Genesis 4:10 - Northern Tepehuan Bible

¹⁰ Dai Gïr Nukadakami potïtïdai aidï, —Tuipïxi aidï imaaxi idui— itïtïdai. —Ka dïbïriïrï kaatï ïradï gobai gï sukurhi ami xako aaxi aapi. Dai gin tanïi gobai ïmo gïgïbituldaragai aapi gï bïïtarï.

Genesis 4:10 Iomraidhean Croise

Genesis 18:20

Ïmo imidagai Diuxi potïtïdai go Abraam, —Dudatai kajiomakana aanï sai kabami soimaaxi ibuayi go oidakami amïï Sodomïrï. Ami xako daja gï akita Lot tïgidukïdï tudu.

Genesis 3:13

Bhodïrï Diuxi Gïr Nukadakami bhagaimi go oki dai potïtïdai, —Tuipïxi imaaxi idui— itïtïdai. Dai go oki potïtïdai, —Go kooyiaba ïgai daidi gin buirumagi antai gauu aanï go uxi ibhiadï— itïtïdai.

Genesis 9:5

—Dai aanï maakimu gïgïbidaragai abhana bïïxi ix makïdï ïr gamuakami— itïtïdai. —Ix ïr odamikagi ïgai ix ïr buxtaki maaxi ïpï dai mua ïmo odami gï aagadamu popoidagi ïïgi ibhïadï go ix makïdï gamua ïmo gïgïbidaradï bïïtarï— itïtïdai.

Exodo 3:7

Daidi Gïr Nukadakami apia ñokidimi daidi itïtïdai, —Kïï maatï nïidi aanï xïïxi soi dukai óídaga gin aaduñi Ejiptuïrï. Kaïkana aanï xïïxi aijiïgïiña ïgai xudu soi buadagi tïtïanïdamigadï. Daidi kïï maatï aanï xïïxi bia ïgai soi ïrhiaragai abhana— ikaiti.

Hechos 5:3

Daidi go Piduru itïtïdai aidï, —¿Aapi Ananias tuipïxi bhïiyi Diabora tïgibudadï? Kaxi yaatagidi aapi Diuxi Ibhïadï dai ïïgi gï bïïtarï bhïiyi aapi chïki go tuminxi go dïbïrai namïgadï.

Hechos 5:9

Daidi go Piduru itïtïdai aidï, —¿Ix tuixidï pomaaxi gïn tïïtïitoi aapi ïmadï Ananias dai pomaaxi yaatagidi Diuxi Ibhïadï? Kiidañdïrï imïi gïgïrhi ix makïdï bhïkai gï kuna dai yaasa. Dai xibi aapi gï bhïkia agai ïpï— itïtïdai go Piduru.

Hebreos 11:4

Gin aaduñi, kïïga gï maatï sai go Abel kïïga buaboitu Diuxi dai kaxkïdï bamioma kïïgadukatadai ïgai daasadï xi bhai go Kain daasadï. Go Abel buaboitu Diuxi dai kaxkïdï Diuxi kïïgakïrï tïï dai aagidi sai bhai gï ïrhidi go daxdaradïkïdï ix makïdï buapi ïgai. Dai xibi tomaxi go Abel ka muu bïïxkïrï ïgaikïdï mamaatïrïi aatïmï ixdukatai buaboitudagi aatïmï Diuxi ïpï.

Hebreos 12:24

Gin aaduñi, aapimï buaboitudai Suxi Kristo ix makïdï bhai dui go utudui sïïrhikami gïr bïïtarï. Amïka Diuxi buitapi bhai dui ïgai sai kïïgakïrï bubuakïna aatïmï tudu. Buaboitudai aapimï go aaduindagai ix makïdï idui Suxi Kristo kuruxiana aaxtakai ïgai ïradï ami. Dai go Suxi ïradï ix makïdï aaxi ïgai kuruxiana mai ïpïamaaxi ïradï go Abelkaru ix makïdï gï aaxi aidïxi muu go Abel ïïki. Diuxi pokaiti sai go Abel ïradï gataanïitadai sai gï sïïrhiñana Diuxi go Kain ïmadï ïmo gamuakamikatai go Kain. Dïï go ïrai ix makïdï aaxi Suxi mukukai kuruxiana gobai gataanïi sai gïr oigïldana ïgai gïr soimaaxkamiga bhaiyoma. Gïïpi ïma maaxi gobai xi bhai go Abel ïradï tudu.

Santiago 5:4

Daiñi, mai aa namïki aapimï gïn pipioñiga ix makïdï yoobaiña gïn ïxi. Gaïxi aapimï maitïkidï bhaiyoma dai gobai ïr ïmo maaxidaragai ix mai kïïga ibuayi aapimï. Daiñi, Diuxi bïïxi adaama gubuka dai ïr Tïanïdami mui sandadaru dai kïïga kaïkana ïgai gïn pipioñiga ix gïgïr aajagïiña. Dai kïï bhaiga Diuxi xi gïn bui gïxiagi gatïanïitai ïgai bïïxi sandadarugadï amïka tïbagiana tudu.