Hebreos 1:2 - Northern Tepehuan Bible

² Dïï gia xibiapioma Diuxi otoi ïmai kïïrhi bamioma namïakami xi go ñiñokituldiadamigadï Diuxi. Otoi ïgai Maradï tudu sai gïr aiturhiña ñoki xibi karhioga ugiti agaitai oidigi. Diuxi Maradï ïgai tudu ix makïdï idui go oidigi. Dai Diuxi ka aagai sai Maradï ïr tuidadïka agai bïïxi ixtumaxi ix makïdï idui ïgai.

Tepehuan Northern: Diuusi ñiooquidʌ utuducami oodamicʌdʌ

² Dʌmos diviacai ʌCristo Diuusi maradʌ tʌvaagiaiñdʌrʌ ʌgai gʌraagidi vaamioma istumaasi Diuusi ipʌlidi ismaatʌca aatʌmʌ. Diuusi ʌʌmadu ʌCristo idui oidigi, dai Diuusi maa Cristo vʌʌsi istumaasi oidaga.

Hebreos 1:2 Iomraidhean Croise

Mataibo 13:39

Ix makïdï ïi go basoi gobai ïr go diabora. Dai go yoobaragai gobai aagadankaiti xïïxkadï ugiti agai oidigi. Dai go pipioñi ix makïdï gayoba agai ïr tïtïañikarudï Diuxi— itïtïdai.

Mataibo 17:5

Dai kia ñokaitadai go Piduru bai ïmo ikomai iña ami xako daraja ïgai. Kabami kudaka maaxi ami go ikomai ïrana dai Diuxi ño abhai ikomai ïrañdïrï daidi itïi ïgai, —Idi Suxi ïr gin Maara dai kïïgakïrï oigïdai aanï. Kïïga bhai gin ïrhidi nïiditai gobai— itïi. —Gïn tïgito abïr kaï ñokidï ïgai tudu— ikaiti Diuxi go ikomai saagidañdïrï.

Mataibo 21:38

Dïï gia aidïxi go nunukadakami go ïxikami tïï go maradï ix ka bhodïrï imïi saidi pobai gïn tïtïdai ïgai aipakoga, —Gobai bïïtarï bii agai buxtuidadï ogadï— ikaiti. —Gï agai tïx muagi sai podukai aatïmï gïr bïïtarï biiyagi gobai— ikaiti.

Mataibo 26:63

Dai go Suxi mos dodorhi bii dai mai taadatu. Daidi go tïanïdamigadï go dadaxdadami potïtïdai aidï, —Aapi Suxi, Diuxi ïgai dai bïïxi adaama ïr xadutudikïdï. Bïïxkïrï oidaga ïgai ïïki abhiadïrï tudu dai tomarhi ïmo imidagai mai muki agai. Ïgai ïr nïijadami ix tumaxi gin aagidagi aapi xibi tudu. Dai gï tïanïi aanï xibi pïsaidi aagana aapi tami gïr nïiditai Diuxi ix bhai aapi ïr go ix makïdï Kristo aagaiña odami, sa bhai aapi ïr Diuxi otosadï bhaitï kïakami ix makïdï kïïgakïrï busaida agai go Oidakami. Gïr aagidañi ix bhai aapi ïr Diuxi Maradï tudu— itïtïdai.

Mataibo 28:18

Dai ami buidïrï ayi Suxi go mamaatïrdamigadï daidi potïtïdai, —Ka bhïiyi aanï ïmo sïïrhikami dai bïïxi adaama ïr Tïanïdami aanï tami oidigi daama dai mïï tïbagiana ïpï.

Mataibo 3:17

Dai Diuxi ño tïbagiañdïrï aidï dai potïtïdai ïgai go odami, —Idi ïr gin Maara dai sïïrhikïdï oigïdai aanï. Idi tudu ïr gin bhai ïrhiaraga— ikaiti Diuxi aagaitai go Suxi.

Markos 1:1

Idi ojai aagai Suxi Kristo Diuxi maradï. Aidï abhiadïrï xi tukamïrï pokaititadai Diuxi sai oidigi daama dibiagai Suxi aagai gobai. Idi ïr gobai ix makïdï bhai ïrhiaragai aatagi aagai aatïmï.

Markos 12:6

Daidi go tuidakami dïbïrai mos arhi ïmaduga maradï. Kïïrhi ïgai maradï dai kïï oigïdaitadai ïgai. —Otosamu aanï gin maara. Gobai gia xadïrï mai xadutuadana ïgai— as ïrhidi go tuidakami dïbïrai. Dai otoi maradï.

