Hechos 1:2 - Northern Tepehuan Bible

² asta xuduku gï baidakatu ïgai tïbagiamu. Go Suxi maa ñoki ojotosadï mai kia imïkai tïbagiamu. Diuxi Ibhïadï gubukadadïkïdï maa ïgai ñoki dai aagidi ixdukatai duñagi. Go ojotosadï Suxi ïgai ix makïdï ïko bubaitu ïgai baasïkioñdïrï.

Tepehuan Northern: Diuusi ñiooquidʌ utuducami oodamicʌdʌ

² asta aidʌsi tʌsai ʌgai tʌvaagiamu. Aidʌsi maiquiaa ii ʌSuusi tʌvaagiamu aagidi ʌgai guvucadadʌcʌdʌ Diuusi Ibʌadʌ gʌojootosa istumaasi gʌaagai isiduñiagi. Ʌgai ʌrʌgai vaa ismaacʌdʌ ʌco vuvaitu ʌSuusi ʌʌquioma abiaadʌrʌ.

Hechos 1:2 Iomraidhean Croise

Mataibo 12:28

—Daiñi, kïïga gï maatï sai Diuxi gubukarhigadïkïdï bubaidiña aanï tïtïañikarudï go diabora tami gïn saagida tudu. Dai gobai itïiya ïrhidi sai kaxi ayi ixtuigako gatïanïda agai Diuxi tami gïn saagida— itïtïdai.

Mataibo 3:16

Dai kaxi gï bakuanakai go Suxi sai busai ïgai sudagiañdïrï daidi kupioka go tïbagi dai tïï ïgai Diuxi Ibhïadï sai tïbai tïbagiañdïrï ïmo tugu dukai dai Suxi daama daiba.

Markos 6:30

Tai gokiïrï Suxi ojotosadï ïpamu dada xako dakatadai Suxi dai aagidi bïïxi ixtuma idui ïgai xako gïn otoi Suxi dai ix dukatai mamaatïturhi ïgai odami.

Lukas 24:51

Dai kia gadaanïi ïgai dai ka taiyako imimi dai gï baidakatu tïbagiamu.

Lukas 9:51

Daidi ka miadaimitadai ix imi agai Suxi tïbagiamu dai ka maatïkatadai ïgai sai Jerusalenïrï soimaaxi taata agai dai bïïxkïrï gï kabakatu ïgai dai imi agai gamoko.

VUAANA 1:16

Dai go Diuxi Ñokidï tïgidukïdï kïïga bia bïïxi aïkatai ixtumaxi gïr biïgakana. Sïïrhikïdï kïï tuiga ïgai gïr bïïtarï dai dudatai gïr urhiñdi naana maaxi soiñi.

VUAANA 13:1

Dai bhodïrï ka karhioga ayitadai go Kïïgakïrï Bubaidaragai Bagimi dai kïïga maatïkatadai Suxi sai ka miadaimitadai ix imiagi ïgai tami oidigi damaiñdïrï dai aiyagi xako daja Ogadï. Dai kïïga oigïdaitadai ïgai mamaatïrdamigadï dai xibi iduña agai ïmo maaxidaragai ix maatïka gobai xïï kïïga oigïdai.

VUAANA 13:18

Dai bhodïrï Suxi oi gï aatagi daidi ikaiti, —Gin aaduñi, aanï kïï maatï ix tutuiga aapimï ix makïdï ïko bubaitu aanï dai maatï aanï sai go bamioma muidukïdï aapimï kïïga buimu ïmo bhai ïrhiaragai dïï gia oidaga ïmoko gïn saagida ix makïdï mai bhïiyi agai go bhai ïrhiaragai. Daiñi, Diuxi ojadïrï ikaiti sai, —Gin bui gïi ïmoko gin aaduñi ix makïdï gin ïmadï gakuadatadai— ikaiti go ojai. Dai buaboi busaimu gobai— itïtïdai.

VUAANA 13:3

Dïï Suxi idui ïmo maaxidaragai mai kia gï tïïgidakai ïgai. Kïïga maatïkatadai Suxi sai Diuxi gïr Oga ka maatadai gubukadagai sai tïanïna bïïxi aïkatai ix tumaxi oidaga. Dai kïïga maatïkatadai ïpï sai Diuxiañdïrï dibiatadai ïgai dai ix ka ïpamu imi agaitadai ïgai ïmadï.

