Genesis 39:9 - Northern Tepehuan Bible

⁹ Bïïxi gin tïïgi gin amu buxtuidadï. Dai gin maa gubukadagai ix tïanïda aanï go gaa pipioñigadï ïpï. Mosïka aapi gia mai bia aanï sïïrhikami ix podukai daibuskïdagi gï ïmadï gï xadutudaitai. Kaxi ïr oñigadï aapi di. Xadïrï galnaaxi ibuadana aanï podukai buidïrï Diuxi— itïtïdai.

Genesis 39:9 Iomraidhean Croise

Genesis 13:13

Go Sodomïrï óídakïdï sïïrhikïdï mai kïï tutuiga dai gïïpi galnaxi ibuadana Gïr Nukadakami buidïrï.

Genesis 39:10

Dai go oki bïïx tasai mos aagidiña sai bïïxkïrï abhana boona dai bïïxkïrï mai ïïgidiña ïgai.

Genesis 41:40

—Daiñi Jose— itïtïdai. —Xibi gï maakimu aanï gubukadagai xi tïanïda go gïï kiiyïrï xako oidaga aanï dai maigobai go óídakami ix makïdï tïanïi aanï biakamu sïïrhikami xi gï ïïgiadagi ïpï. Xibi mosïka aanï ïgai dai bamioma namïakamu ix aapi. Aanï kaxi ïr Rey di— itïtïdai.

Genesis 42:18

Daidi gokiïr itïtïdai ïgai, —Aanï xadutudai Diuxi dai kaxkïdï gïn soiñamu aanï dai ix gin ïïgiadagi aapimï ka mai xïduñimu aapimï— itïtïdai.

Exodo 20:14

Aapimï kïkïïrhi abïr mai abhana bopoda oñigadï ïmai. Dai aapimï oki abïr mai abhana bopoda kïïrhi ix makïdï maiti ïr gïn kuna.

Lukas 12:48

Dïï gia ix makïdï mai kïï ibuadagi mai maatïkatai ixtumaxi aagai amudï, ïgai ïr ajïakami ix taatagi gïgïbidaragai ïpï dïï mai xiu go kaxi. Pomaaxi aatabuayi Diuxi tudu. Daiñi, xi gïïpi maakiagi ïgai ixtumaxi ïmo pioñigadï aidï gia go pioñi gï agai xi gïïpi aa noraidagi gokiïrï. Pomaaxi tudu xorai Diuxi gïïpi nukatuldagi ixtumaxi— itïtïdai Suxi go Piduru.

1 Korintios 4:2

Dai kïï maatï aapimï sai ix makïdï biakagi ïmo sïïrhikami bia ix kïïga ibuadagi aaduindadï.

Tito 2:10

Maiti gï agai xi gaïxiadagi ïgai amudï ixtumaxi dai bhaiyoma gï agai xi sïïrhi ibuadagi bïïxi aïkatïrï sai jaa maatï nïidiña sai Diuxi ïr kïïgakïrï gïr bubiadamiga dai sai Diuxi ñokidï kïïga ïr soiñi.

Hebreos 13:4

Aapimï ix makïdï ka gaïmadï bii abïr xadutuada gïn aduñi dai kïïga abïr gïn tïtïgitoka dai mai ïmadï boopodagi ïmai. Kaxkïdï tudu Diuxi gïgïbitulda agai xorai ïmadï boopodagi ix makïdï maiti ïr aduñdï. Dai go ix makïdï mai kia gaïmadï bii, ïgai maiti gï agai ix gaïmadï boopodagi ïpï.

1 Juan 3:9

Kïïga gï maatï odami ix makïdï ïr maamaradï Diuxi. Mai oidiña go soimaaxkami tudu. Bia ïgai Diuxi tïgibudadï kaxkïdï ka ibhïgadïrï dakatai Diuxi. Mai bhaiga ïgai xi apia oijadagi go soimaaxkami maamaradïkatai ïgai Diuxi tudu.

Apokalipsis 21:8

Dïï jaa gia surhigimu aanï go gïï taiyïrï ix makïdï mïmïjïi asufrekïdï. Taiyïrï surhigimu aanï bïïxkatai ix makïdï dagito xi maitiagi duadimudagai tudu dai ix makïdï mai buaboitudai dai ix makïdï tukurhimagi ïïgi ibhïadï soimaaxi ibuadatai. Surhigimu aanï ix makïdï ïr gakodadami ïpï dai ix makïdï ïmadï bopoyiña jaa aipakoga dai taapïgami dai ix makïdï xadutudai uubixi dai ix makïdï ïr yaatabogami. Bïïxkatai ïgai gïn ajiagai xi go gïï taiyïrï surhigiagi. Gobai ïr go kugadïrï mukigami agaikïdï tudu— in tïtïdai Diuxi.

Apokalipsis 22:15

Dïï gia kidigamadïrï bimu bïïxkatai ix makïdï tukuraga iibhïadï mai buaboidaitai ïgai. Dukami taapïgami dai odami ix makïdï ïmadï bopoyiña jaa aipakoga dai gakodadami dai ix makïdï xadutudai uubixi dai ix makïdï yaataboga. Bïïxkatai ïgai kidigamadïrï bimu.