Genesis 9:6 - Northern Tepehuan Bible

⁶ —Mosïka odami ïgai dai gin ïpïamaaxi idui aanï tudu. Go gaa ix makïdï idui aanï maiti gin ïpïamaaxi idui aanï. Kaxkïdï arhiïxi ïr gïïpi soi maaxkami xi gamuagi ïmo odami. Dai Kaxkïdï ïpï ix gamuagi ïmo odami jaa odami gï agadamu xi aa noraidagi dai popoidagi iibhïadï go ix makïdï gamua— itïtïdai Diuxi.

Genesis 9:6 Iomraidhean Croise

Genesis 4:14

—Kaxi gin busaidimi aapi Gïr Nukadakmi tami idi dïbïraiñdïrï. Dai ka ïxto aimïradamu aanï aipakoga xi maiti gin nïijadagi aapi. Ka mai biakamu aanï gin ibhïxtaraga— itïtïdai. —Dai xorai gin tïïgiagi mos in mua agadamu gin tïïgakai— itïtïdai go Kain.

Exodo 20:13

Maiti gï agai mïxi ïr gamuakamikagi.

Mataibo 26:52

Daidi Suxi ñokidi ïgai ix makïdï busaitutadai maxtaigadï daidi potïtïdai, —Cho. Gï kubiertagana kïïsa gï maxtaiga. Daiñi, xorai maxtaikïdï gamuagi sai aadïrï gï muatuda agai ïgai maxtaikïdï ïpï— itïtïdai.

Romanos 13:4

Go dudunukami ïr pipioñigadï Diuxi tudu dai bia sïïrhikami xi ibuadagi ixtumaxi ïr soiñi gïn bïïtarï. Dïï gia xi soimaaxi buadagi aapimï aidï gia gï agai xi duduadikudagi aapimï. Diuxi maa sïïrhikami go dudunukami xi gïgïbituldagi ïgai soimaaxi buadami kaxkïdï. Podukai gatïtïïgidiña ïgai xïï kabami bhaamukui Diuxi soimaaxi buadami bui.

1 Korintios 11:7

Dïï gia kïkïïrhi maiti gï agai ix iñapikagi momodï gadaanïitai Diuxi xiïpï aagaitai Diuxi ñokidï. Kaxkïdï tudu kïkïïrhi ïpïamaaxi duñixi Diuxi dai maaxitudai ïgai xïïxi ïr gïdukami Diuxi mai iñapikatai momodï. Dai go oki kïïrhiañdïrï busai sai maaxitudana xïïxi ïr gïdukami ïgai. Kïïrhiandïrï idui Diuxi go oki tudu dai mai xu ix okiañdïrï idui ïgai go kïïrhi.

Santiago 3:9

Ïïmo imidagai kïïga xadutuadan kaitiña odami Diuxi dai bhodïrï laachkïdï ïgalbaaxi odami galnaaxi ñokaiña buidïrï jaa odami ix makïdï Diuxi idui. Galnaaxi ñokaiña ïgai buidïrï jaa odami tomaxi Diuxi idui go odami sai ïpïamaaxkana ïgai Diuxi tudu.

Apokalipsis 13:10

Daiñi, ka podukai dáí Diuxi sai ïgai aa noraidamu odami ix makïdï soi buidadagi buaboitudadami. Diuxi maixatuda agai xorai gamaixagi dai xorai gakodagi maxtaikïdï podukai biakamu xi mukiagi ïpï. Ka podukai dáí Diuxi kaxkïdï. Dai kaxkïdï gï agai xi buaboitudadami gïn kabakadagi dai apia buaboitudadagi tomaxi soi buidadagi jaa. Kïïga gï maatï sai Diuxi aa noraidamu ixtumaxi idui ïgai kaxkïdï.