VUAANA 16:28

Buaboi tudu sai Diuxi gin Ogañdïrï dibia aanï tami oidigi daama. Dai xibi otoma imimu aanï tabhiadïrï dai noragimu amïka xako daja ïgai— itïtïdai.

VUAANA 17:13

—Aapi gin Oga— itïtïdai. —Aanï ka imïda iñagai mïïka xako daja aapi. Dai ka aagidi aanï gin mamaatïrdamiga idi aatagi sai ïgai kïïga biakana ï galbaaxi bhai ïrhiaragai ix makïdï bia aanï.

VUAANA 20:17

Daidi go Suxi itïtïdai, —Maiti bhïbhïda gin tukuga, mai kia tïsai aanï mïïka xako daja gïr Oga— itïtïdai. —Bhaiyoma imi dai mïï aagida gin mamaatïrdamiga sai ka imïda iñagai aanï mïïka xako daja Diuxi gin Oga. Aagidañi sai Diuxi gin Oga ïr aapimï gïn Diuxiga dai aapimï gïn Oga ïpï— itïtïdai.

VUAANA 20:21

Dai Suxi ïpïpï potïtïdai, —Bhïibïrai ibhïxtaragai gïn iibhïdagïrï— itïtïdai. —Daiñi, podukai ix dukatai gin Oga gin otoi bhaigobai óídakami saagida, podukai ïpï aanï gïn otosai óídakami saagida aipakoga— itïtïdai.

VUAANA 3:34

Diuxi aagidi Maradï ix tuma ñoki aituldana ïgai óídakami dai mïkadïrï otoi maakakai bïïxi Diuxi Ibhïgadï gubukarhigadï. Dai Diuxi Maradï mai aagaiña ïma maaxi, mosïkaxi gobai ix makïdï Diuxi aagidi. Kaxkïdï gï maatï saidi ïr buaboi ñokidï aagaitai ïgai go baaxi ñoki ix makïdï Diuxi aagidi.

VUAANA 6:62

—¿Bamioma mïx buaboitudamudai ix gin tïïgiadamudai xïïxkadï noragiagi aanï tïbagiamu, aanï ix makïdï kïïgakïrï odami busai tudu?— itïtïdai.

VUAANA 6:70

Dai Suxi itïtïdai, —Ïjï. Bhaibuxtama dan gokadu aapimï ix makïdï aanï ïkobai gïn bubaitu saidi ïr gin bïïtarïkana. Dïï gia ïmadutai aapimï bia ïmo diabora tïañikarudï— itïtïdai.

Hechos 1:11

—Aapimï kïkïïrhi Galileana oidakami, ¿Tui mïxi mos gukakatai tïbagiamu nïayi? Daiñi, ïgai baa Suxi ix makïdï tïsai aapimï gïn saagidañdïrï ïpamu dibimu podukai ixdukatai tïï aapimï ix jii— itïtïdai ïgai.

Hechos 1:13

Daidi ka aïkai Jerusalenïrï tïtïsai ïgai ïmo gokoadaamarhikamiïrï baaki. Ami kiiyïrï gïn urhiñatadai ïgai muidutai. Darakatadai go Piduru ïmadï Jakobo dai Juan ïmadï Andïrïxi dai Pirhi dai Tomás dai Bartolomé dai Mataibo ïmadï Jakobo Alfeo maradï ïmadï Ximuñi ix makïdï politiko aagaiña odami ïmadï Udaxi ix makïdï ïr maradï Jakobo.

Hechos 1:9

Dai mos potïi Suxi bai gï baidakatu ïgai tïbagiamu. Dai go ojotoxikami kia tïïgigimi xi ïmo ikomai iiña go Suxi dai ka mai tïï ïgai.

