Genesis 41:46 - Northern Tepehuan Bible

⁴⁶ Ïmokobhai dan bhaibuxtama umigi biakatadai go Jose dai bhïiyi sïïrhikami abhana go Rey. Dai bhodïrï go Jose diosagi go Rey dai mos aipako aimïradan buadana ami Ejipituana.

Genesis 41:46 Iomraidhean Croise

Genesis 37:2

Idi ojai aagai aaduñdï go Jakobo. Ïmadutai go oki ix makïdï Jakobo ïmadï dakatadai Bhilka tïgidu dai ïmai Silpa. Maamaradï go Bhilka ïmadï Silpa nukadakana Jakobo sosoigadï kañiñiru dai Jose soikïiña. Go Jose ïr maradï go oki Rakel tïgidukïdï ix makïdï ïmadï dajatadai go Jakobo ïpï. Aidï go Jose biakatadai bhaibuxtama dan kubarakami umigi. Dai xudu mai kïï buadana xixïgidï sai Jose mïï aagidiña ogadï.

Genesis 41:47

Bhodïrï kubarakami umigi kïï bhai gï dui ïjïxikami dai kïï gïïpigakatadai kuadagai.

Genesis 42:8

Dai go Jose gia kïï máí xixïgidï dai go xixïgidï ïgai gia maiti máí go Jose.

Genesis 45:6

—Ka daibusai goka umigi dai kia biïga ïpï taama umigi xi mai kia bhai gï duña agai ïjïxikami toma lïïchi— itïtïdai.

2Sa 5:4

Go Dabid biakatadai ïmokobhai dan bhaibuxtama umigi aidïxi bhïiyi gubukadagai dai gokobhai umigi aïkami daiba ïgai.

Lukas 21:36

—Kïïga abïr nïnïasïrhiakami dukai óídaka bïïx tasai tudu. Dai bïïxkïrï abïr daanïda Diuxi sai podukai buiya aapimï gubukarhigai. Podukai kïïgakïrï bubuakimu aapimï go soi ïrhiaragaiñdïrï ix makïdï daibuña agai tami oidigi daama. Podukai kïïga mai xaïraitai gukakamu aapimï gin buitapi. Aanï in buitapi tudu ix makïdï ïr otosadï Diuxi dai ïmo kïïrhi busai— itïtïdai Suxi go mamaatïrdami gamaakaitai ñoki.

Lukas 3:23

Aidïxi gï aaga gaatadui Suxi go odami saagida ka biakatadai ïgai ïmokobhai dan bhaibuxtama umigi. Dai go odami po gïn ïrhidiña sai go Jose ïr ogadïkatadai. Kaxkïdï ojamu aanï xorai ïr piipixaradïkatadai go Jose. Go Jose ïr maradïkatadai go Elí.

Udaxi 1:24

Gïn aaduñi, mosïka arhi ïmaduga Diuxi dai ïgai bhai dui go kïïgakïrï bubaidaragai gïr bïïtarï Suxi Kristokïdï ix makïdï ïr Gïr Nukadakami. Kïïga ixtutuidikïi Diuxi ix gïn nukadakagi dai gïn soikïdagi sai mai dagitoagi aapimï gïn buaboidaraga sai podukai mai gïpiïrï surhigiagi aapimï. Dai kïï bhaiga ïgai sai bhai gïn buadagi saidi kïïga bhai ïrhiarakïdï gukakagi aapimï ami xako kabami totoarïi buitapi Diuxi. Kabami totoarïi Diuxi tudu mos ïï kïïga xigiamaaxkatai ïgai dai mos ïï kabami gubuakatai ïgai ïpï. Kïïga ixtutuidikïi ïgai ix bhai gïn duñagi sai mai biakagi aapimï toma lïïchi soimaaxkami gïn abhana dai bhodïrï baan gïn tutusamu ïgai ami buitapi ïgai ka kïïga bhai gïn dunakai ïgai.