Genesis 6:9 - Northern Tepehuan Bible

⁹ Xibi aagamu aanï go Noé. Go Noé kïï tuigakana dai kïï ïïgidiña Diuxi. Aidïpïrï go ïï Noé ïgai dai ïïgidiña Diuxi. Maigobai mai tipukatadai ïmai xorai ïpïandukai biakagi tïgibudagai.

Genesis 6:9 Iomraidhean Croise

Genesis 17:1

Ïmo imidagai aidïxi ka biakatadai Abram maakokobhai dan bhaibuxtama dan tuxtama umigi sai gï maaxitu Gïr Nukadakami buidïrï ïgai daidi potïtïdai, —Aanï ïr Diuxi. Dai aanï ïgai dai bïïxi adama ïr gubuakami. Gï agai ix gin ïïgiadagi aapi dai kïï buañixikan dukai oidakagi— itïtïdai.

Genesis 2:4

Podukai idui Diuxi go tïbagi ïmadï oidigi. Tukamïrï aidïxi Diuxi Gïr Nukadakami utudami idui go tïbagi ïmadï oidigi sai mai kia otoitadai ïgai duki dai mai tipukatadai kia xorai aatabuadagi dïbïraïrï. Kaxkïdï mai tipukatadai ïxikami kia dai tomarhi basoi.

Genesis 5:22

Go kïïrhi Enok tïgidukami kïï kaidakana, kïï ïïgidarakan dukai ïgai Diuxi. Ïgai maara ïmo kïïrhi Metusalen tïgidukami ka biakatai baikobhai dan taama umigi. Dai bhodïrï ka kïkibakai go Metusalen bhodïrï bhaitiakoga kia oidakatadai go Enok ïpï baika ciento umigi dai maamara ïgai aarhi bamioma.

Genesis 5:24

Dai bhodïrï Diuxi modukai duakakami baidaja go Enok dai ka mai tiputa ïgai oidigi dama. Kïï ïïgidiña ïgai Diuxi tudu dai kaxkïdï baidaja ïgai.

Genesis 6:10

Dai Noé maamara baika kïkïïrhi. Ïmoko Sem tïgidu dai ïmai Kam dai ïmai Jafet.

Genesis 7:1

Bhodïrï Gïr Nukadakami itïtïdai Noé, —Mosïkaxi aapi Noé ïgai dai gin ïïgidi gin kaï. Go gaa maigobai maiti gin ïïgidi tomarhi ïmadutai. Kaxkïdï ipïrhidi aanï pïxi baakiagi barko ïraana ïmadï gï oñiga dai gï maamara dai gï kaakaxdïïdï— itïtïdai.

Lukas 1:6

Dai kïï tutiakatadai go Zakarias ïmadï Elisabet Diuxi buidïrï kïïga ïïgiditai ïgai ixtumaxi tïjai Diuxi. Podukai óídakaiña ïgai tudu bïïxkïrï xi kaxkïdï mai tipukatadai ixtukïdï gïpiïrï bupadagi jaa.

Lukas 2:25

Dai ami Jerusalenïrï oidakatadai ïmo kïrhiodami Ximuñi tïgidukami. Kïï tuiga ïgai dai kïïga ïïgidiña ïgai Diuxi. Dai nïnïrakatadai ïgai sai dibiana Diuxi Otosadï dai sai kïïgakïrï bubaidana ïgai go Israelitas. Dai Diuxi Ibhïadï ïmadï dakatadai go Ximuñi

Lukas 23:50

Dai oidakatadai ïmo kïïrhi Jose tïgidukami. Kïï tuigatadai ïgai dai kïï sïïrhi ibuadana. Ïmo gabhaitïkïakamigadï ïgai go judidiu. Dai ïgai gia mai bhai aatadai aidïxi go gaa bhaitï gukakamigadï go judidiu bhai dui ñoki ix mua agai go Suxi. Arimateïrï oidakamikatadai go Jose ix makïdï Judea munisipiïrï bipiïyi. Dai kïï buaboidaitadai ïgai sai Diuxi otsa agaitadai ïmo rey sai tïanïna tami oidigi daama.

Hechos 10:22

Daidi go kïkïïrhi itïtïdai aidï, —Ojotosadï aatïmï go kapitañi Kornelio— itïtïdai. —Go Kornelio kïï xadutudai Diuxi. Dai bïïxi go judidiu kïï tuigakami aagai ïgai— itïtïdai. —Dai ïmo Diuxi tïañikarudï aagidi go Kornelio sai gï baidana pïsai imïna kiidïrï dai maakana aapi ñoki— itïtïdai kïkïïrhi.

Romanos 1:17

Go bhai ïrhiaragai aatagi ïgai dai gïr tïtïgidi ix tuma dui Diuxi bïïxi odami bïïtarï bai Diuxi kïïgakïrï nïijadana bïïxi ix makïdï buaboitudai. Mos go ïï buaboidaragaikïdï kïïgakïrï bipiïyi odami Diuxi ïmadï. Podukai tudu ojixikatadai ïki Diuxi ñokidïrï. Go ojai ikaiti, —Go odami ix makïdï Diuxi kïïgakïrï nïidi kïïgakïrï óídaka agai buaboidatai ïgai— ikaiti ojai.

Galatas 3:11

Kïïga gï maatï tudu sai tomarhi ïmo odami mai bhaiga xi bïï sudakami ïïgiadagi go sïïrhikami dai kïï biyagi Diuxi ïmadï. Dïï gia Diuxi ojadï ïma dukai aagai. Ami ikaiti sai, Kïïgakïrï óídaga go odami ix makïdï Diuxi kïïgakïrï nïidi mos buaboitudakai ïgai, ikaiti go ojai.

Hebreos 11:7

Go Noékaru kïïga buaboitu Diuxi ïpï xïxkadï Diuxi aagidi sai dupitulda agai go oidigi sudagikïdï. Dai tomaxi mai kia nïiditadai ïgai tomarhi ïmo imidagai ix dupikïdagi oidigi bïïxkïrï buaboitu ïgai Diuxi. Duadimuka antaadatu ïgai tudu gï tïgitokatai xïïxi ïr gïdukami Diuxi dai kïïga buaboidaitai ïïgidi. Kaxkïdï idui ïgai go gïï barko ixtukïdï kïïgakïrï busai ïgai ïmadï modukai aaduñdï. Kïïga buaboitu ïgai Diuxi tudu dai kaxkïdï kïïga ïïgidi. Dai podukai maaxiko aa ïgai ix go gaa oidakami oidigi daama kabami ïr soimaaxi ibuadami mai buaboidaitai ïgai Diuxi. Dïï go Noé gia buaboitu Diuxi dai kaxkïdï buañixikami bii ïgai Diuxi bïïtarï.

2 Pedro 2:5

Dai mai oigïrhi Diuxi go soimaaxi ibuadami ix makïdï óídakatadai aidïxi sudaïrï dupiturhi ïgai oidigi ïpï. Aidï kïïgakïrï busaitu ïgai go Noé ix makïdï aagidiña go óídakami sai gï agaitadai xi kïï sïïrhi ibuadagi dai ïïgiadagi Diuxi. Dai kïïgakïrï bubaitu Diuxi kubarakami aaduñdï Noé ïpï dai mosïkaxi. Dai go gaa óídakami bïïxi bhaikoi go sudagiïrï ix makïdï otoi Diuxi bïïxi oidigi daama.