Genesis 6:11 - Northern Tepehuan Bible

¹¹ Maigobai go gaa go ïï buirudagai maaxi ibuadana buidïrï Diuxi. Dai bïï aipako mai tipukatadai xadutudaragai.

Genesis 6:11 Iomraidhean Croise

Genesis 13:13

Go Sodomïrï óídakïdï sïïrhikïdï mai kïï tutuiga dai gïïpi galnaxi ibuadana Gïr Nukadakami buidïrï.

Genesis 6:10

Dai Noé maamara baika kïkïïrhi. Ïmoko Sem tïgidu dai ïmai Kam dai ïmai Jafet.

Genesis 7:1

Bhodïrï Gïr Nukadakami itïtïdai Noé, —Mosïkaxi aapi Noé ïgai dai gin ïïgidi gin kaï. Go gaa maigobai maiti gin ïïgidi tomarhi ïmadutai. Kaxkïdï ipïrhidi aanï pïxi baakiagi barko ïraana ïmadï gï oñiga dai gï maamara dai gï kaakaxdïïdï— itïtïdai.

Exodo 32:7

Dai Gïr Nukadakami itïtïdai go Moises, —Mïïka nïida gï aaduñi mïï taana ix makïdï Ejiptuañdïrï bubaitu aapi. Kaxiata gïpiïrï gïn surhi ïgai ïïgi— itïtïdai.

Lukas 1:6

Dai kïï tutiakatadai go Zakarias ïmadï Elisabet Diuxi buidïrï kïïga ïïgiditai ïgai ixtumaxi tïjai Diuxi. Podukai óídakaiña ïgai tudu bïïxkïrï xi kaxkïdï mai tipukatadai ixtukïdï gïpiïrï bupadagi jaa.

Romanos 2:13

Diuxi kïïgakïrï nïidi odami ix makïdï kïïgakïrï ïïgidi sïïrhikamigadï tudu. Dai mai xu kïïgakïrï nïidi ïgai ix makïdï mos kaïkana dai mai ïïgidiña.

Romanos 3:19

Dai kïïga maatï aatïmï sai Diuxi maa sïïrhikamigadï baidi kïïga ïïgiadagi xorai biakagi. Diuxi kabami gïgïbitulda agai bïïxi ix makïdï mai ïïgiadagi gobai dai ïgai mai biakamu ixtukïdï ñokadagi. Go sïïrhikamikïdï tudu gï maatï sai bïïxi oidigi daama óídakami ïr soimaaxi buadami.