Hebreos 3:9 - Northern Tepehuan Bible

⁹ Gokobhai umigi aïkami nïidiña gïn aaduñi ïïki ixtumaxi ibuadana aanï ïgai bïïtarï dai bïïxkïrï idui ïgai naana maaxi soimaaxi gin buidïrï. Podui ïgai tudu nïida ïrhiditai ix bhai ïr buaboi sai kïï tuiga aanï.

Tepehuan Northern: Diuusi ñiooquidʌ utuducami oodamicʌdʌ

⁹ Dai pocaiti Diuusi: Ʌjudidíu idui naana maasi soimaascami nʌida ʌliditai sabai soimaasi taatatuldiana aanʌ. Tomasi nʌidi naana maasi gʌgʌrducami istumaasi ivuaadana aanʌ goo coobai uumigi.

Hebreos 3:9 Iomraidhean Croise

Exodo 19:4

—Aapimï ïr nïijadami ix dukatai duñi aanï go Ejiptuïrï oidakami aidïxi gïn bubaitu aanï abhiadïrï Ejiptuañdïrï. Gïn aagidamu aanï ïmo maaxidaragai dukami xi maatïkagi aapimï ix dukatai gïn nukadai aanï. Daiñi, kïï maatï aapimï go bhagai ix dukatai oigïdai ïgai maamaradï. Upiïrï kukuspui ïgai dai nunukadai tudu. Dai aanï podukai gïn nukagi ïpï boiyamu iimïitai aapimï dai gïn bua aanï tanai xako daja aanï. Bïïxi ïr nïijadami aapimï ix dukatai gïn nukagi aanï— tïdamu aapi go Israelitas— itïtïdai Gïr Nukadakami go Moises.

Numeros 14:33

Gïn maamara tanai oidigana nukada agai kañiñiru dai óídaka agai ïpï gokobhai umigi kia. Podukai po kaki umigi taata agai aapimï gïïgïbidaraga mai ïïgidakai. Dai gïn maamara ïpï soi taadakamu go kobhai umigi aïkami gïn ïmadï. Daidi bhodïrï bïïxi ugitimu aapimï ix makïdï ïr gïïgïr odami xibi. Dai aidï gia bapakimu gïn maamara Kanaanïrï.

Lukas 7:22

Daidi potïtïdai Suxi go ojotosadï Juan, —Mïïka abïr aagida go Juan mïx tumaxi nïidi aapimï dai mïx tumaxi kaï. Podukai maatïkamu ïgai xorai aanï— itïtïdai. —Aagidabïrai tudu sai duduadi aanï odami ix makïdï mai nïayitadai dai xibi ka kïïga nïayi. Dai ix makïdï gogobikïitadai ka kïïga aimïrai. Dai ix makïdï biakatadai go lepra ka kïïga duayi. Dai ix makïdï mai bhaigakana ix kaïkagi ka kïïga kaï. Dai sai duduakaturhi aanï koidadï. Dai sai gï aiturhiña go bhai ïrhiaragai aatagi go soititigami. Podukai maatïkamu go Juan xorai aanï— itïtïdai.

Hechos 13:8

Dïï go kïïdarakïdï bui ñokimi Bernabe ïmadï Saulo maiti ipïrhiditai xi go kaigi buaboitudagi Diuxi ñokidï.

Hechos 7:36

Dai gokiïrï go Moises bubaitu gïr aaduñikaru Ejiptuañdïrï dai idui naana maaxi maaxidaragai Diuxi gubukadadïkïdï. Naana maaxi idui ïgai Ejipituana ix makïdï ïïgi Diuxi bhaiga xi ibuadagi dai go gïï sudagi bïgikïdïana ïpï. Dai gokiïrï apia kia pobuadana ïgai gokobhai umigi ajiopaitai gïr aaduñi oidigana xako mai tipu óídakami.