Hechos 1:13 - Northern Tepehuan Bible

¹³ Daidi ka aïkai Jerusalenïrï tïtïsai ïgai ïmo gokoadaamarhikamiïrï baaki. Ami kiiyïrï gïn urhiñatadai ïgai muidutai. Darakatadai go Piduru ïmadï Jakobo dai Juan ïmadï Andïrïxi dai Pirhi dai Tomás dai Bartolomé dai Mataibo ïmadï Jakobo Alfeo maradï ïmadï Ximuñi ix makïdï politiko aagaiña odami ïmadï Udaxi ix makïdï ïr maradï Jakobo.

Tepehuan Northern: Diuusi ñiooquidʌ utuducami oodamicʌdʌ

¹³ Aidʌsi caaayi ʌgai Jerusaleenʌrʌ goocua daama vaaquiʌrʌ tʌcaviaco tʌʌtʌsai. Ami gʌnuuliñacatadai ʌPiiduru, Jacovo, Vuaana, Aandʌrʌsi, Piili, Tomás, Bartolomé, Mataivo, ʌʌmadu Jacovo Alfeo maradʌ, ʌʌmadu Simuñi ismaacʌdʌ vuvaida ʌliditadai ʌromamano, ʌʌmadu Uudasi Jacovo suculidʌ.

Hechos 1:13 Iomraidhean Croise

Mataibo 9:9

Bhodïrï bhaitïkioma jii Suxi dai daibusai xako kïïka ïmo kii. Dai ami darajatadai gubukadagai bipiakami dai gataanïitadai ïgai kuota go iimïdami. Dai ami tïï Suxi ïmo tanïdami kuota Mataibo tïgidukami. Dai Suxi potïtïdai, —Gin oidañi aapi kïïrhi— itïtïdai. Daidi go Mataibo oton oi go Suxi.

Markos 14:15

—Dai gïn tïïgidamu ïgai ïmo tukabi gïdukami gokoadaama kiiyïrï tïkabiakoga. Ami ka biakamu ïgai bïïxi ixtumaxi gï agadagi, bïrai ami bhai duñi kuadagai— itïtïdai aidï Suxi.

Markos 14:33

Dai ïko baidaja ïgai go Piduru ïmadï Juan dai Jakobo dai karhioga mukiadan taadatu ïgai soi ïrhiarakïdï.

Markos 2:14

Bhodïrï bhaitïkioma jii Suxi dai nobai daibuskimi ïgai xako kïïka ïmo kii dai ami darajatadai gubukadagai bipiakami dai gataanïi kuota go iimïdami. Dai Suxi tïï ïmo tanïdami kuota Lebi tïgidukami xi ami dakatadai. Alfeo maradï ïgai. Dai Suxi potïtïdai aidï, —Gin oidañi aapi kïïrhi— itïtïdai. Taidi Lebi oton oi go Suxi.

Markos 5:37

Daidi go Suxi mai dagito go odami xi oijadagi, mosïkaxi go Piduru dai Jakobo daidi go Juan. Go Juan ïr sukurhidï Jakobo.

Markos 9:2

Bhodïrï abhiadïrï naadami tasaikïdï go Suxi baidaja go Piduru ïmadï Jakobo dai Juan ïmo tubidaki daama dai ami tubidakïrï ïmapïdui go Suxi buitapi go ix makïdï oi.

Lukas 22:12

Dai ïgai gïn tïïgidamu ïmo gïdukami tukabi ka bhai duñixikami. Tïkabika agai gobai ïmo baaki gokoadaamarhikamiïrï. Ami tudu abïr bhai duñi go kuadagai— itïtïdai.

VUAANA 11:16

Dai ami dajatadai ïmo mamaatïrdami Tomás tïgidukami, ix makïdï kuatai aagaiña odami. Dai potïtïdai ïgai go gaa mamaatïrdami, —Timïda dai oida go Suxi dai ïmadï koiyagi xuduku muagi go Judeïrï óídakami go Suxi. Amïka óídakami sïïrhikïdï kïïdai gobai di— itïtïdai.

VUAANA 14:22

Dai ami dajatadai ïmo kïïrhi Udaxi tïgidukami, dïï ïgai maiti ïr go Udaxi Iskariote tïgidukïdï. Ïgai ïr ïmai. Dai itïtïdai ïgai go Suxi, —Gin Tïanïdamiga, ¿Tui pïxi mosïkaxi aatïmï gïr tïtïgida agai ix tuiga aapi dai bïïxi go gaa maigobai gia cho?— itïtïdai.

VUAANA 18:17

Daidi go oki ix makïdï nukadakatadai go kuuparagai itïtïdai go Piduru, —¿Aapi pïx maiti ïr ïmo mamaatïrdamigadï go maixapikïdï ïpï?— itïtïdai. Daidi go Piduru itïtïdai, —Cho. Aanï maiti ïr mamaatïrdamigadï go Suxi— itïtïdai.

VUAANA 21:2

Ami darajatadai go Ximuñi Piduru ïmadï Tomás, ix makïdï kuatai aagaiña odami, ïmadï Natanael go Kanañdïrï oidakami. Dai ami darajatadai maamaradï Zebedeo ïpï ïmadï jaa goka mamaatïrdamigadï.

