Hebreos 13:2 - Northern Tepehuan Bible

² Gï agai tudu xi bhai dukai miadïgiadagi gïn dadidakamiga tomaxi mai maatïkagi aapimï. Maiti gï maatï xi bhai maiti ïr tïtïañikarudï ïgai Diuxi kaxkïdï. Ïïmo óídakami ka miadïgidiña tïtïañikarudï Diuxi podukai, mai maatïkatai tudu.

Tepehuan Northern: Diuusi ñiooquidʌ utuducami oodamicʌdʌ

² Vʌʌscʌrʌ gʌaagai mʌsmiaadʌgiadagi gʌndaividacami. Ʌʌmoco camiaadʌgidiña Diuusi tʌtʌaañicarudʌ dai vʌʌscʌrʌ maimaatʌcana isʌrDiuusi tʌtʌaañicarudʌ.

Hebreos 13:2 Iomraidhean Croise

Genesis 19:1

Ka didiaymitadai oidigi xi ami dada go bïï goka tïtïañikarudï Diuxi Sodomïrï. Dai akitadï Abraam Lot tïgidukïdï sonoana daja kuuparadï go gïï kurarai ix makïdï bhaabhaki xikorhi kaatï. Ami kuuparagai abhana ibuadana ïmpaiñdaragai oidakami. Dai Lot tïï go tïtïañikarudï Diuxi dai mïï kuiki buidïrï dai biaturhi.

Mataibo 25:35

Aidïxi bhiugimukatadai aanï, gin bhibhidi aapimï kaxkïdï. Dai aidïxi tonomokatadai aanï gin oidi aapimï sudagi. Aidïxi ïmo xibhïadïrï dukai imïdami ayi aanï gïn kiiyïrï bïïxkïrï kïïga gin miadïgidi aapimï tudu. Tomaxi maiti gin maatïkatadai aapimï.

Mataibo 25:40

Dai potïdamu aanï ïgai, —Daiñi— tïdamu aanï. —Kïïga soikïiña aapimï jaa buaboitudadami. Soikïiña aapimï asta go buaboitudadami ix makïdï bamioma mai tïanïi tudu. Dai bïïxi aïkatai ixtumaxi ix makïdï idui aapimï soikïitai ïgai, bïïxi gobai aanï podukai nïidi sai aanï in bïïtarï iduitadai aapimï. Gobai kïïga ïr buaboi tudu. Po tïdamu aanï go buaboitudadami Reygadïkatai aanï— itïtïdai Suxi go odami.

Mataibo 25:43

Dai mïï ayi aanï xako óídagatadai aapimï dai aapimï maiti gin miadïgidi maiti gin maatïkatai aapimï. Mai yukusukatadai aanï dai aapimï maiti gin maa yukuxi ïpï. Kokokatadai aanï dai maixakaruana dakatadai aanï dai maiti gin dadiji aapimï ïpï. Po tïdamu aanï tudu— itïtïdai Suxi.

Hechos 16:15

Dai bhodïrï go Lidia gï bakoi ïmadï bïïxkatai ix makïdï kiidïrï óídakatadai. Daidi gïr daañimitadai ïgai dai pobïrtïtïdai, —Mïxi buaboitudadami gin ïrhiadagi aapimï kïïgakïrï aidï abïr gin kiiyïrï gïn urhiña asta xïïxkadï iimi agadagi aapimï tabhiadïrï— itïtïdai ïgai. Muiyoko pobai gïr tïtïdai ïgai dai aatïmï bhai aa dai gamo iji.

Romanos 12:13

Kïïga abïr oida soiñi gïn aaduñi Diuxiamadïrï ix makïdï tïgitokagi daidi abïr kïïga miadïgida gïn kiikiïrï dadidakami ix makïdï ïr buaboitudadami xibhïadïrï óídakami.

Romanos 16:23

Diuxkïdï gïn biaturhi Gayo. Ïgai kiidïrï tudu gin urhiñdaka aanï. Dai ïgai gïr maa oigaragai bïïxkatai buaboitudami xi gïr ïmpaidagi aatïmï kiidïrï ïpï. Diuxkïdï gïn biaturhi Erasto ïpï. Ïgai ïr nukadakami go tuminxi ixtukïdï aatabuayi dudunukami tanai Korintoana. Gïr sukurhi Kuartoxi tïgidukami gïn biaturhi ïpï.

1 Tomoteo 3:2

Kaxkïdï ïmo nukadakami buaboitudadami gï agai xi kïï buañixikami dukai oidakagi sai mai tipukagi ixtukïdï gïpiïrï bupadagi jaa. Maiti gï agai tudu xi mui oki biakagi. Gï agai bhaiyoma xi ïmadugakagi oñigadï. Dai gï agai xi kïï gï tïgito nïijada ïgai bïïxi aïkatïrï ixtuma buadagi sai kïï bhai maaxkagi. Dukami, gï agai xi kïïga miadaidarakagi ïgai xïïxkadï daibidagi jaa. Dai gï agai xi maatïtai tïtïgiadagi ïgai ñoki ïpï.

1 Tomoteo 5:10

Gï agai xi jaa kïïgakïrï nïijadagi ïpï nïiditai ixtumaxi ibuayi ixtumaxi ïr kïïga. Gï agai xi tïgito nïida aapi ix bhai kïïga gïïrhidi maamaradï dai ix bhai kïïga miadïgidiña ïgai go buaboitudadami xibhïadïrï óídakami. Gï agai ïpï ix mai tiodiantuigakagi soikïitai go buaboitudadami tomax tuma aaduindagïrï. Gï tïgito nïida ïpï sa bhai gamaakaiña ïgai soiñi xorai soimaaxi taatamaiña. Ix makïdï gïn ojagi ami gï agai xi ïr bipiudukagi ix makïdï kaxi ibuadana naana maaxi aaduindagai kïïgadukami tudu. Ix pomaaxkagi ïgai aidï gia bhaiga ïgai xi gïn ojagi ami paperhiïrï xako ojixi budami soiñi.

Tito 1:8

Gï agai bhaiyoma xi kïïga miadïgidarakagi ïgai xïïxkadï daibiadagi odami. Dai gï agai xi ojoidagi ïgai ibuadagi ixtumaxi ïr kïïga. Gï agai xi maatïkagi ïgai ix tuma tïgibudagai ïgai daidi ïr soiñi dai ïgai bhïiyagi. Gï agai xi ïr sïïrhi ibuadamikagi. Gï agai xi bïïxi aïkatïrï ipïrhiada ïgai xi bhai ïrhiatuda Diuxi dai gï agai ïpï xi gï kabakadagi ixtumaxi maiti ïr soiñi bïïtarï.

1 Pedro 4:9

Gï agai ïpï sai bhai ïrhiarakïdï miadïgidagi aapimï gïn aaduñi xïxkadï gïn daibidagi ïgai. Dai ix gï agadagi abïr bhai ïrhiarakïdï bhibhida ïgai ïpï daidi abïr maakada xako kokoxiagi ïgai.

3 Juan 1:5

Aapi Gaiyo, kajioma aanï sai kïïga soikïiña aapi gïr aaduñi Diuxi amadïrï ix makïdï aipako gatïtïïgidi Diuxi ñokidï. Sai soikïiña aapi xïïxkadï ami dïgabuskïdagi ïgai xako oidaga aapi dai sai asta soikïiña aapi ix makïdï mai maatïkatadai aapi ïpï. Kïïga ibuayi aapi Diuxi bïïtarï tudu soikïitai gïr aaduñi podukai.