Hebreos 4:1 - Northern Tepehuan Bible

^1-2 Diuxi aagidi go Israelitas sai maaki agai ïmo ibhïxtaragai ami go Kanaanïrï dai gobai ïr ïmo bhai ïrhiaragai aatagitadai go Israelitas bïïtarï. Dïï mai baapa ïgai ami. Dai aatïmï ïpï gïr aagidi Diuxi sai gïr maakai ïgai ïmo ibhïxtaragai ïpï dai kia bia aatïmï oigaragai ix bhïiyagi gobai. Gobai ïr ïmo gïdukami bhai ïrhiaragai ñoki dai kabami namïakami aatïmï gïr bïïtarï. Kaxkïdï gï agai xi kïïga gïn tïgito nïijada aapimï. Tadu mai bhïiyi ïmadutai aapimï go ibhïxtaragai ix makïdï gïr maakia ïrhidi Diuxi. Daiñi, muidutai go Israelitas po dui ïïki. Mai baapa ïgai Kanaanïrï xako bhai duitadai Diuxi ïmo ibhïxtaragai ïgai bïïtarï. Diuxi aagidi sai ka bhai duitadai ïmo ibhïxtaragai ïgai bïïtarï dai gobai ïr ïmo bhai ïrhiaragai ñokikatadai ïgai bïïtarï tudu. Dïï mai buaboida kaï ïgai kaxkïdï maiti idui soiñi go ñoki ïgai bïïtarï. Mai ïpïan dui ïgai jaa ix makïdï gia kïïga buaboida kaï go ñoki kaxkïdï.

Tepehuan Northern: Diuusi ñiooquidʌ utuducami oodamicʌdʌ

¹ Dai sivi Diuusi gʌraagidi sai aatʌmʌ ʌʌpʌ istutuidi isiimiagi mʌʌca siaaco daja ʌgai dai ʌʌmadu oidacana dai aatʌmʌ aliʌsi gʌaagai isgʌrnuucadacagi iscʌʌga vaavoitudadagi Diuusi dai poduucai sʌʌlicʌdʌ iimiagi Diuusi ʌʌmadu.

Hebreos 4:1 Iomraidhean Croise

Numeros 14:34

Gokobhai tasai iji go kïkïïrhi otoxikami dai mïï nïnïidi oidigi xi maaxi tiodi Kanaanïrï. Dai xibi aanï aagai sai xïïki tasai iji go ojotoxikami po kaki umigi taata agai aapimï gïn gïïgïbidaraga. Podukai maatïkamu aapimï xi gïn buayi ix makïdï gin buidïrï bïïtïkagi— itïtïdai Gïr Nukadakami.

Mataibo 24:48

—Dïï gia go pioñi ix makïdï nukadakami bii ami kiiyïrï kïï bhaiga xi galtuigakagi ïpï. Xi pomaaxkagi ïgai aidï gia gïgïbi antaada ïgai go gaa pipioñi ïmadï kuxñiñirui po gï ïrhiditai ïgai sai mai otoma dibiagai amudï. Ix mai buamï gï ïrhiadagi ïgai ix dibiagi amudï dai mos gakuadagi dai gayïdagi ïmadï jaa nabaakoidadï,

Hechos 3:19

Kaxkïdï abïr ïma dukai gïn tïtïïgito aapimï dai ïmai boi bhïiyi, Diuxi amajako tudu. Buaboitudabïrai Diuxi bai ïgai buanadagi bïïxi gïn soimaaxkamiga ix makïdï ibuayi aapimï Diuxi bui. Aidï gia Diuxi Gïr Nukadakami gïn bhai gïn ïrhiatudamu.

Romanos 3:23

Daiñi, Diuxi sïïrhikïdï kïï tuiga dai kïï tiodi dai bïïxi óídakami ïr soimaaxi buadami dai mai ajïi Diuxi.

1 Korintios 10:12

Kaxkïdï maiti gï agai ix kïï gubuakami ïrhiadagi ïïgi buaboidaradï ïmoko tadu gïpiïrï gïi ïpï soimaaxi ibuadatai ïpï.

