Hechos 11:3 - Northern Tepehuan Bible

³ daidi itïtïdai, —¿Tui pïxi aidï dibiji gobai ix makïdï maiti ïr judidiu dai ïmadï gauu?— itïtïdai.

Tepehuan Northern: Diuusi ñiooquidʌ utuducami oodamicʌdʌ

³ daidʌ itʌtʌdai: ―¿Tuipʌsi diviji ismaacʌdʌ maitʌrjudidíu dai ʌʌmadu gauu? ―astʌtʌdai ʌjudidíu vaavoitudadami ʌPiiduru.

Hechos 11:3 Iomraidhean Croise

Mataibo 9:11

Dai ami darakatadai ïïmoko ïpï ix makïdï ïr gatïtïïgiadami sïïrhikami daidi ïr fariseos. Dai nïiditai ïgai sai Suxi ïmadï gakuayi soimaaxi ibuadami sai potïtïdai ïgai go mamaatïrdamigadï Suxi, —¿Tuixidï urapïkïi gïn amu galtutiakami odami dai asta gakuayi ïgai ïmadï?— itïtïdai ïgai.

Lukas 15:2

Dai kaxkïdï soi kaitiña bïïxi go fariseos ïmadï tïtïgiadami sïïrhikami dai ñokaiña ïgai Suxi bui daidi ikaitiña, —Daiñi, go Suxi mai kïïga ibuayi. Uurapïkïi gobai soimaaxi ibuadami di— ikaitiña.

VUAANA 18:28

Daidi ïki kiamoko go judidiu sandadarugadï baidaja go Suxi kiidïrï go kaigi dai ami go kaigi buidïrï kïsa agai. Pilato tïgidukatadai go kaigi. Dïï aidïpïrï ka miadimitadai go Kïïgakïrï Bubaidaragai Bagimi dai go judidiu bïïtarï daidarxikatadai ix bapakïda ami kiidïrï go kaigi mai judiukatai go kaigi. Ix baakiagi ïmo judiu podukai kiidïrï ïmo ix makïdï maiti ïr judiu saidi as tukurakami dukai bipiïyiña dai ka maiti ixtutuidiña ix kuadagi go bagimiïrï kuadagai. Dai kaxkïdï mai baapa ïrhiditadai go sandadaru ami kiidïrï go kaigi.

Hechos 10:23

Daidi go Piduru miadïgi aidï bai ïgai anaaxi bii aidï tukarï Piduru ïmadï. Dai xadiko iji ïgai dai Piduru oi dai chïki buaboitudadami Jopeïrï óídakami oi ïpï.

Hechos 10:28

Daidi Piduru tïtïdai odami aidï, —Kïïga maatï aapimï sai daidarxi aatïmï judidiu gïr bïïtarï ix dibida aatïmï jaa odami ix makïdï maiti ïr judidiu dai tomarhi xi gïn uurapïkïdagi aatïmï. Dïï Diuxi gin tïïgi sai maiti agai ix tukurakami dukai nïijadagi odami ix makïdï Diuxi kïïgakïrï nïidi.

Hechos 10:32

Otosañi kïkïïrhi Jopamu tudu bai mïïka baidana ïgai go Ximuñi Piduru. Gï urhiñaka ïgai ïmai Ximuñi kiidïrï ix makïdï ïr baketatadami. Gïï sudagi ugidana oidakami ïgai— Pobai gin tïtïdai go Diuxi tïañikarudï biakami totobikïdami yukuxidï— itïtïdai go Kornelio.

Hechos 10:48

Daidi bhodïrï Piduru gatïjai saidi gïn bapakonana go odami Suxi Kristo sïïrhikamigadïrï. Dai go odami aagidi Piduru sai anaaxi gï urhiñana chïki tasai.

1 Korintios 5:11

Mai xii kïï maatï kaï aapimï go ojai tudu ix makïdï gïn otoxi aanï baasïkioma aagaitai go soimaaxi ibuadami. Kaxkïdï xibi gia kïï sïïrhi gïn aagidamu aanï sai maatïkagi aapimï ix tïiya ïrhidi gobai. Daiñi, itïiya ïrhidi gobai sai mai urapïkïda aapimï go odami ix makïdï buaboitudadami gïn aagai dai bïïxkïrï naana maaxi soimaaxi ibuayi. Maiti abïr urapïkïda tudu ix makïdï buaboitudadami gïn aagai dai apia aipako boopoiña jaa ïmadï, dai koimudadï tutuiga, dai ïïxiboga, dai kia buaboitudai ubixi, dai gïpiïrï bupai jaa odami yaatagikïdï, dai nabaakorïiña. Maiti gï aagai ix urapïkïda aapimï tomarhi kuadagiïrï ix makïdï buaboitudadami gïn aagai dai pomaaxi ibuayi.

2 Juan 1:10

Gin aaduñi, xi gïn dibidagi ïmo tïtïïgiadami ñoki dai mai buaboi aagagi ïgai aagaitai Suxi Kristo, maiti gï agai xi miadïgidagi aapimï gïn kiiyïrï. Dai maiti gï agai tomarhi xi biatuldadagi aapimï dai tomarhi xi abïnakiadagi sai oijadana ïgai aaduindadï.