Markos 12:7

Dai go aatabuadami tïïgakai mos aipako gïn aatagidimi daidi ikaiti, —Gobai aba ïgai dai bïïxi aji agai go ogadï buxtuidadï. Tïtai muagi bai aatïmï gïr biïna gobai— ikaitimi ïgai.

VUAANA 1:10

Ï Kudagi tïgidukïdï ïr kïïsakami oidigi dai dibia ïgai tami oidigi daama. Dïï mos go oidigi daama óídakami mai máí dibiakai ïgai.

VUAANA 1:14

Daidi go Diuxi Ñokidï tïgidukami ïmo odami busai dai biatu tukuga ïpïamaaxkami ix makïdï bia aatïmï dai bhodïrï óídakami saagida oidatu. Sïïrhikïdï kïï tuiga ïgai dai kïïga gïr maatïturhi ix tumaxi ïr buaboi. Dai aanï Juan ix makïdï ibuayi idi ojai ïmadï jaa mui kïïga nïidi ïgai ix makïdï Diuxi Ñokidï tïgidu. Dai aatïmï ïr nïijadami xïïxi ïr gïdukami ïgai dai xïï kïï tiodi ïgai Diuxi maradïkatai. Diuxi maradï ïmadugakïdï ïgai tudu.

VUAANA 1:3

Ïgaikïdï aatadui Diuxi daidi idui bïïxi aïkatai ix tumaxi oidaga. Ï Diuxi Ñokidï tïgidukami ïr ïgai ix makïdï idui bïïxi aïkatai tudu.

VUAANA 13:3

Dïï Suxi idui ïmo maaxidaragai mai kia gï tïïgidakai ïgai. Kïïga maatïkatadai Suxi sai Diuxi gïr Oga ka maatadai gubukadagai sai tïanïna bïïxi aïkatai ix tumaxi oidaga. Dai kïïga maatïkatadai ïpï sai Diuxiañdïrï dibiatadai ïgai dai ix ka ïpamu imi agaitadai ïgai ïmadï.

VUAANA 13:32

Xibi otoma tudu gatïtïïgiada agai Diuxi ix ïr gïdukami aanï ibuadatai aanï ïmo gïdukami aaduindagai. Dai gokïdï nïijadamu odami xïïxi ïr gïdukami Diuxi ïpï— itïtïdai.

VUAANA 15:15

—Gin aaduñi— itïtïdai. —Ka mai pipioñi gïn aagai aanï. Daiñi, go ga amu bhaitoma mai aagidiña pipioñigadï ix tuma tïtïitoi ïgai dai ix tuma bïïtarï ka agai aaduindadï ix makïdï ibuayi ïgai. Dïï aapimï mai ïpïan dukamikana pipioñi. Kïïga gïn aagidiña aanï ix tuma tïtïitoi aanï dai ix tuma bïïtarï ka agai gin aaduindaga. Kïïga gïn aagidiña aanï di. Gïn aagidiña aanï go ñoki ix makïdï Diuxi gin maa gïn bïïtarï tudu. Dai kaxkïdï xibi gin aaduñi gïn aagai aanï kïïga gïn ïïmadatai— itïtïdai.

VUAANA 16:15

Daiñi, bia aanï bïïxi aïkatai ix tumaxi biakagi gin Oga dai asta tïgibudadï bia aanï ïpï. Kaxkïdï po gïn tïtïdai aanï sai aanï ïgai dai aagidamu Diuxi Ibhïgadï ixtumaxi gïn maatïtuldana bai ïgai gïn aituldamu ï galbaaxi aatagi ix makïdï aagidamu aanï— itïtïdai.

VUAANA 17:2

Aapi gin Oga gin maa sïïrhikami an sai tïanïna bïïxi oidigi daama óídakami. Dai gin maa aapi sïïrhikami ïpï sai gin gubukarhigakïdï kïïgakïrï óídakana bïïxkïrï bïïtarï bïïxi go óídakami ix makïdï gin maa aapi.

VUAANA 3:16

—Diuxi sïïrhikïdï kïïga oigïdai bïïxi oidigi daama óídakami dai kaxkïdï gin otoi ïgai aanï ix makïdï ïr Maradï ïmadugakïdï. Gin otoi ïgai an sai mukuna bai mai kona ix makïdï gin buaboitudagi dai bhaiyoma bïïxkïrï bïïtarï óídakana.

