Genesis 41:8 - Northern Tepehuan Bible

⁸ Bhodïrï xadiko ka mos duadimukan taadaga ïgai tïïtïitoitai go tïïtïkidï. Dai báí ïgai bïïxi go adibino ïmadï go mamaatïkami ix makïdï oidaga ami Ejipituana. Dai go Rey aagai tïïtïkidï dïï mai tipukatadai xorai aagagi ix tuma bïïtarïtadai tïïtïkidï. Dïï gia kajioma go Rey sai maixakaruana daja go Jose dai sai kïï maatï aagagi ix tuma bïïtarï tïïtïkidï odami.

Genesis 41:8 Iomraidhean Croise

Genesis 41:15

Dai go Rey potïtïdai go Jose, —Tïïtïkimi aanï dai mai tipu xorai gin aagidagi ix tuma bïïtarï go tïïtïki. Kajioma aanï sai aapi gia maatï aagagi ix tuma bïïtarï gïr tïïtïki— itïtïdai.

Genesis 41:7

Dai go ix makïdï soimaaxikatadai muradadï go tïrhigi bïï ugiuju go ix makïdï kïï iibhaidaga. Dai nïnïa go Rey ïpamu dai ka tïgito ix mos tïïtïkimi ïgai.

Mataibo 2:1

Podukai busai Suxi ïmo arhi kiiki Belen tïgidukamiïrï ix makïdï Judea munisipiïrï bipiïyi. Aidïpïrï go Herodes ïr Reykatadai Jerusalenïrï dai aidïpïrï ïpï ami Jerusalenïrï ayi mamaatïkami xarhi utapadïrï óídakami.

Hechos 17:18

Dai ïïmadutai go ix makïdï kaï aatagidï ïr mamaatïtuldiadami jaa buaboidaragai ix makïdï epikureo dai estoiko tïtïgidukana buaboidaragai. Ïgai bui ño go Pabora aidï daidi ikaiti, —Go Pabora mai maatïtai ñokai— ikaiti. —Mai maatï aatïmï ixtumaxi gïr aagida ïrhidi gobai— ikaiti. Dai jaa ikaiti, —Gïr aagidadankaiti kaiti gobai xibhïadïrï óídakami diuxigadï— ikaiti. Go Pabora aagidiña aidï sai mutadai Suxi dai ka duakatutadai ïpamu, xi gokïdï go odami pokaititadai sai ïmai diuxi aagaiña ïgai.

Hechos 7:22

Bai podukai gïrakai go Moises bïïxi máítadai ïgai aaduindadï go Ejipituana óídakami. Dai kïï saitudagakana ñokaragai bïïtarï dai aaduindagai bïïtarï ïpï.

1 Korintios 1:19

Daiñi, Diuxi ojadïrï ikaiti, Aanï Diuxi gajiadïrï biamu odami tïgibudadï ix makïdï sastudakami gïn ïrhidi ïïgi ïgai. Mai namïakami dukai biamu aanï tïgibudadï ïgai tudu, ikaiti Diuxi.