Hechos 10:2 - Northern Tepehuan Bible

² Dai go Kornelio ïmadï aaduñdï kïïga xadutudaiña Diuxi. Ïgai dudatai soikïiña judidiu ix makïdï tïgitokana dai mai dagitokai daanïiña Diuxi tomax tuigako.

Tepehuan Northern: Diuusi ñiooquidʌ utuducami oodamicʌdʌ

² Dai Cornelio ʌʌmadu vʌʌsi aaduñdʌ aliʌ siaa duutudaiña Diuusi, dai ʌgai soicʌiña mui tumiñsicʌdʌ ʌjudidíu dai vʌʌscʌrʌ gamamadaiña.

Hechos 10:2 Iomraidhean Croise

Mataibo 25:17

Dai ix makïdï goka mirhi bhïitadai podui ïpï dai ïpï goka mirhi daamioma gamaitï.

Lukas 18:1

Ïmo imidagai go Suxi maa ïmo ñoki mamaatïrdamigadï. Ïmo maaxidaragai aatagikïdï aagidi ïgai sai mai ojodatai daanïda ïgai Diuxi.

Lukas 2:25

Dai ami Jerusalenïrï oidakatadai ïmo kïrhiodami Ximuñi tïgidukami. Kïï tuiga ïgai dai kïïga ïïgidiña ïgai Diuxi. Dai nïnïrakatadai ïgai sai dibiana Diuxi Otosadï dai sai kïïgakïrï bubaidana ïgai go Israelitas. Dai Diuxi Ibhïadï ïmadï dakatadai go Ximuñi

Hechos 10:22

Daidi go kïkïïrhi itïtïdai aidï, —Ojotosadï aatïmï go kapitañi Kornelio— itïtïdai. —Go Kornelio kïï xadutudai Diuxi. Dai bïïxi go judidiu kïï tuigakami aagai ïgai— itïtïdai. —Dai ïmo Diuxi tïañikarudï aagidi go Kornelio sai gï baidana pïsai imïna kiidïrï dai maakana aapi ñoki— itïtïdai kïkïïrhi.

Hechos 10:31

Daidi gin tïtïdai, —Kornelio, kïï bhai gï ïrhidi Diuxi kaïkatai ixdukatai daanïi aapi dai ïgai nïidi ïpï ixdukatai kïïga soikïi aapi soititigami.

Hechos 10:35

Diuxi kïïgakïrï nïidi tomax maaxkami odami ix makïdï ïr xadutuadami Diuxi dai ix makïdï kïïga ibuadagi— itïtïdai Piduru.

Hechos 10:4

—¿Tumaxi tïgitoimi aapi?— itïtïdai Kornelio dai mos nïidi ïgai go Diuxi tïañikarudï duadimukatai. Daidi go Diuxi tïañikarudï itïtïdai aidï, —Kïïga bhaigïrhidi Diuxi kaïkatai xi daanïi aapi ïgai dai ïgai kïïga nïidi ix soikïi aapi soititigami— itïtïdai.

Hechos 10:7

Daidi ka imïkai go Diuxi tïañikarudï taidi báí go Kornelio goka pipioñigadï dai ïmoko sandarugadï ix makïdï kïïga ïmagi ïgai dai ix makïdï kïïga xadutudai Diuxi.

Hechos 11:14

Ïgai gï aagidamu ix kaiti Diuxi ñokidï dai ixdukatai kïïgakïrï busiagi aapi ïmadï bïïxi ix makïdï gï ïmadï óídaga— itïtïdai Diuxi tïañikarudï. Pogïdui tudu— ikaiti go Piduru

Hechos 13:16

Dai otoma kïkiba go Pabora dai bañigi ïkadï dai podukai biaturhi go odami daidi itïtïdai, —Gin kaïkabïrai aapimï judidiu dai bïïxkatai aapimï ïpï ix makïdï maiti ïr judidiu dai xadutudai Diuxi.

