buaboi sai ïïmo óídakami kïï tutiakami aaga antaada tudu. Dïï gia mosïkaxi gobai ix makïdï aagagi odami ïgai bïïtarï ïr maitïkidïka agai. Mai buimu ïgai ixtumaxi Diuxi amadïrï tudu. Kïï tutiakami gïn dadasai ïgai dïï mos maiti ïr buaboi kaxkïdï— itïtïdai.

Mataibo 9:38

—Daanïdabïrai Diuxi tudu sai otosana mui odami saidi yooban duñagi ïgai óídakami soikïitai ix buaboitudagi ïgai— itïtïdai. —Diuxi ïgai dai gatïanïi go yoobaragïrï tudu— itïtïdai.

Lukas 10:1

Daidi gokiïrï ïko bubaitu Suxi ïpï baikobhai dan bhaibuxtama mamaatïrdamigadï dai bhaitïki otoi bïïxi go gïgïr kiikiamu dai bïïxi go ïïmapïkïrï xakoga imi agai ïgai gokiïrï. Gogokatai otoi ïgai.

Lukas 2:37

Podukai ïïgi bii ïgai dai ka maita gaïmadï bii ïpamu. Xibi ka biakatadai ïgai maakokobhai dan maakoba umigi dai ami go gïï kiupiïrï dakana ïgai bïïx tasai modukai tasïrï dai tukarï. Dai dudatai mai dïdïïkaiña ïgai kuadagai xadutudaitai Diuxi dai daanïitai.

Hechos 10:19

Dai aidïpïrï kia tïtïitoitadai go Piduru go tïïtïki bai Diuxi Ibhïadï itïtïdai aidï, —Aapi Piduru, gï gaagaimi baika kïkïïrhi.

Hechos 10:30

Daidi Kornelio itïtïdai aidï, —Kaxi pogïdui maakoba tasai parï kaduku, ka koi gïsïko tasai, tanaxi gin kiiyïrï dakatadai aanï dai gadaanïitadai aanï Diuxi. Dai todian dukai gï maaxitu ïmo kïïrhi dai totobikïi yukuxidï.

Hechos 13:3

Daidi go buaboitudadami gadaañigi Diuxi mai dïïkakai kuadagai dai bhodïrï darai ïgai noonobidï daama go Bernabe ïmadï Saulo daidi ka otoi sai iimïna dai gaatabuada.

Hechos 13:4

Bhodïrï Diuxi Ibhïadï maigo koida otoi go Bernabe ïmadï Saulo dai ayi ïgai xako Seleuciana tïgidu ïmo bhaabhaki. Dai ami tïtïsai ïgai ïmo barkoïrï dai iji Chipreamu. Go Chipre ïr ïmo oidigi xikorhimadikami gïï sudagi.

Hechos 14:26

Go Atalia gïï sudagi ugidana bipiïyi. Dai ami tïtïsai ïgai ïmo barkoïrï dai iji Antiokiamu. Baasïkioñdïrï go buaboitudadami Antiokiïrï gadáítadai Diuxi sai soiñana go Pabora ïmadï Bernabe aaduindadïrï ix makïdï iduitadai ïgai aidï.

Hechos 20:28

Kaxkïdï gïn nukadakabïrai ïïgi aapimï bhaitï gukakami daidi kïïga abïr nukada go buaboitudadami ïpï ix makïdï gïn nukaturhi Diuxi Ibhïadï. Ïgai tudu gïn darai saidi ïr nukadakamikana aapimï go buaboitudadami ix makïdï Diuxi sabïrhi ïïgi maradï ïradïkïdï. Go buaboitudadami ïpïan dukamikana kañiñiru. Diuxi sosoigadï gïn dukamikana ïgai dai gï aagaiña xorai nukadakagi ïgai.

Hechos 22:21

Daidi Gïr Nukadakami pobai gin tïtïdai, —Imiñi aapi tabhiadïrï. Gï otosa iñagai mïkaxi xako óídaga go ix makïdï maiti ïr judidiu, pobai in tïtïdai Gïr Nukadakami tudu— itïtïdai Pabora.