VUAANA 3:25

Daidi aidïpïrï gïn bupui ñokaitadai ïmo judiu ïmadï mamaatïrdamigadï Juan. Agaitadai ïgai ixdukatai gï agai ix gï bakuanadagi ïmoko sai Diuxi kïïgakïrï nïijadana.

VUAANA 5:26

Daiñi, Diuxi gin Oga bia gubukarhigai ix duakaltudagi odami dai gin maa ïgai gubukarhigai ix aanï duakatuldana odami ïpï Maradïkatai aanï.

VUAANA 5:27

Dai gin maa ïgai ïmo sïïrhikami ïpï. Aanï kïïgakïrï odami busai ix kaxkïdï Diuxi gin maa sïïrhikami ix aagada aanï xorai ïr kïïga ibuadami dai xorai ïr mai kïïga ibuadami ïpï— itïtïdai.

VUAANA 9:29

—Kïïga maatï aatïmï ix Diuxi ïmadï aatagaiña go Moiseskaru ïïki dïï gia mai maatï aatïmï tomarhi xajadïrï dibia go Suxi— itïtïdai.

Hechos 10:36

—Daiñi— itïtïdai, —Aapimï kïïga maatï sai Diuxi maa ïmo bhai ïrhiaragai aatagi go judidiu. Aagidi ïgai sai mosïka Suxi Kristo gamaakai urabaragai Diuxi ïmadï. Dai Suxi Kristo ïgai dai bïïxi adama ïr gatïanïdami oidigi daama.

Hechos 2:17

Karhioga ugitïkai oidigi dibiamu gin Ibhïdaga dai ïmadï daakamu bïïxi odami oidigi daama óídakami. Dai amaxi gïn maamara maaxi aagadamu gin ñoki. Dai gin Ibhïdaga soikïdamu utu iimïdami kïkïïrhi xi ïgai tïïgimu mui naana maaxi tïïtïki dukai. Dai podukai ïpï kïkïrhiodami ïpï biakamu naana maaxi tïïtïki.

Romanos 1:4

Diuxi Ibhïadï gubukadadïkïdï duakatu Suxi Kristo ïpamu gokiïrï xi muu dai podukai gïr maaxitu Diuxi sai gia ïr Diuxi maradï ïgai. Ïgai tudu ïr Gïr Nukadakami.

Romanos 8:17

Maamaradï aatïmï Diuxi tudu. Kaxkïdï xibi bïïxi go bhai ïrhiaraga ix makïdï Diuxi bhai darasakami bia Suxi Kristo bïïtarï ïr aatïmï gïr bïïtarï ïpï. Dïï gia gï agai xi soimaaxi taatagi aatïmï ïpïan dukai ix dukatai taata Suxi bai podukai gïr aiyagi ïmo xadutudaragai ïgai ïmadï ïpï.

1 Korintios 2:7

Go tïgibudagai ix makïdï aagai aanï ïr Diuxi tïgibudadï ix makïdï odami mai maatïkana ïïki abhiadïrï. Gïn aagidamu aanï ix dukatai kaatï go Diuxi tïgibudadï. Daiñi, ïïki mai kia kïkibakai oidigi Diuxi ka podukai gï tïgito dai podukai dáí saidi Suxi Kristo bhai buadana ixdukatai gïr aïna gïïpi xadutudaragai. Gobai tudu ïr Diuxi tïgibudadï ix makïdï odami mai maatïkana ïïkioma.

1 Korintios 8:6

Dïï aatïmï kïï maatï sai mos arhi ïmaduga Diuxi gïr Oga ix makïdï idui bïïxi aïkatai. Ïgai bïïtarï tudu óídaga aatïmï. Dai mos arhi ïmaduga Gïr Nukadakami ïpï dai ïgai ïr Suxi Kristo. Ïgaikïdï idui Diuxi go oidigi dai ïgai gubukarhigadïkïdï óídaga aatïmï.

Galatas 4:4

Dïï gia Diuxi maiti ipïrhidi xi pipioñi dukai óídakagi aatïmï tomarhi xi ïr arhi dukaikagi ïpï. Kaxi ïr maamaradï aatïmï kaxkïdï. Ipïrhidi ïgai xi gïgïr odamikagi aatïmï tudu bai gïr maakana ïgai bïïxi ixtumaxi gïr ajïga maamaradïkatai aatïmï. Kaxkïdï ka aïkai ixtuigako Diuxi ipïrhi aidï bhai dui ïgai gïr bïïtarï xi ka bhaigakana aatïmï xi ka biakagi ixtumaxi gïr ajïga. Otoi ïgai Maradï tami oidigi daama tudu dai ïgai ïmo kïïrhi busai. Dai biakatadai ïgai xi ïïgiadagi go sïïrhikami

Efesios 1:10

Dai Diuxi ka dáí ïmo tasai ixtuigako Suxi Kristo ïmapida agai bïïxi aïkatai ixtumaxi oidaga. Dai aïkai ïgai tasai Suxi Kristo kïïga ïmapida agai bïïxi gobai ix makïdï oidaga tïbagiïrï dai tami oidigi daama ïpï. Aidïpïrï bïïxi aïkatai ixtumaxi oidaga nïijadamu sai Suxi Kristo bïïxi adama ïr Tïanïdami.

