Genesis 6:17 - Northern Tepehuan Bible

¹⁷ Daidi itïtïdai ïpï —Aanï sudaïrï dupituda iñagai bïï sudakami go oidigi dai bïï ugitimu go ix makïdï ibhïkïi oidigi dama. Bïï naato kodamu aanï— itïtïdai.

Genesis 6:17 Iomraidhean Croise

Genesis 2:7

Bhodïrï Diuxi Gïr Nukadakami idui ïmo kïïrhi dïbïraikïdï dai buxta dakadïrï bai abhiadïrï ka ibhïiba kïkiba ïgai.

Genesis 6:13

Dai bhodïrï Diuxi potïtïdai go Noé sai, —Ka buana iñagai oidigi dai ka mai biamu aanï oidakami. Bïï naato kodamu aanï odami oidigi dama xïïxi oidaga. Arhiï mai xadutudakai óídaga ïgai tomarhi ïmadutai— itïtïdai Diuxi.

Genesis 6:16

—Baiko daamarhikami iduñi go barko— itïtïdai. —Dai ïmo padïrï kïïxidañi kuuparadï. Dai bhodïrï ïpïabidañi damanadïañdïrï tajukami metro koidamakoga dai ami kïïxida ïmo bentana— itïtïdai Diuxi.

Genesis 6:7

Daidi itïi ïgai —Xibi gia bïï naato xia duadamu aanï odami ix makïdï idui aanï ïmadï modukai kiiyïrï buxtaki dai oidigana buxtaki dai asta go kïkïixi bïïxi ïmadï ujurugi. Xioma ïr kïïgaikamudai ix maiti iduñimudai aanï— itïi ïgai.

Genesis 7:4

Bhodïrï Gïr Nukadakami itïtïdai, —Xibi abhiadïrï kubarakami tasaikïdï otosamu aanï duki. Dai gokobhai tasai duduki agai tasïrï dai tukarï. Dai bïï naato xia duadamu aanï makïdï idui aanï oidigi dama ajiopadami— itïtïdai.

Genesis 9:9

—Xibi aanï gin baasaka sai maiti gïn xia duadamu aanï ïpamu sudagikïdï. Tomarhi aapimï, tomarhi gïn maamara dai gïn piipixara, tomarhi go buxtaki dai kïkïixi dai ujurugi ix makïdï gïn ïmadï iimïitadai barko ïraana. Mos apia bïïxkïrï kïïgadu ka agai idi gin ñoki dai kaxi ïr buaboi ka agai. Ka mai ïpamu xia duadamu aanï oidigi podukai sudagikïdï— itïtïdai Diuxi.

Exodo 14:17

—Aanï maakimu tïgibudagai go Ejipituana sandadaru xi ïgai mos aapia gïn adiadamu. Dai aidï gia naato xia duadamu aanï go Ejipituana Rey ïmadï sandadarugadï dai sosoigadï dai nïidamu aapimï xïï gubuka aanï— itïtïdai. —Aidï gia bïïxi go Ejipituana óídakami maatïkamu xi aanï ïr Nukadakami— itïtïdai Gïr Nukadakami Moises.

Lukas 17:27

Aidï mai buamï ïrhidiña óídakami ix dibiagi gïgïbidaragai dai mos gakuadana ix dukai ibuadana bïïx tasai dai gaïmadï bipiïyiña dai gamamaakaiña maamaradï oki sai gaïmadï bipiïyiña ïgai ïpï. Mai buamï ïrhidiña ïgai tudu asta aidïxi baa go Noé barko ïrana dai sudaïrï dupi go oidi dai bïïxi koi go óídakami. Pomaaxi óídakamu óídakami dibiakai aanï ïpamu ïpï— itïtïdai.

Romanos 5:21

Ïkioma go soimaaxkami tïanïiña bïïxi óídakami gïr buapidakai gobai mukigami. Dïï gia xibi Diuxi gïr tïtïïgidi xïï kïï tuiga ïgai. Xibi Suxi Kristo Gïr Nukadakami bhai dui gïr bïïtarï sai Diuxi kïïgakïrï gïr nïijadana dai sai aatïmï kïïgakïrï óídakana bïïxkïrï bïïtarï ïpï.

Romanos 6:23

Go soimaaxkami maitïkidï ïr go ïï mukigami tudu. Dïï gia Diuxi gïr maakai ïmo oidaragai. Ïgai gïr maakai ïmo kïïgakïrï oidakaragai bïïxkïrï bïïtarï tudu bïïnakatai aatïmï Gïr Nukadakami Suxi Kristo.

Hebreos 11:7

Go Noékaru kïïga buaboitu Diuxi ïpï xïxkadï Diuxi aagidi sai dupitulda agai go oidigi sudagikïdï. Dai tomaxi mai kia nïiditadai ïgai tomarhi ïmo imidagai ix dupikïdagi oidigi bïïxkïrï buaboitu ïgai Diuxi. Duadimuka antaadatu ïgai tudu gï tïgitokatai xïïxi ïr gïdukami Diuxi dai kïïga buaboidaitai ïïgidi. Kaxkïdï idui ïgai go gïï barko ixtukïdï kïïgakïrï busai ïgai ïmadï modukai aaduñdï. Kïïga buaboitu ïgai Diuxi tudu dai kaxkïdï kïïga ïïgidi. Dai podukai maaxiko aa ïgai ix go gaa oidakami oidigi daama kabami ïr soimaaxi ibuadami mai buaboidaitai ïgai Diuxi. Dïï go Noé gia buaboitu Diuxi dai kaxkïdï buañixikami bii ïgai Diuxi bïïtarï.

2 Pedro 2:5

Dai mai oigïrhi Diuxi go soimaaxi ibuadami ix makïdï óídakatadai aidïxi sudaïrï dupiturhi ïgai oidigi ïpï. Aidï kïïgakïrï busaitu ïgai go Noé ix makïdï aagidiña go óídakami sai gï agaitadai xi kïï sïïrhi ibuadagi dai ïïgiadagi Diuxi. Dai kïïgakïrï bubaitu Diuxi kubarakami aaduñdï Noé ïpï dai mosïkaxi. Dai go gaa óídakami bïïxi bhaikoi go sudagiïrï ix makïdï otoi Diuxi bïïxi oidigi daama.