Hechos 13:26

Dai Pabora oi go aatagi daidi ikaiti, —Kaïkabïrai gin aaduñi, aapimï tudu ix makïdï ïr pipiixaradï Abraam dai aapimï ïpï ix makïdï ïr xadutuadami Diuxi tomaxi maiti ïr judidiu aapimï. Bïïxkatai aapimï bïïtarï idi ñoki ixtukïdï kïïgakïrï busiagi ïmoko.

Hechos 13:50

Dïï gia go judidiu ami Antiokiïrï bui surhi go Pabora ïmadï Bernabe. Aatagidi ïgai chïki oki ix makïdï óídakami kïï xadutudaiña dai aatagidi kïkïïrhi ïpï ix makïdï baamioma gatïanïiña ami kiikiïrï dai abïnaki sai bui surhigïna ïgai go Pabora ïmadï Bernabe. Podui ïgai tudu daidi adaji ïgai abhai oidigiañdïrï.

Hechos 18:8

Dai aidïpïrï ïmo kïïrhi Krispo tïgidukami ïr bhaitï kïakamikatadai ami kiupiïrï dai ïgai ïmadï aaduñdï ix makïdï ami kiiyïrï óídaga bïïxi buaboitu Suxi Kristo. Dai jaa mui Korintoana óídakami kaïkana Pabora aatagidï ïpï dai buaboitu ïpï dai gïn bapakoi.

Hechos 2:5

Aidïpïrï ami Jerusalenana dadatadai mui judidiu kïïga xadutuadami Diuxi. Bïïxi aipadïrï jaa oidigiañdïrï oidakami ïgai.

Hechos 22:12

Dai ami oidakatadai ïmo kïïrhi Ananias tïgidukami. Ïgai kïïga ïïgidi kaïkana Diuxi ñokidï dai go judidiu Damaskïrï óídakïdï sïïrhikïdï kïïga ñokaiña ïgai bïïtarï.

Hechos 9:11

Daidi Gïr Nukadakami itïtïdai aidï, —Imiñi otoma amïï Udaxi kiidïrï, mïï kaye Sïïrhiñikïrï tudu, dai ami nïida ïmo kïïrhi Tarsoañdïrï oidakami. Saulo tïgidu ïgai dai gin daanïi ïgai mïïka dakatai.

Hechos 9:31

Dai aidï chïki tasai xioma óídakatadai go buaboitudadami Judeïrï dai Galileïrï dai Samarhiïrï mai tipukatai buidïrï bïïtïkami. Kïïga xadutudaiña ïgai Diuxi dai Diuxi Ibhïadï gamaakaiña gubukadagai xi ïgai bamioma kïïga muidaimi.

Hechos 9:36

Aidï Jopeïrï oidakatadai ïmo oki. Buaboitudadami ïgai dai Tabita tïgidu. Griego ñokikïdï Dorkas ikaidakatadai tïtiaradï. Go Tabita kïï tuigakana dai soikïiña ïgai soititigami.

Kolosenses 4:2

Gin aaduñi, gï agai xi mai dagitokai dai kïïga nïnïasïrhigan dukai daanïda aapimï Diuxi bhai gïn ïrhiditai ïgai buidïrï.

1Tesalonicenses 5:17

Daidi abïr aatagada Diuxi ïmadï bïïxkïrï.

Santiago 1:5

Daiñi, xïïxkadï ka mai tïtïïgiagi aapimï ix dukatai iduñagi gïn oidakaraga bïïtarï aidï gia daañibïrai Diuxi dai ïgai bhai ïrhiarakïdï gïn maakimu maatïdagai. Kïïga gï maatï tudu sai maiti gïn bhagaidamu Diuxi daanïitai aapimï tudu.

Apokalipsis 15:4

Gïr Nukadakami, bïïxi óídakami xagïdutuadamu dai aagamu xïïxi ïr gïdukami aapi Mosïkaxi aapi ïkobai daja soimaaxkamiañdïrï tudu Dai bïïxi óídakami gï xadutuadamu, maaxitudakai aapi saidi ïr sïïrhi bïïxi ixtumaxi ibuadagi aapi— ikaiti nïidadï.