Hebreos 9:4 - Northern Tepehuan Bible

⁴ Ami go tukabiïrï ix makïdï bïïxi adaama xadutudikïdï tïgidu ami dakatadai go daxdakarui kubhimadarhi dai go kajoñi ix makïdï sïïrhikami kiidï tïgidu. Go kajoñi bïï sudakami gï tïkimagi oro. Dai ïrana dakatadai ïmo ayi orokïdï duñixikami dai biakatadai maná. Dai ami kajoñiïrï kaatïkatadai uxiaradï go Aaron ïpï ix makïdï iipoi ïïki. Dai ami bïïtïkatadai go ojodai kaakaparakami ix makïdï ami ojixikatadai go sïïrhikamigadï go Moises ïpï.

Hebreos 9:4 Iomraidhean Croise

Exodo 31:18

Gïr Nukadakami ïïgi ïkadïkïdï oja go sïïrhikami goka ojodai kaakaparakamiana dai tïïgi ïgai go Moises. Dai gokïdï ka kugaitu atagidï ami Sinaí tubidakïrï ix dukai aagidi ïgai go Moises.

Exodo 32:15

Dai bhodïrï tïbai go Moises tubidakiañdïrï dai bhïkati go ojodai kaakaparakami bïï goka ix makïdï bïï gokapadïrï ojixtugai go sïïrhikami.

Apokalipsis 11:19

Daidi tïï aanï xi gï kupioka Diuxi bakidï ix makïdï tïbagiïrï kïïka. Dai ka maaxi kïïka ami ïrana go kajoñi xadutudikïdï xako bhai dasaka go ñoki ix makïdï bhaiduitadai Diuxi odami ïmadï. Daidi mos kupiokai Diuxi bakidï bai kabami bïpïdorhi oidigi dai kokobïrhi dai gigiburhi dai gïïpi gïi tïayi.

Apokalipsis 8:3

Dai bhodïrï ami dibia ïpï ïmai tïañikarudï Diuxi dai ïmo oro asokorhiïrï bhïkati kubhimadarhi dai ami kïkiba buidïrï go daxdakarui xako gï dadaxdi daxdaragai. Go gïï daikarui buidïrï kïïka go daxdakarui. Dai gï maakiatu tïañikarui gïïpi kubhimadarhi sai daxdaiña gobai ïmadï go daañigaigadï go buaboitudadami. Ïmapi dadaxdiña ïgai go kubhimadarhi ïmadï go daañigai ami daxdakarui daama. Oro duñixi go daxdakarui.