Genesis 37:28 - Northern Tepehuan Bible

²⁸ Bhodïrï xixïgidï busaitu go Jose ïpamu dïgakaiñdïrï aidïxi ka dïgabusai go gaagaradami dai gagalda agai. Ïmokobhai tuminxikïdï plata gagara ïgai. Dai go gaagaradami bhïkai go Jose dai gamo Ejiptuamu gagaara agai ïpamu.

Genesis 37:28 Iomraidhean Croise

Genesis 37:25

Dai bhodïrï xixïgidï darakatai gakuayi dai tïï chïki gaagaradami ix no gukigi. Ejipto amakoga iimïdami ïgai dai mïïkaxdïrï iji xako Galad tïgidu oidigi. Dai sosoigadï kamemeyo gïï kusu iimïi kïï bïïñakan ubaikami kuadagai ïmadï perfume dai duduadigami maaxi.

Genesis 37:36

Dai go Madianitas ix makïdï ïr gaagaradami dai gasabïrhitadai baidaja go Jose gamo Ejiptuamu. Dai ami gagarhi ïgai ïmo dunukami Potifara tïgidukami. Kapitañigadï ïgai go nunukadakami kiidïrï go gïï Rey ami Ejipituana.

Genesis 39:1

Go gaagaradami gamo Ejiptuamu baidaja go Jose dai ïmo dunukami ami sabïrhi. Potifara tïgidu go dunukami ïgai. Kapitañigadï ïgai sandadaru ix makïdï nukadai kiidïrï go gïï Rey.

Mataibo 26:15

Daidi tïkaka ïgai go tïtïanïdamigadï go dadaxdadami daidi potïtïdai, —¿Xïïxi gin aa namïidana aapimï ix gïn tïïgidagi aanï go Suxi?— itïtïdai. Daidi go tïtïanïdami maa ïmokobhai dan bhaibuxtama plata tuminxi.

Mataibo 27:9

Podukai po gï idui ixtumaxi oja go Jeremias ïïki. Ïgai ïr ïmo ñokituldiadamigadїkatadai Diuxi. Dai ami ojadïrï pokaiti ïgai sai, Go Israelitas bhai dui ñoki dai aagai sai ïmokobhai dan bhaibuxtama plata tuminxikïdï sabïda agai ïmo kïïrhi. Podukai ka aagai ïgai xïïki namïaka agaitadai ïgai ix makïdï gï tïïgitulda agai.

Hechos 7:9

—Gokiïrï go bhaitï gukakami ïgai ïgamu sukurhidï. Ïgamu ïgai go Jose tudu dai gagaarhi ïgai xibhïakoga óídakami bai ïgai bhïkai go Jose Ejiptuamu. Dïï bïïxkïrï Diuxi ïmadï dajatadai go Jose