Efesios 3:9

Gin maa ïgai aaduindagai tudu ansai maatïtuldana odami ixdukatai gï tïgitokatadai go kïïsadami oidigi ïïki abhiadïrï. Mos ïxto biakana Diuxi tïgibudadï ïkioma aidï.

Hebreos 1:5

Gobai maatiga maaxi sai bamioma gatïanïi ïgai xi bhai tïtïañikarudï Diuxi. Kaxkïdï tudu Diuxi potïtïdai sai, Aapi ïr gin Maara dai xibi aanï aagai sai gï Oga aanï, itïtïdai. Dai xadïrï potïdana ïgai ïmo tïañikarudï. Daidi ikaiti Diuxi ïpï ïïki aagaitai Maradï, Aanï ïr Ogadïkamu dai gobai ïr gin Maaraka agai, ikaiti Diuxi. Kaxkïdï gï maatï sai bamioma gatïanïi Diuxi Maradï xi bhai go tïtïañikarudï Diuxi.

Hebreos 1:8

Dïï gia gïïpi ïma dukai aagidi ïgai Maradï. Gïïpi bamioma namïakami aa ïgai tudu dai kaxkïdï potïtïdai sai, Aapi in Maara ïr Diuxi dai aapi gia bïïxkïrï bïïtarï biakamu sïïrhikami ix gatïanïda aapi ïmo gïï rey dukai, itïtïdai. Daidi ikaiti Diuxi ïpï aagaitai ïgai, Gin Maara gia kïïga sïïrhi aatabuada agai gatïanïitai ïgai, ikaiti.

Hebreos 11:3

Daiñi, buaboitudai aatïmï Diuxi dai kaxkïdï kïïga maatï aatïmï sai go ïï ñokidïkïdï idui ïgai bïïxi ixtumaxi. Bïïxi ixtumaxi nïidi aatïmï idui ïgai tudu. Aidïpïrï mai tipukatadai kia bïïxi gobai ix makïdï nïidi aatïmï aipakoga xibi. Dai mos ño ïgai bai oidatu bïïxi gobai.

Hebreos 2:3

Dïï gia go utudui ñoki aagaitai go kïïgakïrï bubaidaragai bamioma namïga xi bhai go sïïrhikami ïkidadï. Gïr Nukadakami ix makïdï adaama namïga ïgai dai gïr aiturhi go utudui ñoki tudu dai mai xu xi go tïtïañikarudï ïgai dai gïr aiturhi gobai. Kaxkïdï bamioma namïga go utudui ñoki xi bhai go sïïrhikami ïïkidadï. Diuxi Maradï ïgai dai xibiapioma gïr aiturhi go utudui aatagi tudu aagaitai go kïïgakïrï bubaidaragai. Dai naana maaxi oidaga maaxidaragai saidi ïr buaboi aatagidï Suxi Kristo. Daiñi, kaxi gïr aagidakai ïgai go utudui aatagi bai go odami ix makïdï kaïkana kïïga gïr aagidiña ïpï saidi ïr buaboi gobai. Dai Diuxi ibuadana naana maaxi maaxidaragai ïpï sai podukai ïpï maatïkana aatïmï saidi ïr buaboi go utudui aatagi. Dai ïkobïrakoga xïïxkadï ipïrhiadagi Diuxi gamamaakai ïgai naana maaxi gubukarhigai go odami ix makïdï buaboitudai go aatagi ïpï. Diuxi Ibhïadï ïgai dai mamaakai go naana maaxi gubukarhigai buaboitudadami tudu. Dai nïiditai aatïmï sai go buaboitudadami biakana gubukarhigai Diuxi amadïrï saidi ibuada ïgai naana maaxi aaduindagai, gokïdï maatï aatïmï saidi ïr buaboi go aatagi ix makïdï buaboitudai ïgai ïpï. Naana maaxikïdï gï maatï saidi ïr buaboi go aatagi tudu. Sïïrhikïdï namïga go ñoki aagaitai go kïïgakïrï bubaidaragai tudu. ¿Kaxkïdï dukatai kïïgakïrï bubuakïna aatïmï ix mai buaboitudagi aatïmï? Gïr Nukadakami ïgai dai gïr aiturhi gobai di.

