Genesis 37:4 - Northern Tepehuan Bible

⁴ Dai Jose xixïgidï kïïdaiña Jose nïiditai xi bamioma oigïdaiña ogadï. Dai tomarhi mai biaturhiña ïgai xako tïïgiagi go Jose.

Genesis 37:4 Iomraidhean Croise

Genesis 27:41

Dai aidï abhiadïrï go Esau mos kïïdai go Jakobo bhai ïrhiaradïkïdï ix makïdï maatadai ogadï. Bhodïrï poïrhi Esau, —Ka chïki tasai bitugai xi ugitiagi gin oga. Mos aagadamu ix xadutuada aatïmï gin oga kia chïki tasai dai gokiïrï gïbiñamu aanï gin sukurhi— gï ïrhidi.

Genesis 37:11

Dai go xixïgi ïgamu buidïrï go Jose. Dïï ogadï gia mos tïgito aimïraiña tïïtïkidï ïgai, —Maatï xi buaboi busiagi gobai ïpï— gï ïrhidi ïgai.

Genesis 37:5

Ïmo imidagai tïïtïkimi Jose dai aagidi xixïgidï ix tuma tïïtïkimi ïgai xi gokïdï apia bamioma kïïdaiña ïgai.

Genesis 4:5

Dïï mai podukai nïidi ïgai go Kain ïmadï go ix makïdï buatadai ïgai xi gokïdï ka sïïrhikïdï bhamu aidï go Kain dai bhiibhixorai.

Sal 69:4

—Arhiïxi muidu ix makïdï gin kïïdai mai biakatai ixtukïdï. Bamioma muidu ïgai xi bhai gin kuupa. Mos ïgikïdï gin mua ïrhidi gin buidïrï bïïtïkami tudu. —Aa noraida ix makïdï gaïïxi aapi— gin tïtïdaimi ïgai. Dai aanï tomarhi ïmo imidagai maiti gaïïxidi ixtumaxi.

Markos 3:25

Dai ix ïmo kiiyïrï óídakami ïïgi gïn kokodagi ïgai mos aipako gïn kodi antaada ïpï dai gïn xia duadiagi.

Tito 3:3

Daiñi, maiti gï agai xi soi dukai nïijada aatïmï go jaa ix makïdï mai buaboitudai. Aatïmï ïpï maiti ïr buaboitudadamikana ïkioma tudu dai ïpïan tutiakana aatïmï ïgai dai ïpïamaaxi ibuadana. Aidï mai ïïgidiña aatïmï Diuxi dai buaboitudaiña aatïmï ixtumaxi ïr yaatagi. Mai bhaigakana aatïmï xi dagitoagi go soimaaxkami ix makïdï ibuada ïrhidiña aatïmï gaagaitai ïmo bhai ïrhiaragai. Aidï ïjïgakoitïrïkana aatïmï dai gïr kïïdaiña aatïmï aipakoga. Pomaaxi tutiakana aatïmï mai kia buaboitudakai tudu.

1 Juan 3:10

Podukai gï maatï xorai ïr maamaradï Diuxi dai xorai ïr maamaradï go diabora. Odami ix makïdï mai oijadagi ixtumaxi ïr sïïrhi dai mai oigïadagi aaduñdï ïgai mai urabaka Diuxi tudu.

1 Juan 3:12

Daiñi, maiti gï agai xi ïpïan buadagi aapimï go Kain ix makïdï urabakatadai go diabora dai ïïgi mua sukurhidï. Oiditadai ïgai go soimaaxkami tudu dai sukurhidï oiditadai ixtumaxi ïr sïïrhi dai kaxkïdï kïïdaitadai ïgai sukurhidï dai mua.

1 Juan 4:20

Ix pokaitadagi ïmoko sai oigïdai ïmoko Diuxi dïï gia ix kïïdadagi ïgai aaduñdï Diuxi amadïrï aidï gia yaatagïi ïgai dai maiti ïr buaboi ix oigïdai ïgai Diuxi. Mai oigïdai ïgai tomarhi go aaduñdï ix makïdï kïïga nïnïidiña ïgai tudu. Dai kaxkïdï ¿ixdukatai oigïdaiña ïgai Diuxi ix mai nïidi ïgai tomarhi ïmo imidagai di?