Genesis 4:2 - Northern Tepehuan Bible

² Dai gokiïrï go Eba maara ïpïpï ïmo kïïrhi, ïgai ïr gasukurhi, Abel tïgidu. Dai aidïxi ka kïkïïrhitu maamaradï go oki sai go Abel ïr nukadami kañiñiru dai go gïmai go Kain ïr aatabuadami dïbïrapi.

Genesis 4:2 Iomraidhean Croise

Genesis 3:23

Dai mos potïkai Diuxi Gïr Nukadakami sai bhodïrï busaitu ïgai go kïïrhi ïxikamiañdïrï sai mai ugiagi ïgai go uxi ibhiadï ixtukïdï tomax tuigako oidakagi ïgai. Dai no xibhïako aaduinturhi ïgai go kïïrhi sai ï gïbaaxi dïbïrai xajadïrï duñixikami ïgai sai ï gïbaaxi dïbïraikïdï aatabuadagi ïgai.

Genesis 37:13

Dai ogadï go Jose gokadu tïtiaradï, Jakobo dai Israel. Daidi itïtïdai ïgai go Jose, —Imiñi gamo Xikemamu nïida gï xixïgi bako nukadai ïgai kañiñiru— itïtïdai Israel. —Ïjï imimu aanï— itïtïdai Jose.

Genesis 4:1

Dai bhodïrï aidïxi ka pogïduitadai bïïxi go maaxi sai go kïïrhi abhana bii oñigadï. Eba tïgidu oñigadï. Dai abhana tïï ïgai ïmo arhi odami. Aidïxi ka duayi ïgai sai bua ïmo kïïrhi Kain tïgidukami. Kïï bhai gï ïldan tïï ïgai go arhi odami daidi ikaiti, —Kaxi gin urhiña Gïr Nukadakami ïmo arhi kïïrhi gin maara— ikaiti go oki bhai gï ïrhiditai.

Genesis 4:3

Ïmo imidagai sai buapi Kain lïïchi yoobadï dai mïida agai Gïr Nukadakami ïmo xadutudaragai dukai.

Exodo 3:1

Aidïpïrï go Moises nukadakana Reuél sosoigadï kañiru. Go Reuél gokadu tïtiaradï. Reuél tïgidu ïgai dai Jetero tïgidu ïpï. Ïgai gamamaakaiña ñoki Madianïrï óídakami xi kïï buaboitudagi ïgai. Ïmo imidagai Moises saadatai imïi kañiñiru oidigamu daidi ayi uruñi utapako ïmo tubidaki Horeb tïgidukïdï xako didibai Diuxi.

Lukas 11:50

Kaxkïdï aapimï xibi óídakami taata agai gïgïbidaragai. Ka buatulda bii aapimï Diuxi kodatai aapimï bïïxi go ñiñokituldiadamigadï ix makïdï gïn koditu ïïki abhiadïrï. Ix makïdï gïn koditu aidï abhiadïrï xi kïkiba oidigi tudu.

Lukas 11:51

Go Abelkaru ïgai dai gï muatu ïpïgioma dai gokiïrï jaa mui gïn koditu ïpï asta aidïxi ukami gï muatu go Zakariaskaru. Ïgai ix makïdï muu go gïï kiupai tuixikigadïana tudu. Ami xako gï muatu ïgai ïmo padïrï kïïka go gïï kiupai dai ïma padïrï kïïka go dadaxdakarui dai ami ïrana gïi ïgai. Dai aanï aagai sai aapimï po ïrhidi sai kïï idui gïn aaduñi ïïki kokai ïgai go ñokituldiadamigadï Diuxi dai kaxkïdï aanï aagai ïpï sai buaturhi aapimï Diuxi bïïxkatai ïgai ix makïdï gïn koditu— itïtïdai Suxi.

VUAANA 8:44

Aapimï ïr maamaradï go diabora di— itïtïdai. —Dai ojoidi aapimï ix buadagi ixtumaxi ïgai ipïrhidi. Ïgai tukamïrï abhiadïrï mos ïr gamuakamikana dai buidïrï kaatïkamikana ïgai ixtumaxi ïr buaboi. Ïïgi pomaaxi tuigakami ïgai ix kaxkïdï yaatagïi ïgai. Ïgaiñdïrï tudu daibïi bïïxi go yaatagi— itïtïdai.

1 Juan 3:10

Podukai gï maatï xorai ïr maamaradï Diuxi dai xorai ïr maamaradï go diabora. Odami ix makïdï mai oijadagi ixtumaxi ïr sïïrhi dai mai oigïadagi aaduñdï ïgai mai urabaka Diuxi tudu.

1 Juan 3:12

Daiñi, maiti gï agai xi ïpïan buadagi aapimï go Kain ix makïdï urabakatadai go diabora dai ïïgi mua sukurhidï. Oiditadai ïgai go soimaaxkami tudu dai sukurhidï oiditadai ixtumaxi ïr sïïrhi dai kaxkïdï kïïdaitadai ïgai sukurhidï dai mua.

1 Juan 3:15

Daiñi, Diuxi ïmo gamuakami dukai nïidi toma xorai ix makïdï kïïdadagi aaduñdï tudu. Dai ïmo gamuakami xadïrï urabakana go oidakaragai bïïxkïrï bïïtarï ix makïdï gïr maakai Diuxi. Gobai maatiga maaxi.