Hebreos 4:15 - Northern Tepehuan Bible

¹⁵ Daiñi, aatïmï óídakami sïïrhikïdï mai gupuka go soimaaxkami buidïrï. Dai kaxkïdï tïgito aatïmï xorai gïr soikïdagi. Dai Suxi Kristo ïgai dai gïr soikïi gabhaitïkïakami dadaxdamikatai ïgai. Dai ïgai kïïga maatï xïï mai gupuka aatïmï. Kïïga maatï ïgai ix taadaga xïïxkadï gïr tïgibudaga gïr abïnakiadagi ix mai kïïga ïïgiada aatïmï Diuxi tudu. Bïïxi taata ïgai gobai ix xïïxi taatamaiña aatïmï tudu. Dai tomaxi pomaaxi taata ïgai bïïxkïrï mai soimaaxi idui ïgai tomarhi ïmo imidagai. Dai bïïxkïrï ïgai tomaxi mai soimaaxi idui bïïxkïrï soi gïlda gïr nïidiña ïgai mai gupukatai aatïmï. Ïmo oidigi daama oidakami odami ïgai ïpï kaxkïdï.

Tepehuan Northern: Diuusi ñiooquidʌ utuducami oodamicʌdʌ

¹⁵ Dai ʌgai sʌʌlicʌdʌ istutuidi issoigʌʌliada aatʌmʌcʌdʌ siʌʌscadʌ ʌDiaavora soimaasi gʌrduiñtuldia ʌliadagi. Tomasi soimaasi ivueeyi aatʌmʌ ʌgai vʌʌscʌrʌ soigʌʌlidi aatʌmʌcʌdʌ. ɅDiaavora soimaasi iduiñtuldia ʌliditadai Suusi ʌʌpʌ cascʌdʌ. Dai vʌʌscʌrʌ Suusi maisoimaasi iduí tomali ʌmo imidagai.

Hebreos 4:15 Iomraidhean Croise

Isa 53:9

Maiti ïr soimaaxi ibuadami ïgai dai tomarhi ïmo imidagai mai yaata ïgai. Dïï bïïxkïrï mukukai ïgai gï yaasatu soimaaxi iibïdakami saagida ïmo gï bidakami yaasakarudïrï.

Mataibo 12:20

Kïï tuigaka agai ïgai bïïtarï ix makïdï mai gupuka buaboidaradï dai soikïda agai ïgai óídakami ix makïdï mai biakana soiñi. Kïïga sïïrhi aataduñimu ïgai bhai buadatai go kïïgakïrï bubaidaragai tudu dai podukai gamaitimu buidïrï go soimaaxkami.

Mataibo 4:1

Dai gokiïrï xi gï bakoanatu go Suxi ami go aki Jordanïrï sai bhodïrï jii ïgai abhiadïrï kïïga ïïgiditai ïgai Diuxi Ibhïadï. Dai Diuxi Ibhïadï baidaja go Suxi oidigamu saidi buidïrï aïna go Diabora saidi ïgai abïnakidana sai soimaaxi duna go Suxi.

Lukas 22:28

—Daiñi, Diuxi gin dáí saidi ïr Reykana aanï sai gatïanïna aanï. Dai aapimï gin ïmadï darakana dai maiti gin dagito aidïxi soimaaxi taatamaiña aanï.

Lukas 4:2

sai ami dakana gokobhai tasai. Daidi ami go Diabora abïnakiditadai go Suxi sai soimaaxi ibuadana soimaaxi iduiñtulda ïrhiditai. Dai maita gautadai Suxi toma lïïchi ami oidigana dakatai dai kabami bhiugimuka.

VUAANA 8:46

Daiñi, tomarhi ïmadutai aapimï mai bia ixtukïdï gïpiïrï gin bupadagi. Bïïxkïrï aagaiña aanï ix tumaxi ïr buaboi kaxkïdï. ¿Dai tuixi maiti ipïrhidi aapimï ix gin buaboitudagi tomaxi kïï sïïrhi aagai?

