Hechos 10:1 - Northern Tepehuan Bible

¹ Dai Cesareïrï oidakatadai ïmo kïïrhi Kornelio tïgidukami. Ïgai tïanïitadai ïmo ciento sandaru, kapitañigadï tudu ïgai. Italiañdïrï oidakamikatadai go sandadaru ïgai.

Tepehuan Northern: Diuusi ñiooquidʌ utuducami oodamicʌdʌ

¹ Sesareeʌrʌ oidacatadai ʌmo cʌʌli Cornelio tʌʌgiducami ismaacʌdʌ tʌaanʌitadai ʌmo siento sandaaru mʌsmaacʌdʌ Italianu aagaiña.

Hechos 10:1 Iomraidhean Croise

Mataibo 27:27

Daidi go sandadaru baidaja Suxi kuartelïrï dai ami tuixikana kïi dai mui gïn ïmpagi sandadaru dai bïï xikorhi gukiba ïgai Suxi.

Mataibo 27:54

Daidi kabami duduadimu go kapitañi ïmadï sandadarugadï ix makïdï nukadakatadai go Suxi. Nïiditadai ïgai aidïxi gigiburhi oidigi dai bïïxi ixtumaxi daibusai ami ïpï kaxkïdï. Daidi ikaitiña ïgai, —Idi gia ïr buaboi saidi ïr Diuxi maradï— ikaitiña.

Markos 15:16

Taidi go sandadaru baidaja go Suxi Pilato kiidamu ïpamu dai ami tuixikana kïi dai ami mui gïn ïmpagi sandadaru.

Lukas 7:2

Dai ami oidakatadai ïmo tïanïdami sandadaru romano dai biakatadai ïmo pioñi soigaxikami duu ix makïdï kïïga oigïdaitadai ïgai. Dai kabami kokokatadai go pioñi. Karhioga mukiada maaxkatadai ïgai.

VUAANA 18:12

Dai bhodïrï go sandadaru Romanos ïmadï komandantegadï dai ïmadï jaa ix makïdï ïr bhaitï gukakamigadï go judidiu bïïxkatai ïmapai bhïiyi go Suxi dai buu ïkadï.

VUAANA 18:3

Daidi go Udaxi gamoko baidakai sandadarugadï go adaama bhaitï kïakïdï dadaxdadami. Dai baidakai fariseos ïpï ïmadï jaa mui sandadarugadï go Romanos. Bhïï iimïi ïgai kukudakarui dai kïïga mamaaxtaitugai ïpï.

Hechos 10:24

Dai gïmai xadiko ayi Piduru Cesareïrï. Ami nïnïrakatadai go Kornelio ïmadï mui aaduñdï dai jaa ïpï ix makïdï kïïga ïmagi ïgai.

Hechos 21:31

Daidi kabami gïbaitadai ïgai go Pabora dai ka mua agaitadai dïï ïmadutai jii dai mïï aagidi komandantegadï sandadaru romano sai gïïgïrï xixokai óídakami bhakoikai.

Hechos 21:8

Dai xadiko Pabora ïmadï aatïmï ix makïdï oiditadai iji Cesareamu. Dai ami ayi aatïmï kiidïrï Pirhi. Ïgai ïr aagadamikatadai go Bhai Ïrhiaragai Aatagi. Dai ïgai ïr ïmoko go kubarakami takoidadami soiñi ix makïdï Suxi ojotosadï daraitadai Jerusalenïrï. Dai ïgai kiidïrï bii aatïmï aidï.

Hechos 22:25

Dïï gia aidïxi ka burakatadai ïgai dai ka gïikarsa agaitadai saidi go Pabora ñokidi ïmo sonoïrï kïakamigadï go komandante ix makïdï ami kïakatadai daidi itïtïdai aidï, —¿Bia mïxi aapimï sïïrhikami ix in gïikarsagi podukai? Aanï ïr romano tudu dai mai kia baan gin kïi aapimï dudunukamiïrï ïpï xi ïgai aagagi ix bhai ïr soimaaxi buadami aanï ix cho ïpï— itïtïdai Pabora.

Hechos 23:23

Dai bhodïrï go komandante báí goka kapitañi daidi itïtïdai, —Bhaiga abïr duñi gociento sandaru gïn taatarakïdï iimïdami dai ïpï baikobhai dan bhaibuxtama sandaru kapayoïrï iimïdami, ïmadï gociento sandaru ix makïdï bhïï ajiopai lansa. Gï agai xi bhai gïn dukagi ïgai xi iimïdagi Cesareamu xibi tuxtamïrï tukarï— itïtïdai.

Hechos 23:33

Mos aïkai Cesareïrï tïïgi ïgai go ojixikami go gïï dunukami Felix tïgidukami. Dai bhobai gatïïgi ïgai Pabora ïpï.

Hechos 25:1

Aidïpïrï go Festo ayitadai ami Judea oidigïrï. Daidi bhodïrï baika tasaikïdï jii ïgai Cesareañdïrï dai maigo daana ayi Jerusalenïrï.

Hechos 25:13

Bhodïrï ka daibunukai chïki tasai ami Cesareïrï dibia go Rey Agripa tïgidukïdï ïmadï gï oñiga Berenice. Ga dibida agai ïgai go Festo dai dada.

Hechos 27:1

Daidi go dudunukami bhai dui ñoki xi Italiamu otosa agai Pabora. Ami Italiana tudu bipiïyi Roma. Dai gatïïgi ïgai Pabora ïmo kapitañi sai ïgai nukadakana dai sai baidakana Romïrï ukami. Julio tïgidukatadai go kapitañi ïgai dai baidakatadai jaa mui maamaixapikïdï ïpï dai aatïmï ïpï oi. Go Julio ïr tïanïdamigadï mui sandarugadï go gïï tïanïdami Romïrï oidakïdï.

Hechos 27:31

Dïï Pabora aagidi go kapitañi Julio ïmadï sandaru daidi itïtïdai aidï, —Ix mai biiyagi idi kïkïïrhi tami barkoïrï aidï mai tipukamu ixdukatai kïïgakïrï bubuakiagi aapimï— itïtïdai Pabora.

Hechos 27:43

Dïï go kapitañi Julio ipïrhiditadai xi kïïgakïrï busiagi go Pabora dai mai dagito mïx kodagi. Dai tïjai ïpï bïïxkatai ix makïdï gïgïxikoi saidi sudaïrï surhigïna ïpïgioma xi go gaa dai aïna dïbïrai.

Hechos 8:40

Diuxi Ibhïadï xibhïako baidaja go Pirhi dai ami aipako nïnïnai Pirhi dai mai ix Asotïrï daja. Abhiadïrï oi ïgai gï imidaga dai bïïxi kiikiïrï aijimi dai aagidimi go bhai ïrhiaragai aatagi. Mos pobuimi ïgai dai ayi Cesareïrï.