Hebreos 3:7 - Northern Tepehuan Bible

⁷ Kaxkïdï gïr maa ñoki Diuxi Ibhïadï ojadïrï Diuxi daidi ikaiti sai, Aanï ïr Diuxi dai xibi xïïxkadï kaïkagi aapimï ix gïn ñokiada aanï

Tepehuan Northern: Diuusi ñiooquidʌ utuducami oodamicʌdʌ

⁷ Cascʌdʌ aliʌsi gʌaagai iscʌʌga maatʌ caʌcagi aatʌmʌ istumaasi oojisi Diuusi ñiooquidʌrʌ ismaacʌdʌ aagai Diuusi Ibʌadʌ: Issivi caʌca aapimʌ isñioocadagi Diuusi

Hebreos 3:7 Iomraidhean Croise

Mataibo 17:5

Dai kia ñokaitadai go Piduru bai ïmo ikomai iña ami xako daraja ïgai. Kabami kudaka maaxi ami go ikomai ïrana dai Diuxi ño abhai ikomai ïrañdïrï daidi itïi ïgai, —Idi Suxi ïr gin Maara dai kïïgakïrï oigïdai aanï. Kïïga bhai gin ïrhidi nïiditai gobai— itïi. —Gïn tïgito abïr kaï ñokidï ïgai tudu— ikaiti Diuxi go ikomai saagidañdïrï.

Mataibo 22:43

Daidi Suxi potïtïdai, —Ïjï tudu. Dai mai xu xi mosïkaxi pipiixaradï ïgai go Dabidkaru ïpïan dukai jaa mui odami. Daiñi, go Dabidkaru ño ïïki gubukarhigadïkïdï Diuxi Ibhïadï dai Tïanïdamigadï aagai ïgai go otosadï Diuxi ix makïdï nïnïrakatadai ïgai. Dai ka aagai aatïmï saidi go otosadï Diuxi ix makïdï nïnïraka go judidiu ïr pipiixaradï go Dabid ix makïdï itïiya ïrhidi sai go Dabid bamioma gatïanïi xi ïgai. Dïï gia go Dabid Tïanïdami aagai Diuxi otosadï ix makïdï itïiya ïrhidi sai go otosadï Diuxi bamioma gaa tïanïi xi go Dabid. Gin aagidabïrai tudu ix dukatai maaxi gobai— itïtïdai Suxi. Go Dabidkaru oja ïmo ñoki ïïki tudu ix makïdï ikaiti sai,

Markos 12:36

Daiñi, Diuxi Ibhïadï ñokiturhi go Dabidkaru ïmo imidagai baidi ikaiti Dabid, —Diuxi Gïr Nukadakami aatagidi gin bhaitï kïakamiga daidi potïtïdai, Dakañi aapi gin sïïrhixapadïrï nai aanï dumaltudana gï sasayu pai daama tuaja aapi gï ïïkaso pai kïixana aapi, itïtïdai Gïr Nukadakami— ikaiti Dabid.

VUAANA 10:16

Dai xibhïakoga bia aanï jaa odami ïpï ix makïdï maiti ïr judidiu. Xibhïadïrï óídakami kañiñiru gïn dukami ïgai dai gï agai ix buapa aanï dai bïïnaituda go judidiu ix makïdï kaxi gin urabaka. Aidï gia mosïkaxi aanï ïr paxturugadïka agai bïïxkatai dai ka mai biakamu ïgai paxtuturu omarhigakami dai ïxibugami. Aidï gia kïïga gin kaïkamu ïgai dai ïmo aadunumïkan dukai óídakamu ïmadï go judidiu ix makïdï kaxi gin urabaka.

VUAANA 10:27

—Ix makïdï ïr gin sosoiga kañiñiru gia kïïga ïïgida kaïkana gin ñoki dai kïïga maatï aanï gin sosoiga dai ïgai gin ïmadï ajiopaiña.

VUAANA 10:3

Kupiokïi go nukadakami kuuparagai sai bakïna go paxturu dai sosoigadï kïïga kaïkana ñokidï bai bapaidiña ïgai sosoigadï ïïgi ix tïtïgidukagi dai bubaidiña kuraraiñdïrï dai bhaitï kïïkigiña.

VUAANA 5:25

Dai Suxi oi aatagidï dai itïtïdai ïpï, —Kïïga abïr gïn tïgito kaïka idi ñoki. Daiñi, aanï ïr Diuxi Maradï dai aanï aagai sai ayimu ix tuigako kaïka agai go koidadï ix ñokada aanï dai duduaka agai. Dai xibi aanï aagai sai ka ayi gobai.

Hechos 1:16

—Gin aaduñi, ¿Mai ix gï agaitadai xi buaboi busiagi ix makïdï oja Dabidkaru ïïki aagaitai go Udaxi? Daiñi, Diuxi Ibhïadï tïgibudadïkïdï oja Dabid ïïki. Dai xibi ka buaboi busai gobai. Go Udaxi ïgai dai gatïïgi go Suxi xi gï bhïitu ïgai.