Romanos 8:3

Go sïïrhikami ojixikami maiti ixtui ix kïïgakïrï gïr bubaidagi. Mai bia gobai gubukarhigai ixtukïdï gïr soiñagi. Ïïgi sobhikïiña aatïmï adaimïitai gïr ïkidadï tïgibudagai kaxkïdï. Dïï Diuxi gia kïïgakïrï gïr bubaitu. Ïgai otoi maradï sai biakana ïmo tukugai ïpïamaaxkami ix makïdï bia aatïmï soimaaxi ibuadami. Dai gï muatu ïgai gïr soimaaxkamiga bïïtarï. Podukai Suxi tukugadïkïdï Diuxi gamaitï go soimaaxkami bui.

2 Korintios 5:21

Gïn aagidamu aanï ïmo ixtumaxi aagaitai aanï go oidaragai ix makïdï gïr maakai Diuxi tudu. Daiñi, Diuxi dáí go Suxi ïmo daxdaragai dukai sai buanana gïr soimaaxkamiga mai soimaaxi ibuadamikatai ïgai toma lïïchi. Po dui ïgai saidi ka bïïna biiyagi aatïmï Suxi Kristo sai podukai buañixikami biiyagi aatïmï ïpïan dukai Diuxi. Gobai tudu ïr go gïï oidaragai ix makïdï gïr maakai Diuxi.

Hebreos 4:14

Dïï gia Suxi Kristo ïr gabhaitïkïakami dadaxdadami gïr bïïtarï, ïgai tudu ix makïdï ïr Diuxi Maradï. Dai ka ayi ïgai amïka buidïrï Diuxi dai ami bhai dui gïr bïïtarï mai kïï ibuadatai aatïmï. Kaxkïdï gï agai xi mai ugutai aagada aatïmï gïr buaboidaraga aipakoga.

Hebreos 5:2

Dai go bhaitï gukakamigadï go dadaxdadami soi gïn ïrhidiña nïiditai odami xïïxkadï ïmadutai mai maatïkagi ixtumaxi ïr kïïga dai kaxkïdï mai kïïga ibuadagi. Go bhaitï gukakami dadaxdadami ïr odamikana ïpïan dukai tomax tuma odami tudu. Dai kïïga maatïkana ïgai ix taadaga ïmoko xïxkadï mai gubuakagi go soimaaxkami buidïrï. Ïgai soimaaxi ibuadana ïpï tudu.

Hebreos 7:26

Suxi Kristo tudu ïr go adaama kïïgadukïdï dadaxdadami ix makïdï bamioma kïï bhaiga ix gïr soikïdagi. Kïïga ïko daja ïgai go soimaaxkamiañdïrï tudu mai biakatai ixtukïdï gïpiïrï kaatïkagi. Kïï buañixi ïgai dai ka ïkobai daja ïgai soimaaxi ibuadamiañdïrï amïï tïbagiana dakatai ïgai. Dai bïïxi adaama bia ïgai xadutudaragai amïka tïbagiana dakatai ïpï.

Hebreos 9:28

Dai podukai ïpï Suxi Kristo ïïgi gï dáí mosïkaxi ïmo imidagai ïmo daxdaragai dukai. Podui ïgai bhai buadatai mui óídakami bïïtarï soimaaxi ibuadamikatai óídakami. Dai gobai ix makïdï idui ïgai, gï dasakai ïgai mos arhi ïmo imidagai ïmo daxdaragai dukai óídakami bïïtarï, gobai bïïxkïrï bïïtarï namïaka agai. Dai gokiïrï ïpamu dibiagai ïgai dïï mai daamioma ïpamu bhai buada agaitai gïr soimaaxkamiga bïïtarï. Bhaiyoma dibiagai ïgai dai kïïgakïrï bubaida aagai bïïxkatai ix makïdï bhai ïrhiarakïdï nïnïraka ix dibiagi ïgai ïpamu. Ka bhai dui ïgai kïïgakïrï bubaidaragai bïïxkïrï bïïtarï tudu.

1 Pedro 2:22

Suxi Kristo mai soimaaxi idui tomarhi ïmo imidagai. Dai mai buirumagi ïgai óídakami ïpï.

1 Juan 3:5

Dai kïïga maatï aapimï sai Suxi Kristo mai soimaaxi ibuayi tomarhi ïmo imidagai. Dai bhaiyoma dibia ïgai tami oidigi daama buanada agaitai gïr soimaaxkamiga.