Hebreos 2:8 - Northern Tepehuan Bible

⁸ Maa aapi sïïrhikami odami sai tïanïna ïgai bïïxi aïkatai tudu, podukai ojixi Diuxi ñokidïrï tudu. Ami ikaiti go ojai sai maa Diuxi sïïrhikami odami sai gatïanïna bïïxi aïkatiana tudu. Dai gobai itïiya ïrhidi sai mai bii tomarhi ïmo ixtumaxi ïkobïrakoga. Odami biaka agai sïïrhikami xi gatïanïdagi bïïxi aïkatai tudu. Dïï gia kïïga maatï aatïmï sai xibi mai kia nïidi aatïmï sai gatïanïdagi odami bïïxi aïkatïrï. Mai kia pogïdui gobai kaxkïdï mai kia gatïanïi gobai tudu.

Tepehuan Northern: Diuusi ñiooquidʌ utuducami oodamicʌdʌ

⁸ Poduucai oodami vaamioma gatʌaanʌi tami oidi daama sivʌʌsi gomaasi ismaacʌdʌ idui Diuusi. Astʌtʌdai Davicaru. Aidʌsi Diuusi maa gosʌʌlicami oodami poduucai oodami tʌaanʌi vʌʌsiaʌcatai istumaasi oidaga oidigi daama. Dʌmos vʌʌscʌrʌ cʌʌga gʌmaatʌ ismaisiu vʌʌsi istumaasi oidaga ʌʌgidi oodami.

Hebreos 2:8 Iomraidhean Croise

Mataibo 28:18

Dai ami buidïrï ayi Suxi go mamaatïrdamigadï daidi potïtïdai, —Ka bhïiyi aanï ïmo sïïrhikami dai bïïxi adaama ïr Tïanïdami aanï tami oidigi daama dai mïï tïbagiana ïpï.

VUAANA 13:3

Dïï Suxi idui ïmo maaxidaragai mai kia gï tïïgidakai ïgai. Kïïga maatïkatadai Suxi sai Diuxi gïr Oga ka maatadai gubukadagai sai tïanïna bïïxi aïkatai ix tumaxi oidaga. Dai kïïga maatïkatadai ïpï sai Diuxiañdïrï dibiatadai ïgai dai ix ka ïpamu imi agaitadai ïgai ïmadï.

VUAANA 3:35

Dai Diuxi gïr Oga sïïrhikïdï oigïdai Maradï dai maa gubukadagai ix tïanïna bïïxi aïkatai.

1 Korintios 15:27

Podukai buaboi busaimu Diuxi ojadï xakoga ikaiti sai, Diuxi maakimu gubukarhigai Maradï sai gatïanïna bïïxi aïkatïrï, ikaiti go ojai. Dïï gia gobai mai itïiya ïrhidi sai tïanïda agai ïgai Diuxi gïr Oga ïpï. Maatiga maaxi gobai tudu. Kaxkïdï tudu Diuxi ïgai dai maakai gubukarhigai Maradï sai ïgai gatïanïna.

Hebreos 1:13

Dai potïtïdai ïgai Maradï ïpï, Dakañi tami gin sïïrhixapadïrï sai biakana aapi gïdukami xadutudaragai. Dakañi aapi asta xïxkadï ukami bïïxi maitï aanï gï buidïrï bïïtïkamiga. Aidï kïïga dumarhi bimu ïgai gï bïïtarï. Ïmo kïixakaru dukai nïijadamu aapi gï buidïrï bïïtïkamiga aidï mos ïï dumarhi biïkai ïgai gï bïïtarï maitïkai aanï, itïtïdai. Potïtïdai ïgai Maradï tudu dïï gia mai potïtïdai ïgai tomarhi ïmo tïañikarudï.

Hebreos 1:2

Dïï gia xibiapioma Diuxi otoi ïmai kïïrhi bamioma namïakami xi go ñiñokituldiadamigadï Diuxi. Otoi ïgai Maradï tudu sai gïr aiturhiña ñoki xibi karhioga ugiti agaitai oidigi. Diuxi Maradï ïgai tudu ix makïdï idui go oidigi. Dai Diuxi ka aagai sai Maradï ïr tuidadïka agai bïïxi ixtumaxi ix makïdï idui ïgai.

Hebreos 2:5

Dai gï agai xi maatïkagi aapimï ïpï sai Diuxi podukai aagai sai mai xu xi go tïtïañikarudï Diuxi ïr ïgai ix makïdï gatïanïda agai xïxkadï ka bhïiyagi aatïmï gïr utudui oidakaragai. Jaa ïgaikamu ix makïdï gatïanïda agai.

1 Pedro 3:22

Dai xibi Suxi Kristo bia ïmo gïdukami sïïrhikami sïïrhixapadïrï dakatai ïgai Diuxi amïka tïbagiana. Dai ami gatïanïi ïgai bïïxi go tïtïañikarudï Diuxi dai bïïxi go gubukadagai bipiakami ix makïdï ami tïbagiana daraka.

Apokalipsis 1:18

Aanï ïgai dai tomax tuigako oidaga tudu. Muu aanï ïmo imidagai dïï gia xibi ka duaka aanï dai bïïxkïrï bïïtarï oidaka iñagai. Dai bia aanï bamioma gubuka xi bhai go mukigami dai gobai bhaiga xi aiyagi mosïkaxi asta xako ukami dagitoagi aanï. Dai bia aanï gubukarhigai xi gatïanïdagi ami xakoga daraka koidadï ïpï— in tïtïdai.

Apokalipsis 1:5

Dai Suxi Kristo ïgai dai kïïga aagai ixtumaxi ïr buaboi dai ïgai ïr ïpïgadï ix makïdï muu dai ïpamu duakatu dai ka mai muki agai ïpamu. Dai ïgai ïr Tïanïdamigadï bïïxi gupudagai bipiakami oidigi daama óídakami. Suxi Kristo kïïga gïr oigïdai. Daiñi, aaxi ïgai ïradï mukukai dai podukai kïïgakïrï gïr bubaitu gïr soimaaxkamiañdïrï.