Hechos 28:25

Mai ïmo tïgibudagai biakatadai ïgai dai gïn bupui ñokaitadai. Kaxi ïr iimïdamikatadai go odami baidi Pabora itïtïdai aidï, —Gia ïr buaboikatadai ix dukatai Diuxi Ibhïadï aagidi gïn aaduñi ïki. Ïgai aagidi ïmo ñoki go aagadami Diuxi Ñokidï Isaias tïgidukami ïki. Bai go Isaias oja ix kaititadai Diuxi Ibhïadï aidï dai adukai oja,

Hechos 8:29

Daidi Diuxi Ibhïadï itïtïdai Pirhi, —Imiñi dai abhana kïkiba go kareta— itïtïdai.

Hebreos 10:15

Ka mai biïga bamioma daxdaragai gïr soimaaxkamiga bïïtarï tudu. Suxi Kristo ka bïïxi bhai dui gïr bïïtarï kaxkïdï. Dai Diuxi Ibhïadï podukai aagai ïpï. Ïgai aagidi ïmo kïïrhi ïïki sai ojana ïmo ñoki Diuxiañdïrï imïdami. Dai adukai oja ïgai. Diuxi ikaiti sai,

Hebreos 3:13

Gï agai tudu sai bïïx tasai gïn mamaakadagi aapimï ñoki aipakoga asta xïïxkadï ukami oidakagi aapimï tami oidigi daama. Podukai abïr gupurtuda gïn iibhïdaga aipakoga. Maiti abïr gïn dagito ix gïn bupuirumadadagi go soimaaxkami tudu tadu kabakatu gïn ibhïdaga Diuxi buidïrï dai podukai ka maiti ipïrhiada aapimï xi ïïgiadagi.

Hebreos 3:15

Gïn tïgitobïrai ix kaiti Diuxi ojadï. Ami ikaiti sai, Xibi xïïxkadï kaïkagi aapimï ix ñokadagi Diuxi maiti abïr kapakada gïn ibhïdaga buidïrï ïgai. Bhaiyoma abïr abokan dukai óídaka dai kïïga ïïgiada. Maiti abïr ïpïan buada gïn aaduñi go Israelitas aidïxi bui surhi ïgai Diuxi ïïki oidigana tudu, ikaiti Diuxi ojadïrï.

Hebreos 4:7

Mai baapa go Israelitas tudu dai kaxkïdï Diuxi gïr maakai oigaragai aatïmï xibi ix bapakiagi go ibhïxtaragïrï ix makïdï bhai dui Diuxi. Go odami mai baapa ïïki dïï gia gokiïrï mui umigikïdï aagidi Diuxi ïpamu go Dabidkaru go baaxi ñoki ix makïdï ka nïidi aatïmï. Potïtïdai ïgai sai, Xibi kia bia aapimï oigaragai xi biakagi go ibhïxtaragai ix makïdï gïn maakia ïrhidi Diuxi. Kaxkïdï xïïxkadï kaïkagi aapimï ix ñokadagi Diuxi maiti abïr kabakatuda gïn ibhïdaga buidïrï ïgai dai bhaiyoma abokan dukai abïr óídaga dai otoma ïïgiada, itïtïdai. Potïtïdai ïgai tudu dai gobai itïiya ïrhidi sai xibi ïr ix tuigako oidaga oigaragai odami bïïtarï xi bapakiadagi go ibhïxtaragïrï ix makïdï aagai Diuxi ïïki.

Hebreos 9:8

Pomaaxkatadai go ïïkidadï sïïrhikami tudu. Dai gokïdï gïr maatïturhi Diuxi Ibhïadï sai mai tipukatadai oigaragai go óídakami bïïtarï xi aiyagi ïgai xako daja Diuxi. Pomaaxkatadai asta aidïxi ukami kia namïakatai go ïïkidadï sïïrhikami tudu. Aidïxi kia kïakatadai go kiupai ix makïdï ïr duñidïkatadai ïïgi odami, aidï mai tipukatadai oigaragai óídakami bïïtarï ix bapakiagi Diuxi buitapi.

2 Pedro 1:21

Maiti ïr odami tïgibudadï gobai tudu. Dai bhaiyoma Diuxi Ibhïadï ïgai dai tïgitoturhi ïgai saidi ñokadana ïgai Diuxi bïïtarï. Kaxkïdï sïïrhikïdï gï agai ix kïïga gïn tïgito kaïkagi ix kaiti ïgai ojadï.

Apokalipsis 3:20

Daiñi, biaka ïrhidi aanï urabaragai gïn ïmadï. Kaxkïdï kii taagiñana duu kïïka aanï dai gataanïi baakigai. Dai urabamu aanï ïmo kuadagiïrï dukai xorai gin kaïkagi dai gin miadïgidagi.