Genesis 42:15 - Northern Tepehuan Bible

^15-16 —Adukai maatïkamu aatïmï xi bhai maiti ïr buaboi. Daiñi— itïtïdai. —Ka mai iimimu aapimï tabhiadïrï asta dibiakai gïn sukurhi— itïtïdai. —Otosamu aapimï ïmoko sai mïïkadïrï buapana gïn sukurhi dai go gaa maamaixamu aanï. Podukai nïidamu aatïmï sa bhai ïr buaboi sai bia aapimï ïmoko gïn sukurhi. Ix maiti ïr buaboika gobai aidï gia ïr buaboi sai gïr buidïrï surhigia ïrhidi aapimï— itïtïdai Jose. —Ka aagai aanï dai go Rey ïgai dai gin maa gubukadagai ix potïdagi— itïtïdai.

Genesis 42:15 Iomraidhean Croise

Genesis 42:12

—Yaataboga aapimï— itïtïdai Jose. —Mos dada aapimï dai nïida ïrhidi xajadïrï kïï gïr buidïrï aiyagi aapimï ïmadï gïn aaduñi— itïtïdai.

Genesis 42:14

—Ïï kaxi ïr buaboi ix dukai aagai aanï. Gïr buidïrï surhigia ïrhidi aapimï ïmadï gïn aaduñi— itïtïdai Jose.

Genesis 42:20

—Bhodïrï abïr bhaigo buapa gïn sukurhi. Ix buapagi aapimï gïn sukurhi aidï gia kaxi gï maatïkamu xi kïïgakïrï buaboi aagai aapimï xi ïr kïï tutiakami aapimï. Dïï ix mai buapagi aapimï gïn sukurhi gïn kodamu aatïmï— itïtïdai Jose. Dai xixïgidï bhai aa podukai. Dai iji ïgai Ejiptuañdïrï dai bhïkai kuadagai aaduñdï amïka Kanaanïrï. Dai ïmoko ïgai maixakaruana bii Ejipituana.

Genesis 42:7

Dai Jose oton máí xixïgidï bai xixïgidï mai máí. Dai go Jose bhagaididan dukai ñokidi daidi potïtïdai, —Madïrï oidakami aapimï— itïtïdai. —Kanaanañdïrï oidakami aatïmï. Mïïkadïrï dada aatïmï dai sabïda rïrhidi tïrhigi— itïtïdai xixïgidï.

Genesis 43:3

Dai go Juda itïtïdai ogadï, —Go dunukami arhiïxi gïr aagidi xi mai dïgabuña aatïmï gamoko ix maiti gïr oijada gïr sukurhi— itïtïdai. —Ix gïr ïmadï otosa aapi gïr sukurhi Benjamin gia ka aidï iimïda aatïmï dai gasabïdagi tïrhigi. Ïma dukai gia cho— itïtïdai go Juda.

Santiago 5:12

Gin aaduñi Diuxi amadïrï, xibi gïn aagidamu aanï ïmo ñoki ix makïdï sïïrhikïdï gï agai ix kaïkagi aapimï. Daiñi, xïïxkadï gïn bapasadagi ix iduñi agai ixtumaxi mosïkaxi abïr ikaitiada sai, —Ïjï iduñimu aanï—. Dai maiti gï agai sai arastudagi aapimï jaa ñoki. Maiti gï agai xi jaa ñokikïdï maaxituda ïrhiada aapimï sai buaboikïdï iduña agai aapimï tudu. Dukami, maiti abïr aagadagi sai Diuxi ïr nïijadami saidi iduña agai aapimï. Dai maiti gï agai xi aagada aapimï ïpï sai ixtumaxi tami idi oidigi daama oidaga ïr nïijadami saidi iduñimu aapimï ïpï. Ix iduña agadagi aapimï aidï gia mosïkaxi, —Ïjï iduñimu aanï— abïr ikaitiada dai mosïkaxi. Dai ix maiti iduña agadagi aapimï, aidï gia bhaiyoma mosïkaxi, —Cho maiti iduñimu aanï— abïr ikaitiada. Ïma dukai gïpiïrï surhigimu aapimï Diuxi buidïrï tudu.