Hebreos 4:14

Dïï gia Suxi Kristo ïr gabhaitïkïakami dadaxdadami gïr bïïtarï, ïgai tudu ix makïdï ïr Diuxi Maradï. Dai ka ayi ïgai amïka buidïrï Diuxi dai ami bhai dui gïr bïïtarï mai kïï ibuadatai aatïmï. Kaxkïdï gï agai xi mai ugutai aagada aatïmï gïr buaboidaraga aipakoga.

Hebreos 5:8

Suxi Kristo ïr Diuxi Maradï tudu dïï bïïxkïrï sïïrhikïdï soimaaxi taata ïgai. Dai soimaaxi taatakai ïgai máí kïïgakïrï ixtumaxi ïr ïïgidaragai Diuxi.

Hebreos 7:28

Go kïkïïrhi ix makïdï ïr dadaxdadamikana ix dukatai aagaiña go Moises sïïrhikamigadï ïgai mai gupukana. Mos ïr odamikana ïgai ïpïan dukai toma xorai tudu. Dïï gia gokiïrï Diuxi aagai ïmo xadutudaragai ñoki ix makïdï daamioma namïga xi bhai go Moises sïïrhikamigadï. Dai go xadutudaragai ñokikïdï dáí ïgai ïïgi Maradï saidi ïr dadaxdadamikana. Diuxi Maradï tudu ïr go kïïgadukïdï bhaitï kïakamigadï go dadaxdadami. Dai ïgai bïïxkïrï bïïtarï oidaka agai.

Hebreos 7:3

Dai maiti gï maatï xorai ïr dïïdïdïkatadai go Melkisedek ïpï dai tomarhi xorai ïr aaduñdïkatadai ïkidadï. Mai taadaga xïkidï busai ïgai tomarhi xïkidï muu ïpï. Bïïxkïrï bïïtarï ïr dadaxdadami ïgai tudu ïpïan dukai Suxi. Ïpïan dukami ïgai Maradï Diuxi tudu ix makïdï bïïxkïrï bïïtarï ïr dadaxdadami tudu.

Hebreos 9:26

Dïï gia Suxi Kristo aaduindadï ix makïdï idui ïgai mai ïpïamaaxi go ïïkidadï dadaxdadami aaduindadï. Xi ïpïamaaxkamudai gobai aidï gia biakmudai Suxi xi dudatai ibuadagi daxdaragai aidïxi abhiadïrï kïïkiba go oidigi asta xibi ukami. Dïï gia mai pomaaxi Suxi Kristo aaduindadï tudu. Ïgai gia mosïkaxi ïmo imidagai dibia tami oidigi daama xibi ka ugiti agaitai oidigi. Dai aidïxi dibia ïïgi gï dáí ïgai ïmo daxdaragai dukai mosïkaxi ïmo imidagai dai podukai maigobai dáí ïgai gïr soimaaxkamiga bïïxkïrï bïïtarï.

1 Pedro 1:20

Ka ïki abhiadïrï ka podukai gï tïgitokatadai Diuxi sai Suxi Kristo ïgaika agai dai kïïgakïrï gïn bubaida agai. Ka podukai dáítadai ïgai mai kia idunakai oidigi tudu. Dïï gia asta utudami xibiapioma dibia go Suxi karhioga ugiti agaitai oidigi. Dibia ïgai kïïgakïrï gïn bubaida agaitai tudu.

2 Pedro 3:3

Gin aaduñi, sïïrhikïdï gï agai sai maatïkagi aapimï sai xïïxkadï karhioga dibia agadagi Suxi Kristo ïpamu sai oidaka agai odami ix makïdï adaimu agai ïïgi bhai ïrhiaradï ïïgiditai ïgai ïïgi soimaaxi tïgibudadï dai parunada agai ïgai gïr buaboidaraga.

Udaxi 1:18

Ïkiaxdïrï gïn aagidi ïgai sai xïïxkadï karhioga ugiti agadagi oidigi saidi oidaka agai mui parunadami. Ïgai adaimuda agai ïïgi bhai ïrhiaradï ibuadatai ïïgi ixtumaxi bhai ïrhiadagi ïgai. Po kaiti go ojotosadï Suxi Kristo baasïkioma tudu dai ipïrhidi aanï saidi gïn tïgitokagi aapimï gobai.