Hebreos 2:16 - Northern Tepehuan Bible

¹⁶ Dai kïïga maatï aatïmï sai dibia Suxi dïï mai xu xi dibia ïgai iduña agaitai ïmo soiñi Diuxi tïtïañikarudï bïïtarï. Bhaiyoma dibia ïgai iduña agaitai ïmo soiñi aatïmï buaboitudadami gïr bïïtarï. Aatïmï gïr bïïtarï ix makïdï ïr piipixaradï dukai go Abraamkaru tudu.

Tepehuan Northern: Diuusi ñiooquidʌ utuducami oodamicʌdʌ

¹⁶ Ʌgai divia dai soiña agai Avraañicaru cajiudadʌ maisiu Diuusi tʌtʌaañicarudʌ.

Hebreos 2:16 Iomraidhean Croise

Genesis 22:18

—Kaxi ïïgidi gin kaï aapi xi Kaxkïdï gï piipixarakïdï maakimu aanï ïmo bhai ïrhiaragai abhana bïïxi oidigi dama oidakami— itïtïdai Gïr Nukadakami.

Romanos 2:25

Daiñi, kïïga ïr soiñi aapimï judidiu gïn bïïtarï xi gïn circuncidandoagi dïï mosïkaxi ix kïïgakïrï ïïgiadagi aapimï Diuxi sïïrhikamigadï. Dïï mos go circuncision ka mai namïakan dukai bipiïyi mai ïïgidakai aapimï go sïïrhikami.

Galatas 3:16

Dai pomaaxi go ñoki ix makïdï bhai dui Diuxi go Abraamkaru ïmadï ïïki dai ïmadï ïmo pipiixaradï. Dai gïn tïgito abïr nïida sai gïn aagidi aanï sai mos ïmo pipiixaradï Abramkïdï bhai dui ïgai ñoki dai ïgai ïr Suxi Kristo. Aidï Diuxi aagidi go Abraamkaru sai maaki agai ïmo bhai ïrhiaragai dai mai gajiadïrï biamu ïgai go ñoki.

Galatas 3:29

Dai bïïna darakatai aapimï Suxi Kristo gobai itïiya ïrhidi saidi ïr piipixaradï aapimï go Abraamkaru dai gïn ajïga xi gïn aiyagi go bhai ïrhiaragai ix makïdï aagidi Diuxi go Abraam. Gobai ix makïdï aagidi ïgai saidi iduña agai piipixaradï bïïtarï tudu.

Hebreos 2:15

Aatïmï bïïxkatai ïbhïidiña go mukigami arhidukatai aatïmï abhiadïrï xi kaxkïdï soi dukai óídakaiña aatïmï. Mai bhaigakana aatïmï xi kïïgakïrï bubuakiagi go mukigamiañdïrï tudu. Maamaixapikami dukai óídakaiña aatïmï ïbhïiditai go mukigami aidï. Dïï gia Suxi muu gïr bïïtarï sai ka mai soi dukai óídakana aatïmï maamaixapikan dukai ka mai ïbhïiditai aatïmï go mukigami.

Hebreos 2:17

Suxi dibia go Ga bhaitïkïakami Dadaxdadami dukai bhai duña agaitai gïr soimaaxkamiga bïïtarï. Dibia ïgai dai gï muatu adaama kïïgadukïdï daxdaragai dukai gïr bïïtarï tudu. Podukai bïïxi naato aa namïki ïgai gïr soimaaxkamiga ixtukïdï buatulda dukai bitadai aatïmï Diuxi bïïtarï. Dai ïmo kïïgadukami gabhaitïkïakami dadaxdadami bia xi soi gï ïlda nïijada odami. Ïma dukai dukatai kïïga ibuadana ïgai aaduindadï bhai buadatai ïgai odami bïïtarï buitapi Diuxi Kaxkïdï gï agaitadai sai odami busiagi Suxi sai podukai ïmo kïïrhikatai kïïga maatïkagi ïgai ix taadakana aatïmï. Podukai soi gï ïrhi Suxi gïr bïïtarï dai kïïga idui aaduindadï gïr bïïtarï Diuxi buitapi.

Hebreos 6:16

Daiñi, xïïxkadï ïmo odami podukai aagadagi saidi iduñi agai ixtumaxi aagaiña ïmo ñoki xadutudikami aagaitai ïmo ixtumaxi kabami namïakami. Dai ka potïkai ïgai ka mai tipu bamioma ñoki. Ka gubukamikïdï bia ïgai xi iduñagi ixdukatai bia ïgai ñoki.

1 Pedro 1:20

Ka ïki abhiadïrï ka podukai gï tïgitokatadai Diuxi sai Suxi Kristo ïgaika agai dai kïïgakïrï gïn bubaida agai. Ka podukai dáítadai ïgai mai kia idunakai oidigi tudu. Dïï gia asta utudami xibiapioma dibia go Suxi karhioga ugiti agaitai oidigi. Dibia ïgai kïïgakïrï gïn bubaida agaitai tudu.