Hechos 13:11 - Northern Tepehuan Bible

¹¹ Xibi Diuxi daitudamu gïgïbidaragai gï abhana xi mai nïijadamu aapi tomarhi tasai kuudaigadï chïki tasai— itïtïdai Pabora. Mos potïi ïgai daidi go kïïdarakïdï mai nïnïabatu. Mos tuka oidigi dai kukudurhiga maaxi ïgai bïïtarï, dai gaagaiña ïgai xorai bhïï aimïradagi nobiañdïrï mai nïadatai.

Tepehuan Northern: Diuusi ñiooquidʌ utuducami oodamicʌdʌ

¹¹ Sivi Diuusi gʌgʌʌgʌmu simainʌijadamu aapi tomali tasai cuudagidʌ ―astʌtʌdai ʌSaulo. Mospotʌi ʌgai taidʌ ʌcʌʌdaracʌdʌ mainʌnʌava mostuca oidigi ʌgai vʌʌtarʌ, dai gaagaiña ʌgai sioorʌ bʌʌ aimʌrdagi noviaiñdʌrʌ mainʌaadana ʌgai cascʌdʌ.

Hechos 13:11 Iomraidhean Croise

Genesis 19:11

Bhodïrï Diuxi tïtïañikarudï mai nïnïabatu go kidigana gukakïdï. Modukai kïkïrhiodami ïmadï utu iimïdami bïïxi. Lïïchikïdï ka ibhikoñi ïgai aipako gaagaitai go kitaagiña mai nïadatai.

VUAANA 9:39

Daidi Suxi itïtïdai, —Aanï dibia tami oidigi daama dai ïjïkobai dasa iñagai odami ix makïdï mai maatï Diuxi ïmadï ix makïdï gia maatï ïgai. Ix makïdï mai maatï Diuxi ïr mai nïadami gï dukamikana dai aanï dibia dai kïïga nïadatuda iñagai sai kïïga maatïkana Diuxi. Dïï gia ix makïdï pobïnïrhidi ix ka kïïga nïayi dai kïïga maatï Diuxi ïgai gia maatïtuldamu aanï sai maatïkana ix maiti ïr buaboi ix maatï ïgai Diuxi— itïtïdai Suxi.

Hechos 9:17

Daidi jii Ananias kiidïrï Udaxi xako dakatadai Saulo dai ami baakïkai daama darai gï ïïka daidi itïtïdai, —Gin aduñi Saulo, Suxi Gïr Nukadakami gin otoi bhaigobai. Suxi ïgai dai gï maaxitu gï buitapi boiyaiñdïrï. Ïgai gin otoi saidi aapi ïpamu nïnïabana dai sai ïmo tïgibudagai bhïiyagi aapi ïmadï Diuxi Ibhïadï— itïtïdai Ananias.

Romanos 11:25

Gin aaduñi, ipïrhidi aanï xi maatïkagi aapimï ïmo maatïtuldaragai Diuxiañdïrï ï ix makïdï ïki abhiadïrï ïxtokikana. Dai aidï gia toma lïïchi mai gïgïrdukïdï gïn ïrhiadamu aapimï kaïkai idi maatïtuldaragai ix makïdï gïn aagidamu aanï. Daiñi, mai xu bïïxkïrï kaapakami ka agai iibhïadï go judidiu maiti ipïrhiditai xi buaboitudagi. Kapakamu ïgai mosïkaxi asta xïïxkadï aiyagi ix xïïkiduka agai buaboitudadami ix makïdï maiti ïr judidiu.

Hebreos 10:31

Daiñi, Diuxi buaboikïdï ïr go duakakami Diuxi dai kïïga gubuka ïgai. Kaxkïdï kabami ïbhiaraga bïïtarï ix makïdï Diuxi gïgïbituldagi.

2 Pedro 2:17

Go tïtïïgiadami yaatagi ïgai maiti ibuayi soiñi jaa bïïtarï toma lïïchi. Ïpïan dukami ïgai bapabiki ix makïdï ka gakixa dai mai bia sudagi óídakami bïïtarï. Dai ïpïan dukami ïgai ïpï iikomai ix makïdï otoma bhïï ajiopai ïbïrhi dai mai dukitudai oidigi. Maiti ibuayi ïgai soiñi tudu dai gokiïrï bii agai ïgai xako bïïxi adaama tukamuga.