Hechos 10:34 - Northern Tepehuan Bible

³⁴ Dai go Piduru maa ñoki aidï daidi itïtïdai, —Xibi ka maatï nïidi aanï ix Diuxi mo ïxi oigïdai odami tomaxi maiti ïr judidiu ïgai. Ïmadugan dukai nïidi ïgai bïïxkatai.

Tepehuan Northern: Diuusi ñiooquidʌ utuducami oodamicʌdʌ

³⁴ Amaasi gʌaagacai ñioo ʌPiiduru daidʌ itʌtʌdai: ―Sivi camaatʌ nʌidi aanʌ isDiuusi maivaamioma cʌʌgacʌrʌ nʌidi ʌʌmoco, ʌgai vʌʌscatai ʌmadugan duucai nʌidi.

Hechos 10:34 Iomraidhean Croise

Mataibo 22:16

Dai bhodïrï otoi ïgai chïki aaduñdï ïmadï jaa ix makïdï ïr aaduñdï go Rey Herodes, otoi ïgai saidi mïï aatagidiña ïgai go Suxi. Daidi potïtïdai ïgai go Suxi, —Aapi maatïtuldiadami, kïï maatï aatïmï sai aapi go ïïgi buaboi aatagi aagaiña. Kïï sïïrhi gatïtïïgidi aapi go aatagi ix makïdï ïr tïgibudadï Diuxi tudu. Kïïga mai duadikoitai aagidiña aapi odami ixtumaxi ïr buaboi toma xoraikagi ïgai tudu— itïtïdai.

Mataibo 5:2

Dai maa Suxi ñoki daidi potïtïdai ïgai,

Lukas 20:21

Dai go kïkïïrhi ïgai potïtïdai go Suxi, —Aapi gïr mamaatïtuldiadamiga, kïï maatï aatïmï sai aapi kïïga gatïtïïgidi aatagi aagaitai aapi ixtumaxi ïr sïïrhi. Aapi gia ïmadugan dukai nïidi bïïxi odami tudu dai sïïrhi tïtïgidi aapi Diuxi tïgibudadï go odami toma xoraikagi ïgai.

Hechos 10:33

—Kaxkïdï otoma gaotoi aanï mïsai gï gaagana, dai aapi kïïga idui dibiakai. Dai xibi tami daraja aatïmï gïr nïiditai Diuxi dai kaïka rïrhidi ixtuma ñoki gïr otoxi Diuxi aapikïdï— itïtïdai Kornelio.

Hechos 15:9

Diuxi mos ïmadugan dukai gïr nïidi aatïmï ïmadï ïgai ix makïdï maiti ïr judidiu. Kaxkïdï Diuxi buañidi iibhïadï ïgai buaboitudakai ïgai ïpï— ikaiti.

Hechos 8:35

Daidi go Pirhi aatagidi go dunukami dai go baaxi ojakïdï aagidi go bhai ïrhiaraga aatagi aagaitai Suxi.

Romanos 2:11

Diuxi ïmadugan dukai nïidi bïïxi odami tudu.

Romanos 3:29

Diuxi maiti ïr mosïkaxi go judidiu Diuxigadï. Bïïxi óídakami Diuxigadï ïgai.

Galatas 2:6

Daiñi, go Santiago dai go Piduru dai go Juan ïr go bamioma tïtïanïdami buaboitudadami saagida dai go buaboitudadami kïïga xadutudai ïgai. Dai ïgai maiti gin aagidi ix dukatai gatïtïïgiada aanï ñoki dai bhaiyoma bhai aa sai kïïgadu ix dukatai aagai aanï go bhai ïrhiaragai aatagi.

Efesios 6:9

Dai aapimï ix makïdï ïr ga amu ïpï, kïï sïïrhi dukai abïr ibuada gïn pipioñi bïïtarï. Maiti abïr gubudakïdï aaduintulda gïn pipioñiga aagiditai sai gïgïbitulda antaada aapimï. Tïgitobïrai aapimï aidï saidi aapimï ïmadï gïn pipioñiga bia ïpï ïmai gïn Amu ix makïdï tïbagiana daja dai ïgai mos ïmadugan dukai nïidi bïïxi óídakami.

Kolosenses 3:11

Dai xibi ka utudukatai aatïmï buaboitudadami ka mai xudu xi ïr judidiu aapimï xi ïpï ix maiti ïr judidiu. Xiïpï xi circuncidaduga aatïmï ix mai circuncidaduga ïpï. Mai xudu ix ïr mïkaxdïrï oidakamikagi ïmoko xiïpï asta xi ïr oidigana oidakamikagi ïpï. Xibi bïïxi gobai ka maiti ïr ixtumaxi gïr bïïtarï ix makïdï ïr buaboitudadami. Ka utudui bubuaka aatïmï dai ka mai buamï rïrhidi aatïmï xoraitadai aatïmï. Xibi Suxi Kristo gïr ïmadï daja bïïxkatai aatïmï buaboitudadami kaxkïdï. Dai mosïkaxi Suxi Kristo ïgai dai namïga gïr bïïtarï xibi.

Kolosenses 3:25

Dai xorai mai kïïga ibuadagi bhïimu ixtumaxi ajïakagi ïpï mai kïïga ibuadatai ïgai. Diuxi maakimu bïïxi odami ixtumaxi ajïakagi tudu. Mai xudu xoraikagi ïgai.

Santiago 2:1

Gin aaduñi Diuxi amadïrï, aapimï kïïga buaboitudai Suxi Kristo Gïr Nukadakami ix makïdï ïr Gïr Nukadakami tudu. Buaboitudai aapimï ïgai ix makïdï adaama kïï tiodi dai gubuka dai kïï tuiga tudu. Kaxkïdï maiti gï agai aapimï xi ïïmoko kïïga nïijadagi dai jaa soi dukai nïijadagi.

Santiago 2:4

Ix pobuidadagi aapimï aidï gia gobai itïiya ïrhidi sai mai ïmadugan dukai nïidi aapimï óídakami. Itïiya ïrhidi gobai sai soimaaxi gïn tïgibudaga tudu mai ampanïxi xadutudaitai aapimï bïïxi odami.

Santiago 2:9

Dïï gia ix mai ïmadugan dukai nïijadagi aapimï bïïxi óídakami bamioma kïïgakïrï nïiditai aapimï ïïmoko aidï gia mai kïïga ibuayi aapimï. Ka mai ïïgidi aapimï go sïïrhikami tudu pobuadatai dai go sïïrhikamiana ikaiti sai gïn ajïga gïgïbidaragai ix mai ïïgiadagi aapimï.

1 Pedro 1:17

Gïn tïgitobïrai sai Diuxi ix makïdï gïn Oga aagai aapimï ïr ïgai ix makïdï aagada agai xorai kïïga idui dai xorai mai kïïga idui. Gïgïbitulda agai ïgai bïïxi soimaaxi ibuadami tudu toma xoraikagi ïgai. Ïmadugan dukai nïidi ïgai bïïxi óídakami tudu. Kaxkïdï gï agai sai kïïga xadutudaitai óídakagi aapimï asta xïxkadï ukami óídakagi aapimï tami oidigi daama.