Hechos 10:38

Dai kïïga maatï aapimï ïpï sai Diuxi maa ïïgi Ibhïadï go Suxi ix makïdï ïr Nasaretïrï oidakami sai ïgai biakagi gubukadadï Diuxi Ibhïadï. Aipakoga aimïraiña go Suxi dai Diuxi Ibhïadï gubukadadïkïdï soi ïgai mui odami dai duduadi ïgai mui ix makïdï Diabora soi buididitadai. Diuxi ïmadï dakatadai go Suxi kaxkïdï pomaaxi ibuadana ïgai— itïtïdai Piduru.

Galatas 1:1

Gin aaduñi Diuxi amadïrï ix makïdï Galasiïrï óídaga, aanï ïr Pabora dai gïn ojidi idi ojai dai aanï ïr otosadï Suxi Kristo. Gï agai xi maatïkagi aapimï sai tomarhi ïmo odami maiti gin maa gin sïïrhikamiga dai bhaiyoma Suxi Kristo ïmadï Diuxi gïr Oga ïgai dai gin maa. Ïgai tudu ix makïdï duakaturhi go Suxi Kristo ïgai dai gin maa gin sïïrhikamiga dai mai xu xi ïmai gin maa. Bia aanï ïmo sïïrhikami tudu. Dai idi ojai ix makïdï ibuayi aanï ïr bïïxi go buaboitudadami bïïtarï ix makïdï bïïxi aipakoga gïn ïmpaidiña amïka Galasiïrï. Aanï ïmadï bïïxi gin aaduñi Diuxi amadïrï ix makïdï tami gin ïmadï daraka bïïxi bhai aa sai gïn otosdiña aanï idi ojai.

Efesios 2:20

Dai aatïmï aaduñdï Diuxi ïr Diuxi kiidï dukai ix makïdï gï kïïsatu ïmo kïï kabakami simiento daama. Suxi Kristo ojotosadï ïmadï go aagadami Diuxi ñokidï ïr go simiento dukai xako daama guka aatïmï. Dai Suxi Kristo ïr go kïïgadukïdioma odai dukai ix makïdï baaki xixodïrï daja. Ïgaiñdïrï tudu daagïkan guka aatïmï ix makïdï ïr Diuxi kiidï.

1 Tomoteo 3:16

Kïïga maatï aatïmï sai namïga gïr buaboidaraga buaboidaitai aatïmï Suxi Kristo. Daiñi, ïkioma óídakami mai maatïkana ixtumaxi ïr buaboi dïï gia Diuxi gïr tïïgi ixtumaxi ïr buaboi dibiakai Suxi Kristo. Dai xibi naana maaxikïdï maatï aatïmï saidi ïr buaboi ixtumaxi aagai aatïmï aagaitai Suxi Kristo dai sai namïga gïr buaboidaraga. Daiñi, Suxi Kristo gïr aagidi dai gïr maaxiturhi xorai ïgai dibiakai tami oidigi daama. Dai Diuxi Ibhïadï ïpï kïïga aagaiña saidi ïr buaboi xorai gï aagaiña Suxi Kristo. Dai go Diuxi tïtïañikarudï bïïxi nïidiña go Suxi ïpï dai aipakoga óídakami ayi aatagi xorai ïgai. Dai gokiïrioma mui oidigi daama óídakami bhai aa saidi ïr buaboi ïpï dai buaboitu. Bhodïrï gï baidakatu go Suxi tïbagiamu xako oidakamu gïïpi xadutudaragai ïgai bïïtarï. Xadïrï po gï duñimudai bïïxi gobai ix maiti ïr buaboikamudai gïr buaboidaraga di.

1 Pedro 3:22

Dai xibi Suxi Kristo bia ïmo gïdukami sïïrhikami sïïrhixapadïrï dakatai ïgai Diuxi amïka tïbagiana. Dai ami gatïanïi ïgai bïïxi go tïtïañikarudï Diuxi dai bïïxi go gubukadagai bipiakami ix makïdï ami tïbagiana daraka.

2 Pedro 3:2

Kaxkïdï abïr gïn tïgitoka ixtumaxi gïr aagidiña go ñiñokituldiadamigadï Diuxi ïïki abhiadïrï ïkobubaidadïkatai ïgai Diuxi. Dai gïn tïgitobïrai ïpï ixtumaxi gïr tïjai Suxi Kristo Gïr Nukadakami ix makïdï ïr gïr kïïgakïrï bubiadamiga. Gïn tïgitobïrai ixtumaxi gïn aagidi aatïmï ojotosadï Suxi ïpï, aatïmï ix makïdï gïn tïtïïgidi ixtumaxi gïr tïjai ïgai tudu.

