Hechos 10:11 - Northern Tepehuan Bible

¹¹ Tïï ïgai ix gï kupioko tïbagi dai dïbïrapi ukami tïbañimi ïmo gïï suayi dukai dai bïï maakoba xixixonaiñdïrï daagïkan imïi.

Tepehuan Northern: Diuusi ñiooquidʌ utuducami oodamicʌdʌ

¹¹ Tʌʌ ʌgai isgʌcupioco tʌvaagi dai dʌvʌʌrapi uucami tʌaapanʌi ʌmo istumaasi ʌpa maasi ʌmo gʌʌ tua icuusi vʌmaacova siisisodʌ vuupuli.

Hechos 10:11 Iomraidhean Croise

Mataibo 8:11

—Daiñi— itïtïdai. —Go Diuxi nukaturhi ojadï go Judidiu ïïki sai ïgai nukadakana. Kaxkïdï gï agaitadai ïgai ix biakagi oigaragai ix Diuxi tïanïdagi. Dïï gia aanï agai sai muidutai ïgai uraba agai go odami ix makïdï tïanïi Diuxi. Dai bhaiyoma mui óídakami ix makïdï maiti ïr judidiu gia uraba agai Diuxi gatïanïitai ïgai. Bïïxi aipadïrï oidigi daamaiñdïrï dadi agai ïgai dai urabamu go aaduñdï Diuxi tudu. Xarhi utamajadïrï dadimu ïgai dai uruñiamajadïrï ïpï dai ugimu ïgai ïmadï go Abraamkaru dai go Isaakaru dai go Jakobokaru ami xako gatïanïi Diuxi— itïtïdai.

Lukas 3:21

Dai ïmo imidagai mai kia gï maixatudakai go Juan kia bapakonaitadai ïgai mui odami dai ami dibia Suxi ïpï dai Juan bakoi. Dai gï bakuanakai go Suxi sai gadaanïitadai ïgai Diuxi daidi gï kupioka go tïbagi

VUAANA 1:51

Dukami, nïijadamu aapi ix kupiokomu go tïbagi dai tïtïsadamu dai tïapañimu Diuxi tïtïañikarudï aanïkïdï dai podukai ayimu xako dakamu aanï. Aanï ïr ix makïdï kïïga odami busai dai aanï poduñimu ix duu aagai aanï ix aapi nïijadamu— itïtïdai Suxi.

VUAANA 11:52

Dai mai xu mosïkaxi go judidiu bïïtarï mukia agaitadai Suxi. Muki agaitadai bïïxkatai go gaa Diuxi maamaradï bïïtarï ïpï ix makïdï mïïmïkaxioma óídaga sai podukai mos ïr ïmo aadunumïkana ïgai ïmadï go judidiu ix makïdï ïr buaboitudadami ïpï.

VUAANA 12:32

—Dai xïïxkadï ka taiyakoga gin bañigidagi odami kuruxiana aidï gia abïnakidamu aanï bïïxi óídakami sai gin urabana—

Hechos 10:12

Dai ami suayi daama daraitugai naana maaxi buxtaki dai kïkïixi dai ujurugi.

Hechos 11:5

—Aanï mïï Jopeïrï dakatai gadaanïitadai Diuxi dai tïï aanï ïmo gïï ikuxi suayi maaxkami dai tïbagiañdïrï tïapanïi. Ayi gobai xako dakatadai aanï dai bïï maakoba xiixixonañdïrï daagïkami imïi.

Hechos 7:56

Daidi Tibañi ikaiti, —Daiñi nïidi aanï tïbagi bai kupiokiñi dai ami nïidi aanï Diuxi Otosadï Gïr Bhaitï Kïakamiga xi Diuxi sïïrhixapadïrï kïïka— ikaiti Tibañi.

Romanos 1:16

Mai xaïraitai aagai aanï go bhai ïrhiaragai aatagi tudu. Go bhai ïrhiaragai aatagi ïr Diuxi gubukadadï ixtukïdï kïïgakïrï bubuakïi bïïxi óídakami ix makïdï buaboitudagi. Ï ix makïdï ïpïgioma buaboitu ïr Judidiu dai xibi ix makïdï maiti ïr judidiu buaboitudaimi ïpï.

Romanos 9:4

Go gin aaduñi judidiu ïr piipixaradï Israelkaru dai Diuxi dáí sai ïgai ïr maamaradïkana. Diuxi gïn saagida oidatu dai tïtïgidiña xïïxi ïr gïdukami ïgai dai bhai dui ñoki gïn ïmadï. Go gin aaduñi judidiu bia Diuxi sïïrhikamigadï dai Diuxi aagidi ix dukatai xadutuadagi Diuxi. Dai aagidi ïpï saidi iduñi agai naana maaxi ixtumaxi go judidiu bïïtarï.

