Genesis 41:25 - Northern Tepehuan Bible

²⁵ —Diuxi gï aagida ïrhidi aapi Rey ix maaxi imi agai umigi. Dai gï aagida ïrhidi ïpï ix tuma duña agai ïgai. Kaxkïdï gï maa ïgai podukai gï tïïtïki. Gokadu gï tïïtïki dïï mos arhi ïmo ñoki aagadankaiti bïï gokapïrï— itïtïdai.

Genesis 41:25 Iomraidhean Croise

Genesis 41:16

Dai Jose itïtïdai, —Gin oigïdañi gin Rey dïï aanï ïïgi xadïrï maatïkana ix tuma bïïtarï gï tïïtïki— itïtïdai go Jose. —Dïï gia Diuxi maatï dai gin aagidamu pai maatïkana aapi xi go ix makïdï aagai gï tïïtïki ïr ïmo soiñi ka agai gï abhana— itïtïdai.

Genesis 41:26

Dai Jose itïtïdai ïpï, —Xibi aanï gï aagidagi ix tuixi pomaaxi tïïtïki aapi. Ïpïgioma tïïtïkimi aapi kubarakami bapakaxi kïï gigiïkami— itïtïdai ïgai go Rey. —Go bapakaxi aagadankaiti kubarakami umigi dai kïï gïïpi ka agai kuadagai. Dai bhodïrï tïïtïkimi aapi go tïrhigi kubarakami muradakami kïï iibhaidakami. Gobai aagadankaiti kubarakami umigi dai kïï gïïpiga ka agai kuadagai ïpï. Mos ïpïan kaidaga bïï gokapïrï gï tïïtïki.

Genesis 41:28

—Pogïduñimu bïïxi gobai ix dukai aagai aanï tudu. Dai xibi Diuxi gï aagidimi ïkiaxdïrï pai maatïkagi aapi. Kaxkïdï pomaaxi gï tïïtïkitudai ïgai— itïtïdai ïgai go Rey.

Genesis 41:32

—Ïï ka podukai dáí Diuxi. Kïï maatiga maaxi xi oton daibuña agai gobai. Ka gokoaja tïïtïkimi aapi go baaxikïdï tïïtïki di— itïtïdai Jose go Rey.

Mataibo 24:40

—Dai xïxkadï dibiagi aanï ïpamu gïn baidakatu agai ïïmo maaxi odami dai ïïmoko bimu. Aidïpïrï dïjoana gaatabuadamu goka kïkïïrhi dai ïmoko gï baidakatu agai dai go gïmai amaxi bimu.

Markos 13:23

Kïïga abïr gïn nukadaka tudu. Kaxi an ïkiaxdïrï gïn aagidi ix dukatai pogïduña agai xudu ugiti agadagi oidigi— itïtïdai.

Efesios 1:17

Diuxi gïr Oga ïgai dai Gïr Nukadakami Suxi Kristo xadutudaiña dai kïïga ïr gïdukami ïgai dai kïï tiodi. Ïgai tudu daanïi aanï gïn bïïtarï xi gïn maakana tïgibudagai xi kïïgioma maatïkana aapimï ïgai.

Apokalipsis 4:1

Dai gokiïrï ïpamu nïidi aanï ixtumaxi tïïtïkiïrï dukai. Nïidi aanï ïmo kuuparagai kupiokikami tïbagiana dai ïgai ix makïdï trompeta ïrhiadan kaiti gin ñokidi ïpamu dai pobai gin tïtïdai, —Gimi dai gï tïïgidamu aanï ixtumaxi daibuña agai gokiïrioma— gin tïtïdai ïgai.