Hechos 12:17

Dïï mos go Piduru gï nobikïdï aagidi sai gïn dodorhimadana dai bhodïrï aagidi ïgai ixdukatai Diuxi busaitu maixakaruañdïrï. Daidi itïtïdai ïgai go odami aidï, —Aagidabïrai go Jakobo ïmadï go gaa buaboitudadami ïpï ixdukatai pogïdui— itïtïdai. Dai bhodïrï xibhïakoga jii go Piduru abhiadïrï.

Hechos 15:13

Dai kugaidakai ïgai gïn aatagi bai Jakobo itïtïdai aidï go gaa, —Gin aaduñi, gin kaïkabïrai.

Hechos 2:14

Bhodïrï kïïkiba go Piduru ïmadï go bhaibuxtama dan ïmoko ojotosadï Suxi daidi go Piduru gïgïrï ño daidi ikaiti, —Kaïkabïrai gin aaduñi, aapimï Judidiu tudu, ïmadï bïïxkatai aapimï Jerusalenïrï oidakami. Kïïga abïr kaïka gin ñoki.

Hechos 2:38

Dai go Piduru potïtïdai aidï, —Gï agai sai ïma dukai gïn tïtïgitoda aapimï bïïxkatai dai gï agai xi gïn bapakonada sïïrhikamigadïkïdï Suxi Kristo sai oigïlda gïn nïijadana Diuxi— itïtïdai. —Aidï gia Diuxi otosamu Ibhïadï sai gïn ïmadï daakana— itïtïdai.

Hechos 20:8

Dai ïmo baiko daamarhikamiïrï baaki tïkabiakoga gïr ïmpagitadai aatïmï dai mui kudidikatadai kukudakarui ami. Dai ïmo gïrhi Eutiko tïgidukami ïmo bentanïrï dakatadai dai Pabora arhiï tïbïpi aatagïi baidi go gïrhi kabami oi kooximudagai dai mïï taana gïi. Dai aidïmïxi bañigi ïgai ka mutadai.

Hechos 4:13

Daidi go dudunukami gïn tïgito nïiditadai ix mai duadimukai ñokaitadai go Piduru ïmadï Juan tomaxi mai tïbïpi daraiba ïgai ojiïrï dai maiti ïr bhaitï gukakamikana ïgai. Daidi go dudunukami mai tïï ix tumaxi gïn tïtïgitoagi daidi ikaiti, —Idi kïkïïrhi gia ïmadï ajiopaiña Suxi— ikaiti ïgai.

Hechos 4:19

Dïï mos Piduru ïmadï Juan aa noragi ñokidï daidi itïtïdai, —¿Dukatai nïidi aapimï, bhai xi ïr sïïrhi xi gïn ïïgiadagi aatïmï dai Diuxi gia ka mai ïïgiada aatïmï?

1 Korintios 15:7

Gokiïrï gï maaxitu ïgai go Jakobo buidïrï dai gokiïrï bïïxi go gaa ojotosadï buidïrï ïpï.

Galatas 1:19

Aidï mosïkaxi go Piduru tïï aanï ïmadï go Santiago go sukurhidï Suxi. Mosïkaxi ïgai tïï aanï tudu dai maigobakoga mai tïï aanï go gaa ojotosadï Suxi.

Santiago 1:1

Aanï ïr Santiago ix makïdï gïn ojidi idi ojai. Ïmo pioñigadï aanï Diuxi dai Suxi Kristo Gïr Nukadakami ïpï. Ïmo biatuldaragai bïïtarï bïïxkatai aapimï judidiu ix makïdï ïr buaboitudadami dai ix makïdï aipakoga mïïmïkaxi óídaga oidigi daama, aapimï ix makïdï ïr piipixaradï go bhaibuxtama dan goka maamaradï go Jakobokaru tudu.

2 Juan 1:1

Aanï ïr Juan dai gïn otoxdi idi ojai ïmo bhaitï kïakamigadïkatai aanï bïïxkatai go buaboitudadami. Ïmo biatuldaragai gïn bïïtarï bïïxkatai aapimï buaboitudadami ix makïdï gïn ïmapaidi dai xadutudai Diuxi ami xako daraka aapimï. Ïko bubaidadï aapimï Diuxi aapimï gin aaduñi. Ïmo aadunumï dukai aatïmï, aanï ïmadï aapimï tudu, buaboitudaitai aatïmï ixtumaxi ïr buaboi. Kaxkïdï kïïga gïn oigïdai aanï dai gïn ojidi. Dai bïïxi go gaa buaboitudadami aipakoga óídakami gïn oigïdai ïpï.

Udaxi 1:1

Bhaiga gin aaduñi Diuxi amadïrï. Aanï ïr Udaxi dai gïn ojidi idi ojai. Sukurhidï aanï Santiago dai ïmo pioñigadï aanï Suxi Kristo. Gïn ojidi aanï aapimï ix makïdï ïr ïko bubaidadï Diuxi gïr Oga. Aapimï ïr ix makïdï kïïga gïn oigïdai dai gïn nukadai Diuxi. Gïn nukadai ïgai urabakatai aapimï Suxi Kristo tudu.