Genesis 41:43 - Northern Tepehuan Bible

⁴³ Dai go Rey gatïjai sai tïsadïna Jose karogadïrï go sonoïrï kïakamigadï go Rey ix makïdï gï bapainxïkïi kaapayukïdï. Dai xudu karoïrï imïdana Jose sai bhaitï imïiña odami dai iiñokidiña go gaa odami daidi ikaitiña, —Kuikiburai aapimï odami— ikaitiña ïgai. Podukai gabhaitïkïakami kïkiba Jose ami Ejipituana.

Genesis 41:43 Iomraidhean Croise

Genesis 41:42

Daidi go Rey bhïiyi aniyugadï biakami go seyu ixtukïdï namïakan kïakana aaduindadï dai dáí ïgai Jose masabigadïana. Bhodïrï maa ïgai yukuxi kïï bhai maaxkami dai ïmo bhaibukai oro. Podukai go Rey namïaturhi gubukadadï go Jose.

Genesis 41:44

Bhodïrï go Rey potïtïdai go Jose, —Aanï ïgai dai ïr Rey dïï bïïxi oidakami Ejiptuïrï biakamu ix gï tanïdagi oigaragai dai oiñïdagi— itïtïdai.

Genesis 42:6

Dai go Jose ïgai Daidi ïr gatïanïdami ami Ejipituana go tïrhigi dai gaagarhiña ix makïdï xibhïadïrï daibuiña. Kaxkïdï dadakai xixïgidï Jose sai mos kuiki ïgai buidïrï Jose.

Genesis 45:26

Aagidi ïgai ix kia daja go Jose dai ix ïgai ïgai dai tïanïi mïï Ejiptuamu. Dïï Jakobo ka mos mai taada daiba tïïtïitoitai aatagidï maamaradï. Mai buaboitudaimi ïgai.

Genesis 45:8

—Mai xu mosïka gin gagaarakai aapimï dibia aanï bhaigobai. Diuxi aba ïgai dai gin otosa ïrhiditadai dai bhaigobai gin otoi. Ïgai tudu daidi gin dáí sonoïrï kïakamiïrï go gïï Rey sai bhodïrï tïanïna aanï go gïï Rey kiidïrï dai bïïxi maigobai xako ukami gatïanïi ïgai— itïtïdai Jose.

Hechos 7:10

dai tomaxi kabami taata ïgai soi ïrhiaragai, Diuxi soi dai maigo daitu ïgai go soi ïrhiaradï. Maa ïgai kïïgadukami tïgibudagai go Jose daidi go Faraon kïïgakïrï tïï. Dai sonoïrï kïakami dáí ïgai aidï go Jose dai asta nukaturhi ïgai kiidï mos ïï kïï ïïmadatai.

Filipenses 2:10

Podui Diuxi sai bïïxi óídakami xadutudaiña go Suxi. Mai xudu xi ïr oidigi daama óídakamikagi ïgai xi ïr tïbagiïrï óídakami ïpï xi dïbïrai uta darakagi ïpï. Bïïxkatai ïgai gïn totonakïdï gukadamu Suxi buitapi dai xadutuadamu