Hechos 4:36

Dai ïmo buaboitudadami Jose tïgidukatadai. Ïgai ïr pipiixaradï Lebikaru dai Chipreañdïrï oidakami ïgai. Dai go ojotoxikami Bernabe agaiña ïgai. Go Bernabe tïtiaradï itïiya ïrhidi ïmo abïnakiadami.

Hechos 6:4

Ix podukai aatïmï bamioma bhaigakamu xi gadaanïda Diuxi dai apia gamaakimu aatagi Diuxi ñokidïkïdï— ikaiti go bhaibuxtama dan goka ojotoxikami.

Hechos 8:29

Daidi Diuxi Ibhïadï itïtïdai Pirhi, —Imiñi dai abhana kïkiba go kareta— itïtïdai.

Hechos 9:15

Daidi Gïr Nukadakami itïtïdai, —Imiñi. Kaxi an ïko busaitu aanï go Saulo bai ñokaiña ïgai gin bïïtarï. Aituldamu ïgai gin ñoki bïïtarï ix makïdï maiti ïr judidiu dai judidiu ïpï dai bïïtarï gïgïr dudunukami.

Romanos 1:1

Aanï ïr Pabora dai gïn otoxi idi ojai. Aanï ïr tïañikarudï Suxi Kristo. Dai Diuxi gin dáí an saidi ïr otosadïkana dai ïkobai gin busaitu ïgai ïpï an sai óídakami buitapi aagaiña go bhai ïrhiaragai aatagi ix makïdï Diuxi gïr maa.

Romanos 10:15

¿Dai dukatai imïna ïmadutai dai mïï aagidagi ix mai tipukagi xorai gaotosdagi? Kaxkïdï tudu Diuxi ñokidï pokaiti aidï, Gia xigiamaaxi odami ix makïdï buapai go bhai ïrhiaraga aatagi, ikaiti Diuxi ñokidï.

Romanos 15:16

Gin maa ïgai sïïrhikami xi ïr pioñigadïkagi aanï Suxi Kristo tudu dai sai ibuada aanï ixtumaxi ïr soiñi óídakami bïïtarï ix makïdï maiti ïr judidiu. Ïgai buitapi aitudai aanï go bhai ïrhiaragai aatagi ix makïdï Diuxi gïr maa. Ïmo bhai buadami xadutudaragai dukai aatabuayi aanï aagaitai go bhai ïrhiaraga aatagi. Dai Diuxi buitapi tïïgida in ïrhidi go óídakami ix makïdï maiti ïr judidiu ïmo daxdaragai dukai bai ïgaikïdï bhai gï ïldana Diuxi. Diuxi Ibhïadï tudu ïgai dai ïkobai darasai odami ïmo daxdaragai dukai Diuxi bïïtarï.

1 Korintios 12:11

Arhi ïmaduga Diuxi Ibhïadï tudu dai gamaakai ïgai gubukarhigai xorai maakia ïrhiadagi ïgai.

1 Korintios 7:5

Odami ix makïdï ïr gïn kukunakami maiti gï aagai ix daidagi aduñdï ix abhana boiyagi tudu. Mosïkaxi ix maiti ipïrhiada ïgai ix ïmapi bopodagi chïki tasai sai kïïgioma gadaanïna ïgai Diuxi, aidï gia bhaiga ïgai xi aatagadagi dai bhaiduñagi ñoki ix mai ïmapi bopobagi dïï mosïkaxi chïki tasai bïïtarï. Dai gokiïrï ka nato daanïkai ïgai Diuxi chïki tasai aidï gia gï agai ix ïmapi bopodagi ïgai. Tadu báí go diabora sai soimaaxi ibuadana ïmai ïmadï.

2 Korintios 11:27

Kabami soimaaxi taatamaiña aanï gaatabuadatai tudu. Mui imidagai mai kokosïiña aanï dai bhibhiuguiña dai tonomokïrïiña ïpï. Dudatai mai biakana aanï kuadagai dai ïbamukurïiña ïpï mai biakatai kïïga yukuxi ixtukïdï gin ukadagi.