2 Korintios 6:1

Gin aaduñi, aanï aatabuayi Diuxi ïmadï ibuadatai aaduindadï dai gin soikïi jaa buaboitudadami ïpï. Dai xibi bïïxi gïr ibhïdagakïdï gïn maakai aatïmï ñoki idi ojiïrï. Gïn tïgitobïrai xïï kïï tuiga Diuxi aapimï gïn bïïtarï gïn maakakai ïgai ix dukatai kïïgakïrï bubuakiagi aapimï tudu. Diuxi gïn maa ïmo kïïgadukami oidaragai tudu. Dai xibi kabami gïn abïnakidimi aatïmï sai kïïga óídakagi aapimï ixdukatai gï agai maamaradïkatai aapimï Diuxi. Ïma dukai maiti ibuadamu soiñi gïn bïïtarï bïïxi gobai ix makïdï gïn maa Diuxi.

Galatas 5:4

Dai ix poïrhiada ïmoko sai kïï bimu Diuxi ïmadï ïïgiditai go sïïrhikami gobai itïiya ïrhidi sai ka gajiadïrï bipiayi ïgai Suxi Kristo mai buaboitudaitai ïgai. Diuxi kïï tuiga ïgai bïïtarï tudu dïï mos ïgai mai dagito xi Diuxi soiñagi.

2 Timoteo 2:13

Dïï gia tomaxi mai kïï ibuadagi aatïmï ix dukatai aagagi aatïmï ïgai gia bïïxkïrï ibuayi ix dukatai gïr aagidi. Ka pomaaxi tuigakami ïgai tudu kaxkïdï xadïrï maiti iduna ix tumaxi ix makïdï gïr aagidi.

Hebreos 12:15

Gin aaduñi, kïï tuiga Diuxi gïr bïïtarï dai gïr maaki ïrhidi ïgai naana maaxi sai maatïkana aatïmï xïï kïï tuiga ïgai. Dïï gia gï agai xi gïn nukada ajiopada aapimï tadu ïmadutai aapimï mai bhïiyi. Gïn nukadakabïrai sai mai bhamukatai oidakagi ïmadutai aapimï tudu. Maiti abïr gïn dagito ix podukai mos apia imïda bhamudagai gïn saagida. Tadu gïn bupuidïrï gïn tutusadan buadagi go bhamudagai kaxkïdï tudu podukai muidutai aapimï gïn sarabida antaada go bhamudagai.

Hebreos 12:25

Gin aaduñi, Diuxi gïn maakaimi ñoki xibi. Gïn nukadabïrai tudu, tadu maiti ipïrhiada aapimï xi ïïgiadagi. Tadu ïpïan dui aapimï go Israelitas aidïxi maiti ipïrhi xi ïïgiadagi Diuxi ïïki aidïxi tami oidigi daamïrï ño Diuxi. Diuxi gïgïbiturhi ïgai tudu mai ïïgiditai ïgai. Dai xibi tïbagiañdïrï gïn mamaakai ñoki Diuxi mai xu oidigi daamaiñdïrï dai kaxkïdï xïïxi bamioma gï agai xi ïïgidagi aapimï xibi. Tïbagiañdïrï ñokaitai ïgai tudu. Kaxkïdï xadïrï mai taatana aapimï gïgïbidaragai ix mai ïïgiadagi aapimï Diuxi tïbagiañdïrï ñokaitai ïgai xibi.

Hebreos 13:7

Gin aaduñi, gïn tïgitodabïrai xïï kïïga óídakaiña gïn bhaitï gukakamiga Diuxi amadïrï. Gïn tïgitobïrai xïï sïïrhi óídakana ïgai ix makïdï gïn tïtïgidi Diuxi ñokidï tudu dai ïpïan dukai abïr buaboitudada dai óídaka.

Hebreos 3:11

Kaxkïdï bhamu aanï dai podukai aagidi sai ïgai ka mai bapaki agaitadai amïka xako Kanaanïrï tïgidu oidigi xako bhai duitadai aanï ïmo ibhïxtakan dukai oidakaragai ïgai bïïtarï.

Hebreos 4:11

Gï agai xi kïïga gïr tïgito nïidagi aatïmï tudu daidi bhïiyagi go ibhïxtaragai ix makïdï bia Diuxi gïr bïïtarï. Tadu mai ïïgidi aatïmï Diuxi ïpïan dukai go Israelitas ïïki. Xi pobuadagi aatïmï aidï gia xia gïr duadamu aatïmï ïpï ïpïan dukai ïgai.

Hebreos 4:9

Kia oidaga ïmai ibhïxtaragai Diuxi aaduñdï bïïtarï tudu, ix makïdï ibhïxtaragai tasïrï gï dukami.