Abram ka biakatadai baikobhai dan bhaibuxtama dan taama umigi. Dai ïïgida kaï ïgai Gïr Nukadakami dai ka dagito go kii xako oidakatadai ïgai. Dai bhïiyi boi mïkaxi xako gïï kaatï oidigi Kanaan tïgidukïdï. Abram oñigadï Saraí tïgidu dai Abram baidaja go Saraí ïmadï ïmo kïïrhi Lot tïgidukïdï. Go Lot ïr akitadï Abram. Bïïxi kusubaka ïgai buxtuidadï abhiadïrï Haranañdïrï xako óídagatadai ïmadï pipioñigadï ïpï ix makïdï ami biatu ïgai. Dai iji ïgai Haranañdïrï dai mui tasai mos iimïi ïgai boiyamu dai bhodïrï ka ayi mïï Kanaanïrï.
Hebreos 6:15 - Northern Tepehuan Bible15 Dai tomaxi tïbïpi nïnïra go Abraam bïïxkïrï apia buaboitudaiña ïgai ixtumaxi aagidi Diuxi. Daidi gokiïrï bhïiyi ïgai ixtumaxi nïnïrakatadai ïgai. Diuxi idui ixtumaxi aagiditadai ïgai tudu. Faic an caibideil |
Hebreos 6:15
10 Iomraidhean Croise
Kïïga maatï aapimï sai bia aapimï ïmo kïïgadukami nïnïraragai tudu. Dai kaxkïdï mai paparugakamu aapimï maatïkatai gobai. Dai bhaiyoma kabami gïn aagamu aapimï ïpïan dukai jaa ix makïdï kïïga buaboitudai ïpï. Kïïga gïn kapatudai ïgai go soimaaxi buidïrï tudu. Podukai ibuayi ïgai bhïiya ïrhiditai ixtumaxi Diuxi ka aagai sai gïr maaki agai. Dai podukai abïr ibuada aapimï ïpï.
Ïmo kïïgadukami daxdaragai idui Suxi Kristo mukukai gïr soimaaxkamiga bïïtarï tudu. Dai kaxkïdï ixtui ïgai xi bhai duñagi ïmo utudui sïïrhikami gïr bïïtarï. Ïïkioma aidïxi kia namïakatadai go ïïkidadï sïïrhikami aidï kia gïpiïrï bïïtïkamikana aatïmï go soimaaxkamikïdï ix makïdï ibuadana aatïmï. Dïï gia Suxi Kristo bhai dui go kïïgakïrï bubaidaragai gïr bïïtarï mukukai ïgai. Daiñi, Diuxi bapaidi mui odami saidi ïr maamaradïkana. Dai pokaiti Diuxi saidi maaki agai naana maaxi ixtumaxi maamaradï bïïtarï ix makïdï tomarhi ïmo imidagai mai ugiatïi. Dai Suxi ïgai dai bhai dui Diuxi maamaradï bïïtarï saidi bhaigakana ïgai ix biakagi bïïxi ixtumaxi Diuxi maaki ïrhidi.
Sanasan