Galatas 2:15

Dai potïtïdai aanï go Piduru ïpï, —Daiñi— antïtïdai aanï. —Asta aatïmï ix makïdï kïïgakïrï ïr judidiu gïr dïïdï amadïrï, asta aatïmï ïpï kïï bipiïyi Diuxi ïmadï ïpïan dukai go ix makïdï maiti ïr judidiu. Mos buaboitudaitai aatïmï Suxi Kristo tudu. Gobai gia ïr go bhai ïrhiaragai aatagi. Daiñi, tomarhi aatïmï judidiu tomarhi go gaa ix makïdï maiti ïr judidiu dai ix makïdï soimaaxi ibuadami aagaiña aatïmï tomarhi ïmadutai aatïmï mai kïï bipiïyi Diuxi ïmadï ïïgiditai go sïïrhikami— antïtïdai.

Galatas 3:28

Pomaaxi bïïxkatai aapimï ix makïdï ka buaboitudai. Xibi ïmadugan dukai gïn nïidi Diuxi bïïxkatai aapimï. Mai xudu xi ïr judiukagi ïmoko xiïpï xi maiti ïr judiukagi ïpï, xi ïr ïmo soigaxikami dukai pioñikagi ïgai xiïpï xi maiti ïr pioñikagi ïpï, xi ïr kïïrhikagi ïgai xi ïr okikagi ïpï. Mai xudu, tomax dukai ka ïmo odami dukai bii aapimï bïïxkatai bïïna darakatai Suxi Kristo.

Efesios 1:10

Dai Diuxi ka dáí ïmo tasai ixtuigako Suxi Kristo ïmapida agai bïïxi aïkatai ixtumaxi oidaga. Dai aïkai ïgai tasai Suxi Kristo kïïga ïmapida agai bïïxi gobai ix makïdï oidaga tïbagiïrï dai tami oidigi daama ïpï. Aidïpïrï bïïxi aïkatai ixtumaxi oidaga nïijadamu sai Suxi Kristo bïïxi adama ïr Tïanïdami.

Efesios 3:6

Podukai máí ïgai sai Diuxi ïki abhiadïrï kaxi gï tïgitokatadai sai go odami ix makïdï maiti ïr judidiu ïpïan ïxi biakana sïïrhikami ïmadï go judidiu. Diuxi ipïrhidi sai gïn bïïtarïkagi ïpï bïïxi ixtumaxi kïïgadukami ix makïdï Diuxi bia maamaradï bïïtarï. Xibi ka bïpïnakai Suxi Kristo kaxi ïr ïmo aadunumïkana go judidiu ïmadï ix makïdï maiti ïr judidiu. Gobai tudu ïr Diuxi tïgibudadï ix makïdï ïxtokikana ïkioma. Dai xibi gia go odami ix makïdï maiti ïr judidiu mos buaboitudakai go bhai ïrhiaragai aatagi ka ïpïan ïxi gïn ajïga xi biakagi ix makïdï Diuxi aagai sai maakiagai. Mos buaboidakai ïgai Suxi Kristo tudu.

Kolosenses 3:11

Dai xibi ka utudukatai aatïmï buaboitudadami ka mai xudu xi ïr judidiu aapimï xi ïpï ix maiti ïr judidiu. Xiïpï xi circuncidaduga aatïmï ix mai circuncidaduga ïpï. Mai xudu ix ïr mïkaxdïrï oidakamikagi ïmoko xiïpï asta xi ïr oidigana oidakamikagi ïpï. Xibi bïïxi gobai ka maiti ïr ixtumaxi gïr bïïtarï ix makïdï ïr buaboitudadami. Ka utudui bubuaka aatïmï dai ka mai buamï rïrhidi aatïmï xoraitadai aatïmï. Xibi Suxi Kristo gïr ïmadï daja bïïxkatai aatïmï buaboitudadami kaxkïdï. Dai mosïkaxi Suxi Kristo ïgai dai namïga gïr bïïtarï xibi.

Apokalipsis 11:19

Daidi tïï aanï xi gï kupioka Diuxi bakidï ix makïdï tïbagiïrï kïïka. Dai ka maaxi kïïka ami ïrana go kajoñi xadutudikïdï xako bhai dasaka go ñoki ix makïdï bhaiduitadai Diuxi odami ïmadï. Daidi mos kupiokai Diuxi bakidï bai kabami bïpïdorhi oidigi dai kokobïrhi dai gigiburhi dai gïïpi gïi tïayi.

Apokalipsis 19:11

Dai bhodïrï nïidi aanï ix gï kupiokatadai go tïbagi dai ami kïakatadai ïmo kabayo tojakami. Dai go kabayo daama daitugai ïgai ix makïdï bïïxkïrï ibuayi ixtumaxi aagagi dai bïïxkïrï aagai ixtumaxi ïr buaboi. Dai ïgai bïïxkïrï sïïrhi aatabuayi xïïxkadï gamaakadagi gïgïbidaragai dai xïïxkadï ibuadagi kokodi.

Apokalipsis 4:1

Dai gokiïrï ïpamu nïidi aanï ixtumaxi tïïtïkiïrï dukai. Nïidi aanï ïmo kuuparagai kupiokikami tïbagiana dai ïgai ix makïdï trompeta ïrhiadan kaiti gin ñokidi ïpamu dai pobai gin tïtïdai, —Gimi dai gï tïïgidamu aanï ixtumaxi daibuña agai gokiïrioma— gin tïtïdai ïgai.