2 Korintios 6:5

Ïïmo imidagai gïr gïikarsaiña jaa dai ïïmo imidagai gïr maamaixapaiña ïpï. Ïïmapïkïrï gïr bupui surhigïiña mui óídakami dai gïr iñakidiña gïr kïïdaitai. Sïïrhikïdï biakana aatïmï xi kabami aatabuadagi dai mui tukagi mai kokosïiña aatïmï dai taatamaiña bhiugigai ïpï.

Galatas 1:15

Pomaaxkatadai aanï ïkioma tudu, dïï bïïxkïrï Diuxi ïkobai gin busaitutadai mai kia busaikai aanï abhiadïrï ïmo sïïrhikami bïïtarï. Gia kïï tuiga Diuxi gin bïïtarï tudu. Dai gokiïrï ka aïkai ixtuigako Diuxi ipïrhi

Efesios 3:7

Sïïrhikïdï kïï tuiga Diuxi gin bïïtarï tudu gin maakakai idi aaduindagai xi Diuxi gubukadadïkïdï aagada aanï go bhai ïrhiaragai aatagi bïïxi aipakoga.

Kolosenses 4:17

Aagidabïrai go Arkipo sai kïïga ibuada go aaduindagai ix makïdï maa Gïr Nukadakami ïpï.

1 Tomoteo 2:7

Kaxkïdï gin maa sïïrhikami Diuxi ansaidi ïr otosadïkana sai bhodïrï maatïtulda aanï go óídakami ix tumaxi ïr buaboi ix makïdï maiti ïr judidiu. Sai aituldana aanï go bhai ïrhiaragai aatagi tudu. Diuxi ïr gïr kïïgakïrï bubiadamiga di dai ipïrhidi xi bïïxkatai óídakami kïïgakïrï bubuakiagi. Kaxkïdï gin maa ïgai go sïïrhikami ansaidi ïr otosadïkana. Buaboi aagai aanï tudu pokaititai sai Diuxi gin maa go sïïrhikami ansaidi ïr otosadïkana. Mai yaatagïi aanï tudu.

2 Timoteo 1:11

Dai Diuxi gin maa sïïrhikami ansaidi ïr otosadïkana aanï Suxi Kristo sai aagaiña aanï go bhai ïrhiaragai aatagi dai sai maatïtuldana mui odami aipakoga óídakami.

2 Timoteo 2:2

Aapi Timoteo kïïga kaïkana gin aatagi dai jaa mui kaïkana ïpï dai aagai saidi ïr buaboi. Dai xibi gï agai xi nukatulda aapi go aatagi jaa kïkïïrhi sai maigobioma aituldana ïgai ï galbaaxi aatagi. Gï agai xi nukatulda aapi jaa ix makïdï sïïrhi aatabuayi tudu sai mai sarabidagi gobai ïma maaxi aatagi. Dai Diuxi gï maakimu gubukarhigai idi aaduindagai bïïtarï.

2 Timoteo 4:11

Mosïkaxi go Lukas gin ïmadï daja xibi. Kaxkïdï ipïrhidi aanï sai otoma bhaigobai dibiana aapi. Dai ipïrhidi aanï sai buapana aapi go Markos ïpï. Maatï aanï sai ïgai kïïga gin soiñamu gin aaduindagïrï kaxkïdï.

2 Timoteo 4:5

Dïï gia aapi maiti gï agai ix pobuadagi. Gï agai xi kïïga sïïrhi gï tïgitokagi aapi bhaiyoma dai mai dagitoagi ix gï maitiagi soi ïrhiaragai gï kabakadaitai aapi xïïxkadï soimaaxi taatakagi. Mos sai aapia aagada aapi go bhai ïrhiaragai aatagi aipakoga daidi kïïga ibuada gï aaduindaga ix makïdï gï maa Diuxi.

Hebreos 5:4

Daiñi, kïïga maatï aapimï sai Diuxi ïgai dai maa sïïrhikami go Aaron ïïki saidi ïr gabhaitïkïakamikana ïgai go dadaxdadami bïïtarï. Ïmo odami mai bhaiga xi ïïgi bhïiyagi go sïïrhikami xi bhaitï kïakami dadaxdadami dukai daibagi tudu. Gï agai xi Diuxi ïgai dai maakiagi go sïïrhikami bhaiyoma ïpïan dukai aidïxi ïïki maa ïgai sïïrhikami go Aaron.