Genesis 4:17 - Northern Tepehuan Bible

¹⁷ Daidi go Kain abhana boi oñigadï dai nonoakami bii ïgai dai bua ïmo arhi odami Enok tïgidukami. Kïïrhi ïgai. Dai gokiïrï kïi go Kain ïmo gïï kiiki dai Enok tïïtï ïgai go gïï kiiki ïpï ïpïan dukai maradï.

Genesis 4:17 Iomraidhean Croise

Genesis 11:4

—Tïtai kïï mui tutusa bhaabhaki dai bhodïrï kïïsagi ïmo gïï tïsadikarukami baaki kïï tïkabakami ix makïdï aiyagi mïï daan tïbagiana— ikaitiña. —Bai podukai gïr aatagada odami aipakoga nïiditai gïr aaduindaga. Dai podukai ïpï maiti ixtuidimu jaa xi maigobai gïr imitudagi chïchïki ïjïkobai aipako— ikaitiña ïgai.

Genesis 4:16

Dai daibuno jii go Kain abhiadïrï xako aatagaitadai Gïr Nukadakami dai maigo xibhïako oidatu xako Nod tïgidu oidigi. Edenañdïrï xarhiapakoga kaatï oidigi ïgai.

Genesis 4:18

Go Enok marai ïmo kïïrhi Irad tïgidukami. Dai gokiïrï go Irad marai go Mehujael. Dai Mehujael marai go Metusael. Dai Metusael marai go Lamek.

Genesis 5:22

Go kïïrhi Enok tïgidukami kïï kaidakana, kïï ïïgidarakan dukai ïgai Diuxi. Ïgai maara ïmo kïïrhi Metusalen tïgidukami ka biakatai baikobhai dan taama umigi. Dai bhodïrï ka kïkibakai go Metusalen bhodïrï bhaitiakoga kia oidakatadai go Enok ïpï baika ciento umigi dai maamara ïgai aarhi bamioma.