Apokalipsis 1:1

Aanï ïr Juan dai oja idi libro pioñigadïkatai aanï Diuxi. Idi libroïrï oja aanï ïmo ñoki ix makïdï tïtïgidi Diuxi go Suxi Kristo. Tïtïgidi ïgai ïmo ñoki aagaitai ix tuma otoma daibuña agai tudu saidi go Suxi utioma gatïtïïgidiña ïgai go buaboitudadami xi ïgai maatïkana ixtumaxi daibuña agai ïpï. Gobai ïr go ñoki ix makïdï oja aanï idi libroïrï. Suxi Kristo otoi ïmo tïañikarudï xi ïgai gin tïïgi go ñoki pioñigadïkatai aanï Suxi.

Apokalipsis 2:11

Idi ïr go ñoki ix makïdï gamaakai Diuxi Ibhïadï go buaboitudadami bïïxi aipakoga ïmpaiñdadami. Kïïga abïr gïn tïgito kaïka gobai tudu. Daiñi, xorai gamaitiagi soimaaxkami bui tomaxi gï muatudagi ïgai mai taata agai mukigami ibhïgadï bïïtarï— ikaiti Diuxi Ibhïadï.

Apokalipsis 2:17

Daiñi, idi ïr go ñoki ix makïdï gamaakai Diuxi Ibhïadï go buaboitudadami bïïxi aipakoga ïmpaiñdadami. Kïïga abïr gïn tïgito kaïka gobai tudu. Xorai gamaitiagi soimaaxkami bui maakimu aanï go kuadagai maná tïgidukïdï ix makïdï ïxtoki daja. Dai maakimu aanï ïmo odai tojakami ïpï xako ojixika agai ïmo tïtiaragai utudui. Dai jaa odami mai maatïkamu go tïtiaragai mosïkaxi ix makïdï maakiagi aanï— po tudu in tïtïdai Diuxi Ibhïadï.

Apokalipsis 2:29

Idi ojai aagai go ñoki ix makïdï bia Diuxi Ibhïadï bïïxi go buaboitudadami aipakoga ïmpaiñdadami bïïtarï. Kïïga abïr gïn tïgito kaïka gobai tudu—.

Apokalipsis 2:7

Idi ïr go ñoki ix makïdï gamaakai Diuxi Ibhïadï go buaboitudadami bïïxi aipakoga ïmpaiñdadami. Kïïga abïr gïn tïgito kaïka gobai tudu. Ïgai ikaiti, Daiñi, maakimu aanï oigaragai xorai gamaitiagi soimaaxkami bui sai ugana ibhiadï go uxi ixtukïdï kïïgakïrï oidakana odami bïïxkïrï bïïtarï dai ix makïdï Diuxi ïxikamigadïana kïïka tïbagiana. Po tudu ikaiti Diuxi Ibhïadï—.

Apokalipsis 21:14

Dai nïidi aanï simientogadï go kurarai ïpï dai bhaibuxtama dan goka ojodaikïdï duñixi. Dai ami ojodiana ojixi go bhaibuxtama dan goka tïtiaradï go Arhi Kañiru ojotosadï. Suxi Kristo ojotosadï tudu.

Apokalipsis 3:13

Gobai ïr go ñoki ix makïdï aagidi Diuxi Ibhïadï bïïxi go buaboitudadami ix makïdï aipakoga gïn ïmpaidiña. Kïïga abïr gïn tïgito kaïka tudu—.

Apokalipsis 3:16

Mosïkaxi palïpi ukakami duu aapimï tudu xi kaxkïdï ix dukai odami xixibaiña iidagai xïïxkadï mai naakïdagi podukai gajiadïrï gïn biamu aanï ïpï.

Apokalipsis 3:22

Gobai ïr go ñoki ix makïdï aagidi Diuxi Ibhïadï bïïxi go buaboitudadami ix makïdï aipakoga ïmpaidi. Kïïga abïr gïn tïgito kaïka tudu—.