Genesis 37:9 - Northern Tepehuan Bible

⁹ Bhodïrï ïpïpï tïïtïkimi go Jose dai aagidi xixïgidï, —Ïpamu tïïtïkimi aanï— itïtïdai. —Tïïtïkimi aanï go tasai ïmadï masadai dai bhaibuxtama dan ïmo xixabugai gin buidïrï kuiki— itïtïdai.

Genesis 37:9 Iomraidhean Croise

Genesis 37:10

Jose aagidi ogadï ïpï ix tïïtïkimi ïgai xi ogadï bhagaidi daidi potïtïdai, —Maiti gï agai ix podukai ñokada aapi— itïtïdai. —Aanï ix tudu kuikïskïda iñagai gï buidïrï ïmadï gï daada dai gï xixïgi dai gï xadutuadamu— itïtïdai ogadï.

Genesis 37:7

—Tïïtïkimi aanï sai guikomai aatïmï tïrhigi. Sïïrhi kïkiba ïraana ix makïdï buu aanï dai ix makïdï guikomai aapimï bïï xikorhi mos koidamu kuikïskïdan buayi dai xadutuadan dukai ibuayi buidïrï ix makïdï buu aanï— itïtïdai.

Genesis 37:8

Dai xixïgidï Jose itïtïdai, —Aapi ix tudu daidi ïr Rey ka agai dai gïr tïanïda agai— itïtïdai. Xi gokïdï apia bamioma kïïdaimi ïgai Jose kaïkatai aatagidï ix dukai aagai ïgai aagaitai tïïtïkidï.

Genesis 41:25

—Diuxi gï aagida ïrhidi aapi Rey ix maaxi imi agai umigi. Dai gï aagida ïrhidi ïpï ix tuma duña agai ïgai. Kaxkïdï gï maa ïgai podukai gï tïïtïki. Gokadu gï tïïtïki dïï mos arhi ïmo ñoki aagadankaiti bïï gokapïrï— itïtïdai.

Genesis 41:32

—Ïï ka podukai dáí Diuxi. Kïï maatiga maaxi xi oton daibuña agai gobai. Ka gokoaja tïïtïkimi aapi go baaxikïdï tïïtïki di— itïtïdai Jose go Rey.

Genesis 42:6

Dai go Jose ïgai Daidi ïr gatïanïdami ami Ejipituana go tïrhigi dai gaagarhiña ix makïdï xibhïadïrï daibuiña. Kaxkïdï dadakai xixïgidï Jose sai mos kuiki ïgai buidïrï Jose.

Genesis 45:9

—Xibi ipïrhidi aanï ix mïï nïida aapimï gin oga dai aagida sai maatïka ïgai sai kaxi gin maa gubukadagai Diuxi tami xi bïï sudakami tïanïda aanï tami Ejiptuïrï. Daidi abïr aagida sai otoma bhaigobai dibiagi— itïtïdai Jose.

Filipenses 2:15

Podukai mai tïigimu jaa ixtukïdï gïpiïrï gïn bupadagi. Kïïga abïr buañixikami dukai óídaka tudu Diuxi maamaradïkatai aapimï. Abïr mai dagitokatai oijada go aatagi ixtukïdï kïïgakïrï óídakana odami sai podukai ïr kudagi dukaikana aapimï óídakatai aapimï saagida go soimaaxi ibuadami dai pupuirugami ix makïdï oidaga tami oidigi daama. Podukai abïr óídaka tudu sai biakana aanï ixtukïdï bhai gin ïrhiadagi xïxkadï dibiagi Suxi Kristo. Sai maatïkana aanï aidï sai mai mos ïïgikïdï aatadui aanï.